ESAIA 24:16 - Jinghpaw Common Language Bible 2009

¹⁶ Anhte gaw mungkan ga a jahtum htum ai shara kaw nna ding hpring amyu baw rai nga ai Israela a shakawn kungdawn ai mahkawn mangoi ni hpe na wa na ga ai. Rai ti mung nye a matu myit mada shara hpa n nga nga ai! Ngai gaw n-gun lagaw angwi ngwi sha yawm mat wa nga nngai! Gumle gumlau ai ni gaw matut gumlau ai hte myit magaw ai ni gaw grau grau nna sawng wa nga ai.

Jinghpaw Hanson Version Bible

¹⁶ Dinghpring ai wa gaw hpung shingkang rawng u ga, nga ai mahkawn ga, lamu ga htum ai maga de na anhte na lu ga ai. Ngai chyawm gaw, Matsan nngai, matsan nngai; ngai hta dingnye nga u ga; myit magaw ai ni gaw, myit magaw ai lam galaw ma ai; gaja wa, myit magaw ai wa gaw myit magaw ai lam grai galaw sai.

ESAIA 24:16 ပူးပေါင်းရင်းမြစ်များ

SHAKAWN KUNGDAWN 106:15

Dai majaw shanhte hpyi ai lam, shanhte hpe shi jahkrat ya ti mung, shanhte hpe hkrithpa ana ahkya mung, jahkrat ya nu ai.

SHAKAWN KUNGDAWN 119:158

Gumle gumlau re ai ni na a hkang da ai ga ni hpe n hkan nga ma ai hpe, ngai mu ai shaloi, ngai yu matsat nga nngai.

SHAKAWN KUNGDAWN 2:8

Hpyi u, ngai nang hpe masha amyu baw ni hte shanhte a mungdan ni yawng hte hpe ap ya na de ai; lamu ga ting na a rai na ra ai.

SHAKAWN KUNGDAWN 58:10

Ding hpring ai ni gaw mara kap ai ni ari jaw hkrum ai hpe mu ai shaloi, kabu gara na mara ai; shanhte gaw tara n lang ai ni a asai hku kabye lai mat wa na mara ai.

SHAKAWN KUNGDAWN 65:8

Na a magam amu ni gaw mungkan ga a jahtum shara maga mi kaw nna maga mi de du hkra, kabu gara jahtau garu shangun nga ai. Nang galaw dan sai galu kaba ai lamik kumla ni a majaw, mungkan ga ting mau mahka nga ma ai.

SHAKAWN KUNGDAWN 67:7

Karai Kasang gaw anhte hpe shaman ya mi ai, shara shagu hkan nga nga ai masha amyu yawng shi hpe shagrau sha-a nga mu law.

SHAKAWN KUNGDAWN 98:3

Shi gaw Israela amyu masha ni hpe shanhte a matu, sadi dung ai hte dinggrin tsaw ra myit hte shi a ga sadi hpe shagrin da nu ai; shing rai, shara shagu hkan na amyu masha ni yawng hte gaw anhte a Karai Kasang a awng padang hpe mu lu nga masai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

ESAIA 10:16

Chyahtum Chyalai N-gun rawng ai dai Madu gaw ya hpum sau nga ai ni hpe ari jaw na matu ana zinli dat dat na ra ai. Shanhte a hkum ni hta wan rawng nga nna, dai gaw hkru chyu hkru nga na ra ai.

ESAIA 11:12

Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 17:4

Dai Madu gaw, “Israela a galu kaba ai gaw htum mat wa nna, shi a sut su ai hpe matsan chyaren re ai hte galai kau hkrum na ra ai nhtoi du sa wa nga ai.

ESAIA 21:2

Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

ESAIA 26:15

Madu e, nang gaw anhte a amyu baw hpe shalaw jahtam ya nit dai, de a lamu ga hpe man maga shagu de shadam dat ya nga ndai; dai gaw nang hpe arawng sadang jaw ya nga sai.

ESAIA 28:5

Chyahtum Chyalai N-gun rawng ai dai Madu gaw ngam nga ai shi a amyu masha ni a matu arawng sadang hte hpring ai nampan janmau zawn tai ai nhtoi langai du wa ra ai.

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

ESAIA 42:10

Mahkawn mangoi nnan hte dai Madu hpe mahkawn mu; Mungkan ga ting, shi hpe shakawn kungdawn ga hte mahkawn mu! Panglai rap ai ni e, shi hpe shakawn kungdawn mu; panglai hkrung kanu ni yawng hte e, shi hpe shakawn kungdawn mu! Sumtsan mung ni hte dai hkan nga ai ni yawng hte e, mahkawn mangoi mu!

ESAIA 48:8

Nang gaw gumlau wa langai zawn mying gumhkawng nga ndai rai nna, nang hpe n kam lu ai gaw ngai chye sani ai. Dai re ai majaw ndai amu hpe nang galoi mung n na yu nga ndai, de a ga hkaw mi pyi na a na de galoi mung n shang ai majaw rai nga ai.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

YEREMIA 12:1

“Madu e, ngai nang hte amu dangrang hkat yang; nang ding hpring nga ndai hpe nang sakse madun nga ndai. Timung, ngai gaw nang hpe teng man rap ra ai tara hte seng nna san na nngai. N hkru ai masha ni gaw hpa majaw grai ngamu ngamai nga ma ta? Myit magaw ai masha ni hpa majaw awng dang nga ma ta?

YEREMIA 12:6

Na a kahpu kanau ni hte na a dinghku masha ni pyi nang hpe gumle gumlau kau masai; shanhte gaw nang hpe gasat ninghkap ai hta lawm mat manu ai. shanhte gaw jinghku ga she shaga ti mung, shanhte hpe hkum kam et,” ngu nna tsun wu ai.

YEREMIA 3:20

Rai ti mung sadi n dung ai madu jan zawn, nang ngai hta sadi n dung mat nit dai. Dai Madu ngai nan tsun ni ai,” ngu nna tsun ai.

YEREMIA 5:11

Israela hte Yuda amyu masha ni gaw ngai hpe htum hkra gumle gumlau galaw masai. Dai Madu ngai nan tsun ni ai,” ngu wu ai.

SHARUNG SHAYAWT 1:2

Shi gaw shana tup hkrap nga ai rai nna shi a shabyi hku myi prwi ni lwi hkrat nga ai. Shi a shawng na jinghku ni yawng hta shi hpe shalan shabran na langai mi mung n nga nga ai. Shi a myit hkrum manang ni shi hpe gumle gumlau ai hte ya gaw shi hte nhtan shai nga masai.

HOSEA 5:7

Shanhte gaw dai Madu hta sadi n dung nga manu ai; shi gaw shanhte a ma ni hpe n madu nga ai. Dai rai nna, ya chyawm gaw shanhte hte shanhte a lamu ga ni kade n na yang jahten kau hkrum na mara ai.

HOSEA 6:7

“Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

JAW JAU 26:39

Nanhte galaw ai yubak hte nanhte a kaji kawa ni a yubak majaw nanhte a gumlau hpyen ni a mung hta naw ngam nga ai kau chyen mi gaw yawm mat na mara ai.

MIHKA 5:4

Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

HABAKU 1:13

Rai ti mung, nang gaw ndai gumle gumlau rai nna n hkru ai masha ni hpe gara hku hkam sharang lu na rai nga n ta? Na a myi ni gaw n hkru ai hpe yu na matu naw san pra nga ai majaw shut hpyit amu galaw ai masha ni a man e, nang n hkam sharang lu nga ndai. Dai re ai majaw, shanhte gaw shanhte hta grau nna ding hpring nga ai masha ni hpe jahten shaza nga ma yang, nang hpa majaw atsin sha nga nga n ta?

HABAKU 1:3

Ndai zawn re ai ru yak tsin-yam nang ngai hpe hpa majaw madun dan nga n ni? Nang gaw ndai zawn shut hpyit ai amu hpe kara hku yu tawn nga n ni? Hten byak ai hte kashun kashe du daw sai hkaw amu gaw ngai hpe wang shinggrup da nna, gasat gala ai hte ga law ga la ai amu mung shara shagu hkan byin nga ai.

MARKU 13:27

Dai hpang shi gaw lamu kasa ni hpe lamu ga jut mali maga de shangun dat nna, aga htum ai shara kaw nna lamu htum ai shara du hkra shi lata la ai masha ni hpe shinggyin jahpawng la na maru ai.

KASA 13:47

Kaning rai nme law, ‘Mungkan ting hpe hkye hkrang la ai lam lu la mu ga, ngai nang hpe maigan amyu ni a matu nhtoi shatai sade ai,’ nga ai gaw dai Madu anhte hpe hkang da ai ga rai nga ai,” ngu mu ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!