ESAIA 24:20 - Jinghpaw Common Language Bible 2009

²⁰ Ginding aga shi nan gaw chyaru nang ai wa zawn ndi nda rai nna, nbung laru kata na yihkyap kanga ai zawn, rai mat na ra ai. Mungkan ga gaw shi a shut hpyit ai yubak ni hta li nga ai; dai gaw kazut taw mat nna galoi mung bai rawt lu na ra ai n rai.

Jinghpaw Hanson Version Bible

²⁰ Ginding aga gaw chyaru nang ai wa zawn ndi nda rai nna, n-goi zawn goi lang nga ai; de a shut hpyit ai lit gaw, de a ntsa e li nga ai hte, shi ahtu kataw nga nna, bai rawt lu na n rai.

ESAIA 24:20 ပူးပေါင်းရင်းမြစ်များ

NINGPAWT NINGHPANG 41:31

Dai hku hku ai gaw nachying hkrit kajawng shara rai na ra ai majaw shawng na lu su ngamu ngamai ai aten hpe n dum mat hkra malap kau na mara ai.

YOBA 12:25

shanhte gaw nsin kata hta lamawm hkawm nna chyaru nang ai ni zawn ndi nda rai hkawm ma ai.

SHAKAWN KUNGDAWN 107:27

Shanhte gaw chyaru nang ai ni zawn ndi nda rai hkawm nna; shanhte a kung kyang ai hpaji nlang mung kaman lila rai mat manu ai.

SHAKAWN KUNGDAWN 38:4

Ngai gaw nye a yubak mawru kata hta lup mat wa nga nngai; dai ni gaw tsin-yam lit langai mi rai nga nna, hkam sharang lu na matu, nau li la nga ai.

ESAIA 1:28

Rai ti mung shi gaw yubak mara galaw ai masha hkum shagu hte shi hpe gumlau ai ni hpe agrawp mani kau na ra ai. Shi gaw shi hpe kau tawn da ai masha shagu hte hpe sat kau na ra ai.

ESAIA 1:8

Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

ESAIA 19:14

Dai Madu gaw shanhte hpe shanut shanat rai nga ai hpaji jaw nu ai. De a akyu gaw, chyaru nang ai wa gaw tinang a nhpat hta bai galwi la ai zawn Egutu mung gaw lam shagu hta shut hpyit amu galaw ai hte ndi nda rai nga ai.

ESAIA 24:1

Dai Madu gaw ginding aga hpe agrawp mani kau na ra ai. Dai hpe katsi katsang di kabai tawn da na ra ai. Shi gaw ga man hpe galau ka-up kau nna dai hta nga ai masha ni hpe shabra kau na ra ai.

ESAIA 28:7

Myihtoi ni hte hkinjawng ni pyi chyaru grai nang nna ndi nda rai hkawm nga ma ai. Shanhte gaw sabyi hte chyaru nau law lu nang nga ma ai majaw, maru marang rai, ahtu gumpye hkawm nga ma ai. Myihtoi ni grai nang nga ma ai majaw Karai Kasang jaw ai shingran hpe n dum n chye nga ma ai. Hkinjawng ni mung grai sawng hkra lu nang nga ma ai majaw shanhte hpang de la sa wa ai amu ni hpe n chye hparan daw dan ya nga ma ai.

ESAIA 29:9

Matut nna myit n su nga mu! Matut nna myi di nga mu! Sabyi n lu ti mung nang nga mu! Chyaru kahte mi n lu tim ndi nda rai nga mu!

ESAIA 38:12

Sum run hpya kau hkrum ai zawn, Da lang kaw na sumpan rep la kau hkrum ai zawn, Nye a asak sumri dan kau hkrum ai hte htum mat nga sai. Karai Kasang gaw nye a asak hpe jahtum kau ya nga sai ngu, ngai myit nawn kau nngai.

ESAIA 43:27

Na a shawng na nji nwa gaw yubak galaw sai; na a ningbaw ni ngai hpe shut hpyit nga masai.

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

YEREMIA 25:27

Dai hpang, dai Madu gaw ngai hpe, “Chyahtum Chyalai N-gun Rawng ai dai Madu Israela a Karai Kasang ngai nan shanhte hpang de shangun dat ai hpyen majan a majaw shanhte lu nang, madawn ai hte kataw mat nna n lu sharai rawt mat hkra dai ntsin lu na matu ngai hkang da ni ai lam shanhte hpe tsun u.

YEREMIA 4:24

Bum ni hpe ngai mada yu ai shaloi, dai ni ashun nga ma ai, kawng ni kade nde ashun nga ma ai.

YEREMIA 51:29

Dai Madu gaw Babelon mung hpe masha kadai n shanu ai hte katsi katsang shara tai mat na matu maw mawn nga ai majaw mungkan ga gaw gari ashun nga ai.

YEREMIA 8:4

Dai Madu gaw shi a amyu masha ni hpe ning ngu tsun na matu tsun wu ai: “Marai langai ngai kataw ai shaloi shi bai n rawt lu a ni? Marai langai ngai lam yit ai rai yang, shi bai nhtang wa ai n rai ni?

SHARUNG SHAYAWT 1:14

“Shi gaw nye a yubak ni yawng hpe matsing da nhtawm dai ni yawng hpe gumhpawn gyit majaw da nga ai; Shi gaw dai ni hpe nye a du grup grup gyit noi da ya mi ai majaw, ngai gaw dai yubak htumbyen kata e n-gun kya ai hte taw nga nngai. Madu gaw ngai hpe nye a gumlau hpyen ni a lata de ap kau nu ai majaw, ngai gaw shanhte hpe ninghkap lu na matu karum la lam n lu rai nga nngai.

Daniela 11:19

Dai hkawhkam wa gaw shi a mung na hpyen dap de nhtang mat wa na ra ai; rai ti mung shi chyawm gaw hkrat sum mat na ra ai, dai gaw shi a matu jahtum aten rai na ra ai.

AMO LAIKA (AMOS) 8:14

Samari a hpara sumla ni hte dagam ai ni gaw, ‘Dan a hpara shing n rai Berasheba a hpara hte ndai amyu masha ni hkrat mat nna bai n rawt wa lu na mara ai,” nga nna tsun ma ai.

NAHUM 1:5

Bum ni gaw dai Madu a man e ashun nga ai; kawng ni shi a man e byawng mat nga ai. Dai Madu dan pru ai shaloi ginding aga ashun nga ai; mungkan ga hte dai hta nga ai masha ni hkrit gari ma ai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.