ESAIA 24:7 - Jinghpaw Common Language Bible 2009

⁷ Sabyi ru ni nyui mat ai hte sabyi ntsin n pru mat nga ai. Lang mi kabu gara yu sai masha shagu hte gaw ya aten myit n pyaw n ngawn rai nga ai,

Jinghpaw Hanson Version Bible

⁷ Tsabyi jahku nnan gaw nsa n rawng nga ai; tsabyi ru gaw n-gun yawm nga ai; kabu gara myit rawng ai ni yawng, madai nga ma ai.

ESAIA 24:7 ပူးပေါင်းရင်းမြစ်များ

ESAIA 16:10

Ya chyawm gaw namhpun kaja ai yi hkauna ni hta kabu gara ai lam n nga sai. Kadai mung sabyi sun ni hta jahtau garu ai hte mahkawn mangoi ai lam n nga sai. Sabyi ntsin galaw shapraw na matu kadai mung sabyi si kabye ai n rai; kabu gara jahtau garu ai nsen htum mat sai.

ESAIA 16:8

Heshbon makau na yi sun ni hte Sibma a sabyi sun ni gaw hten za mat nga ai-ndai sabyi sun ni hta na pru ai sabyi ntsin gaw masha amyu baw ni a mung up du ni hpe lu nang shangun ngun rai nga ai. Kalang mi, sabyi ru ni gaw Yazera mare hte sinpraw maga de nga ai nam maling de du hkra mung, sinna maga de Jum Nawng a wora hkran de du hkra hkrawn sa wa nga ai.

YEREMIA 7:34

Mungdan gaw katsi katsang shara tai mat wa na ra ai; Yuda mare ni hte Yerusalem mare lam ni hta kabu gara ai nsen hte hkungran lusha poi galaw ai ni a nsen ni hpe ngai jasim kau na we ai.

EZEKELA 6:14

Rai sa, ngai gaw shanhte kaw du dep nang nna shanhte a mungdan hpe jahten kau na nngai. Ngai gaw dai mungdan hta Israela amyu masha ni gara shara hta mung n nga lu hkra, dingda maga de nga ai zaibru jang kaw nna dingdung maga Ribla mare du hkra shingran katsi ai shara shatai kau na nngai. Shaloi masha shagu hte gaw Ngai nan dai Madu rai nga nngai hpe chye na mara ai,” ngu nna tsun wu ai.