ESAIA 24:4 - Jinghpaw Common Language Bible 2009

⁴ Ginding aga gaw hkun hkraw ai hte nyui nga ai; mungkan ga ting n-gun yawm nga ai; ginding aga hte sumsing lamu gaw tsam mat na ra ai.

Jinghpaw Hanson Version Bible

⁴ Lamu ga gaw yawn nga ai hte, nyui mat nga ai; mungkan ga gaw n-gun yawm ai hte, nyui mat nga ai; ga ntsa na dap tsaw ai amyu gaw, n-gun yawm nga ai.

ESAIA 24:4 ပူးပေါင်းရင်းမြစ်များ

ESAIA 24:21

Dai Madu gaw matsaw ntsa na daru magam n-gun rawng ai ni hte ga ntsa na up hkang du salang ni hpe ari jaw ai shaloi, dai aten gaw du wa nga ai.

ESAIA 24:3

Ginding aga gaw ga gamang mat nna hten run mat na ra ai. Dai Madu tsun nu ai hte maren dai gaw byin wa na ra ai.

ESAIA 28:1

Israela mungdan gaw dingnye hkrum nga sai! Dai mung a arawng sadang gaw chyaru ya ningbaw ni a abaw ntsa na nampan janmau ni zawn nyui mat nga sai. Shanhte a gumrawng gumtawng ai abaw ni gaw manam pyaw bat hawm nga ai, rai ti mung shanhte gaw n dum ndam rai lu nang gumpye taw nga ma ai.

ESAIA 3:26

Mare chyinghka ni gaw sharung shayawt ai hte hkrap na mara ai, mare dai nan gaw singgu krin raw sharun kau nna ga ntsa e dung nga ai numsha langai zawn tai mat na ra ai.

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

YEREMIA 12:4

Anhte a lamu ga gaw kaden du hkra hkun hkraw ai hte yi sun shagu hta tu ai tsingdu ni nyip mat na rai ta? Amyu masha ni gaw, ‘Anhte galaw nga ai amu hpe Karai Kasang n mu nga ai,’ nga nna tsun ai anhte a n hkru ai amyu masha ni a majaw, ashu ashan ni hte ntsa malen u ni si mat nga ai,’” ngu nna tsun ai.

YEREMIA 4:28

Ginding aga gaw sharung shayawt nna; sumsing lamu gaw sin mak mat na ra ai. Dai Madu gaw shi tsun nu ai ga hpe shi a myit hta jashai kau na ra ai n rai. Shi gaw shi a daw dan ai amu hpe galaw nu ai, bai dawm la kau na ra ai n rai.

SHARUNG SHAYAWT 1:4

Ya chyawm gaw chyoi pra ai shani ni hta nawku na matu Nawku Htingnu de kadai mung n sa nga ai. Dai shara hta mahkawn shakawn ai mahkawn ma ni nni nkri hkrum ma ai, hkinjawng ni mung madai sharung nga ma ai. Mare chyinghka ni gaw katsi katsang rai nna, Ziun gaw tsin-yam tsindam hkrum nga ai.

HOSEA 4:3

Dai rai nna lamu ga gaw hkun hkraw wa na ra ai, dai hta nga manga yawng si na ra ai. Dusat yam nga ni hte ntsa malen u ni yawng, hka na nga du hkra si na mara ai.

YOELA 1:10

Yi, sun hkauna ni hkam ma sai; nsi naisi ni hten za mat ai hte, sabyi si ni hkraw mat nna, tsanlun hpun ni nyip mat wa ai majaw, lamu ga sharung shayawt nga ai.