ESAIA 24:12 - Jinghpaw Common Language Bible 2009

¹² Dai mare gaw hten run nga sai; de a chyinghka ni agrawp daw kau hkrum nga sai.

Jinghpaw Hanson Version Bible

¹² Mare kata e shingran katsi ai hkrai ngam nga nna, mare chyinghka gaw agrawp run kau ai hkrum nga ai.

ESAIA 24:12 ပူးပေါင်းရင်းမြစ်များ

ESAIA 14:31

Hpilisti mare ni yawng hte e, karum la lam a matu hkrap shabam nga mu! Nanhte yawng hte e, hkrit gari nga mu! Sumwi nhpu gaw dingdung maga hku nna du sa wa ra ai-dai gaw magrau grang ai hpyen luksuk langai rai nga ai.

ESAIA 32:14

Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

ESAIA 32:19

(Rai ti mung sin marang gaw maling htinggram ni a ntsa e hkrat na ra ai, mare mung shamyit kau hkrum na ra ai.)

ESAIA 45:2

“Ngai nan na a lam hpe hkyen lajang ya na nngai, bum ni hte kawng ni hpe shara na nngai. Ngai gaw magri mang chyinghka ni hpe agrawp kau nna, de a hpri htinggrang ni hpe kahtum kadaw di kau na nngai.

YEREMIA 9:11

Dai Madu gaw, “Ngai gaw Yerusalem hpe marawng marang di sumpum tawn nna, gwi ma-a ni nga ai shara shatai na nngai; Yuda mare ni gaw katsi katsang shara tai mat nna kadai mung n shanu ai shara tai mat na ra ai,” ngu nna tsun ai.

SHARUNG SHAYAWT 1:1

Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

SHARUNG SHAYAWT 1:4

Ya chyawm gaw chyoi pra ai shani ni hta nawku na matu Nawku Htingnu de kadai mung n sa nga ai. Dai shara hta mahkawn shakawn ai mahkawn ma ni nni nkri hkrum ma ai, hkinjawng ni mung madai sharung nga ma ai. Mare chyinghka ni gaw katsi katsang rai nna, Ziun gaw tsin-yam tsindam hkrum nga ai.

SHARUNG SHAYAWT 2:9

Mare chyinghka ni adaw atang rai, ga hta lup taw nga nna, shanhte a chyinghka htinggrang ni adaw atang rai agrawp daw mat manu ai. Hkawhkam wa hte arawng lu ai du magam ni bawng dung hkrum nga masai. Tara a lam n sharin la nga ma ai, myihtoi ni mung dai Madu kaw na shingran hpa mung n hkam la lu nga ma ai.

SHARUNG SHAYAWT 5:18

Ziun Bum gaw shi chyu sha re re rai shingran katsi mat ai majaw; nam na matse ai gwi ma-a ni de a hten run shara ni hkan lanyan hkawm nga ma ai.

MIHKA 1:12

Dai Madu gaw tsin-yam tsindam hpe Yerusalem de shadu dat wu ai majaw, Marot mare masha ni shingbyi shara a matu myit tsang ai hte ala nga ma ai.

MIHKA 1:9

Samari a ningma ni hpe tsi lajang lu na n rai; Yuda mung mung dai hte maren nni nkri hkam sha ra nna, dai gaw nye a amyu masha ni shanu nga ai Yerusalem chyinghka ni de du hkra jahten shaza ai lam hkan dep nang nga ai,” ngu nna tsun ni ai.

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.