ESAIA 24:5 - Jinghpaw Common Language Bible 2009

⁵ Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

Jinghpaw Hanson Version Bible

⁵ Mung masha ni gaw tara hpe tawt lai nna, hkang da ai ga hpe galai kau ai hte, prat dingsa na ga shaka hpe shaprai kau ai majaw, lamu ga gaw awu asin hkrum nga ai.

ESAIA 24:5 ပူးပေါင်းရင်းမြစ်များ

2 SAMUELA 23:5

N hten n run mat ai myit hkrum lam, galai shai n lu ai ga sadi ngu ai htani htana ga shaka ngai hte tawn da nu ai majaw, Karai Kasang gaw nye a amyu matu ni hpe shaman ya na ra ai. Dai gaw ngai ra sharawng ai lam yawng rai nna nye a awng padang rai na ra ai, Karai Kasang mung dai hpe teng teng shabyin dat na ra ai.

2 HKAWHKAM 21:12

Dai re ai majaw, dai Madu Israela a Karai Kasang ngai gaw Yerusalem mare hte Yuda mung hta dai zawn re ai ru yak tsin-yam tsindam hpe shapraw dat na we ai, shing re ai lam hpe na wa ai ni kadai mung sai kajawng mau mat na mara ai.

2 HKAWHKAM 21:15

Shanhte gaw ngai hpe shut hpyit kau nna Egutu mung na pru wa ai shanhte a kaji kawa ni a prat kaw nna dai ni du hkra ngai hpe masin pawt shangun nga ma ai majaw ndai amu nye a amyu masha ni hta ngai galaw na we ai,” ngu nna tsun wu ai.

2 HKAWHKAM LABAU 33:9

Dai Madu gaw shi a amyu masha ni rawt lung wa yang, mungdan shinggan de shaden shapraw kau ai masha amyu baw ni shut hpyit kau ai yubak mara ni hta grau sawng hkra pyi, Manashe gaw Yuda masha ni hpe lam woi shadam let shut kau nu ai.

SHAKAWN KUNGDAWN 105:10

“Ngai nang hpe Hkanan mung jaw na nngai, dai hpe nang madu lu na ra ai,” nga nna Madu gaw Yaku hte ga shaka tawn da nu ai hte maren,

SHAKAWN KUNGDAWN 55:5

Ngai gaw nau hkrit gari mat ai majaw ging mat ni ai; ngai gaw kajawng kaja re ai hte htinggrum da ai hkrum nga nngai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 33:8

Ningmaw lam kaba ni grai hkrit tsang shara rai nna kadai mung dai lam hku n lai hkawm ma ai. Ga shaka ni mung hten mat nna myit hkrum lam ni run mat nga sai. Kadai mung hkungga n hkrum nga sai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

YEREMIA 11:10

Shanhte gaw ngai tsun ai ga hkan galaw na matu ningdang kau nga ai shanhte a kaji kawa ni a yubak lam de nhtang mat wa masai; shanhte gaw kaga karai ni hpe nawku mat masai. Israela hte Yuda yan gaw shanhte a kaji kawa ni hte ngai galaw tawn da sai ga shaka hpe jahten kau manu ai.

YEREMIA 50:5

Shanhte gaw Ziun de sa wa ai lam hpe san na mara ai, dai shara de du sa wa na mara ai. Shanhte gaw ngai hte htani htana na ga shaka tawn da na mara ai, dai gaw galoi mung hten run mat na ra ai n rai.

EZEKELA 16:59

Tsaw Htum ai dai Madu gaw, “Nang gaw na a ga sadi ni hpe hpa n sawn ya ai hte ga shaka hpe jahten kau nit dai majaw, nang hpe ging dan ai hku ngai nang hpe di na nngai.

EZEKELA 20:13

Rai ti mung, shanhte gaw ngai hpe nam mali hkan e pyi nye a hkang da ai ga hpe ninghkap lale nga ma ai. Shanhte gaw nye a tara ni hpe jahten kau ma ai; dai lam ni hpe hkan sa madat mara ai ni kadai rai ti mung asak hkrung nga shangun na, nye a hkang da ai matsun maroi ga ni hpe kau da mu ai. Shanhte gaw Bansa Nhtoi hpe awu asin di kau ma ai. Shanhte hpe jahten shaza kau na matu dai nam mali hkan e nye a sindawng kahtet ai n-gun hkam sha shangun lu na matu ngai shajin da ni ai.

EZEKELA 20:24

Shanhte gaw nye a hkang da ai matsun maroi ga ni hpe n hkan, nye a tara ni hpe jahten, Bansa Nhtoi hpe awu asin di nhtawm shanhte a kaji kawa ni nawng jau ai hpara sumla ni hpe nawku ma ai majaw, ndai amu hpe ngai galaw ni ai.

EZEKELA 37:26

Shanhte a matu htani htana prat dingsa na shim lam ga shaka hpe ngai tawn da na nngai. Ngai shanhte hpe de da nna shalaw jahtam na nngai, shanhte a mungdan hta nye a Nawku Htingnu htani htana agrin nga ai hpe mung mu lu na mara ai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

Daniela 9:10

O Madu anhte a Karai Kasang e, na a shangun ma ni rai nga ai myihtoi ni hku nna nang anhte hpe jaw ya ai tara ni hte maren, hkrung nga lu na matu nang tsun ai ga hpe anhte n madat saga ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

HOSEA 6:7

“Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

JAW JAU 20:22

Dai Madu gaw, “Nye a tara ni hte hkang da ai ga ni yawng hpe hkan sa shadik shatup mu; shaloi nanhte hpe ngai woi wa ai Hkanan mung de shang wa lu na matu ningdang kau hkrum na myit dai n rai.

MIHKA 2:10

Rawt sa wa su; ndai shara hta bansa shim lum ai lam hpa mung n nga nga sai. Ndai shara hten run mat na matu, nanhte galaw ai yubak ni gaw tara jeyang ai hkrum nga manit dai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

TARA JAHPRANG 32:15

“Dai Madu a amyu masha ni sut su wa ti mung, gumlau hpyen she nhtang tai; mu mai ai lusha hte shanhte hpum sau ma ai. Shanhte a hpan Madu Karai Kasang hpe kabai kau ma ai; chyalai n-gun hte hpring ai hkye madu hpe ningdang kau ma ai.

TARA JAHPRANG 32:20

Shi gaw, ‘Ngai shanhte hpe kachyi mi pyi karum la na nngai n rai,’ ngu nna tsun wu ai; ngai gaw ndai du ja let sadi n dung ai amyu masha ni hta hpa byin wa na lam yu yu na we ai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

HEBRE 9:1

Shawng na ga shaka hta nawku daw jau ai hte seng ai htung lai ni nga ai hte maren masha lata hte galaw ai nawku shara mung nga ra nga ai.

YAWSHU 23:16

Dai Madu nanhte a Karai Kasang gaw nanhte hkan shatup na matu hkang da ai ga shaka hpe nanhte tawt lai nna, kaga hpara shaje hpe nawku daw jau myit dai rai yang, shi pawt sindawng ai a majaw nanhte hpe ari jaw na ra ai; shi nanhte hpe jaw da ai ndai kaja ai mungdan hta na kade n na yang, nanhte htum mat na rai myit dai,” ngu nna tsun mu ai.

YAWSHU 24:25

Dai rai nna, Yawshu gaw dai shani e amyu masha ni hte Shehkem mare e ga shaka tawn nna, shi shanhte hpe dai hkan sa na matsun maroi ga hte tara ni jaw ya wu ai.