ESAIA 24:18 - Jinghpaw Common Language Bible 2009

¹⁸ Hkrit kajawng ai kaw na hprawng lawt na matu shakut ai wa kadai mung nhkun kata de di hkrat bang na ra ai, nhkun kaw na hprawng lawt lu ai wa kadai mung mahkam hta lu na ra ai. Lamu na hka hpungtun ni ru hkrat wa ai shaloi ginding aga a npawt nhpang ni gari ashun wa na mara ai.

Jinghpaw Hanson Version Bible

¹⁸ Shing rai, hkrit kajawng ai nsen kaw na hprawng lawt ai wa gaw, nhkun hta hkrat na ra ai; nhkun hta na lawt pru ai wa gaw, mahkam hta lu na ra ai: kaning rai nme law, matsaw ntsang na hkuwawt hku ni hpaw malang nga nna, ginding aga npawt ni gari nga ai.

ESAIA 24:18 ပူးပေါင်းရင်းမြစ်များ

NINGPAWT NINGHPANG 19:24

Dai Madu gaw Sodom hte Gomora mare yan a ntsa de kan hte grung ai wan hpe akajawng sha jahtu dat nhtawm, dai mare lahkawng hpe mung,

NINGPAWT NINGHPANG 7:11

Noa a asak kru tsa ning du ai shaning a shata lahkawng a shi sanit ya shani e nan, aga a kata de nga ai hka hpungtun ni yawng kapaw pru wa nna sumsing lamu na sha-u chyinghka ni hpaw malang mat wa ai hte,

2 HKAWHKAM 7:2

Hkawhkam wa a kasa wa gaw Elisha hpe, “Dai Madu shi nan nsi hpe kalang lata jahkrat jaw tim pyi, dai amu gaw byin lu na n rai nga ai!,” ngu nna tsun wu ai. Elisha gaw, “Dai lam byin wa na ra ai lam hpe nang mu na rai ndai; rai ti mung dai lusha hpe nang loi mi mung sha lu na ndai n rai,” ngu nna tsun htang wu ai.

YOBA 20:24

Hpri nhtu kaw nna shanhte hprawng lawt yang, magri mang ndan gaw shanhte hpe gap jung na ra ai.

SHAKAWN KUNGDAWN 18:15

Madu e, nang gaw na a gumlau hpyen ni hpe daru kau let, masin kahtet ai hte shanhte hpe marawn shabam dat yang, panglai htumpa a htingnyep ni dawng pru wa nna, lamu ga a npawt nhpang ni hpaw malang wa nga ai.

SHAKAWN KUNGDAWN 18:7

Shing rai, Karai Kasang gaw pawt sindawng ai a majaw, ginding aga gaw gari awam wa nna, bum ni a npawt nhpang ni mung shamu shamawt nga ai.

SHAKAWN KUNGDAWN 18:8

Shi a ladi hku ni kaw nna wan hkut ni pru wa nhtawm, shi a n-gup kaw nna grung ai wan shinglet hte hkru nga ai wan n-ga ni hte pru wa nga ai.

HPAJI NINGLI 9:12

Na a aten du wa nga ai hpe nang galoi mung chye nga ndai n rai. Ntsa malen u ni gaw mahkam hta akajawng sha lu ai hte nga mung sumgawn hta lu ai zawn byin ang ai n hkru ai aten hta anhte n dum shami mahkam hkam hkrum nga ga ai.

ESAIA 13:13

Ngai gaw sumsing lamu ni hpe gari ashun shangun na nngai, Chyahtum Chyalai N-gun rawng ai Ngai Madu nan nye a sindawng kahtet ai hpe madun ai shani hta ginding aga gaw gari ashun ai hte shi a shara htawt mat na ra ai.

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 2:21

Dai Madu gaw ginding aga hpe ashun awam dat na nga du sa ai shaloi, amyu masha ni gaw shi a masin kahtet ai kaw na lawt lu na matu mung, shi a daru magam n-gun hte hpung shingkang kaw nna mung myi man makoi lu hkra nga, ga nhkun ni hte lungrawk lunghkrung kawng ni hkan nga ai lungpu ni hkan makoi gyem na mara ai.

ESAIA 42:22

Rai ti mung, ya chyawm gaw shi a amyu masha ni hpya lu hpya sha ai hkrum nga manu ai; shanhte gaw ga htawng hta bang da ai hkrum ma ai, htawng ni hta makoi bang da hkrum ma ai. Shanhte gaw kashun kashe, hpya lu hpya sha ai hkrum ma ai, kadai mung shanhte hpe sa hkye la nga ma ai n rai.

ESAIA 8:14

Hkrit hkungga na zawn re ai nye a chyoi pra ai hpung shingkang a majaw, ngai gaw amyu masha ni hpe ahtu kataw shangun ai nlung zawn rai nga nngai; ngai gaw Yuda hte Israela a mungdan amyu masha ni hte Yerusalem mare masha ni hpe hkam ai mahkam zawn rai nga nngai.

YEREMIA 48:43

Hkrit kajawng lam, nhkun ni hte mahkam ni gaw Moba masha ni hpe la dingda nga ma ai. Dai Madu ngai nan tsun ni ai.

YEREMIA 48:44

Hkrit kajawng lam kaw na hprawng lawt na matu shakut ai wa kadai mung nhkun ni de di hkrat bang na ra ai, nhkun kata kaw na mahkyit lung wa ai ni kadai mung mahkam ni hta lu na mara ai, hpa majaw nga yang, dai Madu gaw Moba a hten run mat na aten ladaw hpe masat da ya nu ai.

SHARUNG SHAYAWT 3:47

Anhte gaw ru yak tsin-yam tsindam hte hten byak lam hku lai mat wa saga ai; anhte gaw shoihpa shoirang hte hkrit gari ai hta shanu nga ga ai.

EZEKELA 11:8

Nanhte ri nhtu ni hpe hkrit nga myit ni? Ngai gaw nanhte hpe htim gasat na matu ri nhtu lang ai masha ni hpe shangun dat na nngai.

EZEKELA 12:13

Rai ti mung, ngai gaw nye a sumgawn hte shi hpe ka-up la nna dai hta shi hpe hkam la na nngai. Dai hpang, ngai gaw shi hpe Babelon mare de woi wa nna dai shara hpe shi n mu lu ai sha, si mat na ra ai.

EZEKELA 15:7

shanhte hpe ari jaw na we ai. Shanhte gaw wan mang mi kaw na lawt lu ti mung, wan mang mi gaw shanhte hpe hkru kau na ra ai. Ngai shanhte hpe ari jaw ai shaloi, ngai nan dai Madu rai nga nngai hpe nanhte chye lu na rai myit dai.

AMO LAIKA (AMOS) 5:18

Dai Madu a nhtoi hpe ala nga ai nanhte a matu kade sha hkrit hpa rai nga a hka! Dai shani e, nanhte mai kaja lam hpa baw galaw lu na rai myit ni? Dai shani gaw nanhte a matu nhtoi n rai, nsin a shani tai na ra ai.

AMO LAIKA (AMOS) 5:19

Dai shani gaw hkanghkyi langai kaw na hprawng wa ai wa hte tsap hte hkrum ai wa zawn tai na ra ai! Shing n rai nta de wa nna shakum hta lata mara da nga yang, lapu e achye hkrum ai wa zawn tai na ra ai!