ESAIA 24:21 - Jinghpaw Common Language Bible 2009

²¹ Dai Madu gaw matsaw ntsa na daru magam n-gun rawng ai ni hte ga ntsa na up hkang du salang ni hpe ari jaw ai shaloi, dai aten gaw du wa nga ai.

Jinghpaw Hanson Version Bible

²¹ Dai shani e Yehowa gaw, matsaw ntsang na zaw nawng zaw wa hpe, tsaw ai shara hta, ga ntsa hkawhkam ni hpe, ga ntsa e, kawan katsan yu na ra ai.

ESAIA 24:21 ပူးပေါင်းရင်းမြစ်များ

SHAKAWN KUNGDAWN 76:12

shi gaw gumrawng gumtawng ai hkawhkam shadang sha ni hpe shagrit kau nna; galu kaba ai hkawhkam ni hpe jahkrit shama nga ai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

ESAIA 24:4

Ginding aga gaw hkun hkraw ai hte nyui nga ai; mungkan ga ting n-gun yawm nga ai; ginding aga hte sumsing lamu gaw tsam mat na ra ai.

ESAIA 60:11

Na a chyinghka ni shani shana hpaw da lu na rai ndai, Shaloi masha amyu baw ni a hkawhkam ni Shanhte a sut gan nang kaw la shang wa na mara ai.

EZEKELA 39:1

Tsaw Htum ai dai Madu gaw, “Si chye ai masha wa e, Meshek hte Tubala masha amyu baw ni hpe up hkang ai du kaba Goga hpe htawn tsun u, ngai gaw shi a hpyen rai nga nngai ngu shi hpe tsun u.

EZEKELA 39:5

Shanhte gaw pa ga e kadawng si na mara ai. Tsaw Htum ai dai Madu ngai nan tsun ni ai.

YOELA 3:19

“Shanhte gaw Yuda mung hpe gasat nna, dai hta nga ai mara n kap ai masha ni hpe sat kau mu ai majaw, Egutu mung gaw zaibru jang tai mat nna, Edom gaw katsi katsang hten run mat na ra ai.

ZEHPANI 1:8

Dai Madu gaw, “Sat nawng ya ai shani e, du magam ni, hkawhkam kasha ni hte maigan htung hkan ai ni yawng hte hpe ari jaw na nngai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 18:9

Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai.