ESAIA 24:22 - Jinghpaw Common Language Bible 2009

²² Karai Kasang gaw nhkun kata hta sharen da ai bawng dung masha ni hpe zawn hkawhkam ni hpe shinggyin mahkawng da na ra ai. Shi gaw shanhte hpe ari jaw ai aten du hkra, htawng kata hta la bang da na ra ai.

Jinghpaw Hanson Version Bible

²² Bawng dung ai ni hpe htawng hta sharawng da ai hte maren, shanhte hpe shinggyin la nna, htawng hta sharawng da nhtawm, nhtoi law law lai jang, shi shanhte hpe ari jaw na ra ai.

ESAIA 24:22 ပူးပေါင်းရင်းမြစ်များ

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 24:17

Masha yawng hte e, nye a ga madat mu! Hkrit kajawng lam ni, nhkun ni hte mahkam ni gaw nang hpe ala nga ai.

ESAIA 42:22

Rai ti mung, ya chyawm gaw shi a amyu masha ni hpya lu hpya sha ai hkrum nga manu ai; shanhte gaw ga htawng hta bang da ai hkrum ma ai, htawng ni hta makoi bang da hkrum ma ai. Shanhte gaw kashun kashe, hpya lu hpya sha ai hkrum ma ai, kadai mung shanhte hpe sa hkye la nga ma ai n rai.

EZEKELA 38:8

Shaning law law lai mat wa ai hpang, masha amyu baw ni law law a lata kaw na rau sha woi nhtang wa nna hpyen majan hpa mung n hkrit n tsang ra sai hte amyu masha ni shanu nga ai mungdan hpe shang gasat na matu ngai shi hpe ahkang jaw ya na nngai. Shi gaw aten na na katsi katsang tai mat nna jahkam da sai rai ti mung, ya, dai mungdan hta amyu masha ni yawng shim lum ai hte shanu nga sai Israela bum ni hpe shang gasat na ra ai.

ZEHKARIA 9:11

Dai Madu gaw, “Nanhte tawn da ai nye a ga shaka ngu ai dazik dawk da ai shagu hkungga ni a asai a majaw, Ngai gaw na a amyu masha ni hpe bawng dung hkrum ai ni hpe hka n rawng ai nhkun kaw nna shalawt dat na nngai.

ZEHKARIA 9:12

Ya aten myit mada shara nga sai bawng dung masha ni e, nhtang wa marit; shim lum ai nanhte a shara de nhtang wa marit. Ya chyawm gaw, ngai nanhte hpe tsun made ga, nanhte hkrum sha manit dai nni nkri yawng a matu chyeju htam lahkawng bai htang jaw na made ai.

SHINGRAN 20:2

Shi gaw, dai Nat Satan rai nga ai, moi na lapu ngu ai baren numraw hpe rim la nna, shaning hkying mi du hkra sharen da na matu gyit hkang wu ai.