ESAIA 24:11 - Jinghpaw Common Language Bible 2009

¹¹ Sabyi ntsin loi mi mung n nga sai majaw, amyu masha ni lam nmaw hkan jahtau garu nga ma ai. Kabu gara ai lam gaw htani htana htum mat sai; dai gaw ndai lamu ga kaw na shapraw kau hkrum nga sai.

Jinghpaw Hanson Version Bible

¹¹ Tsabyi htum mat ai majaw mare lam ni hta sharung nga ma ai; kabu gara lam yawng hkoi mat sai; lamu ga a ngwipyaw ai lam lai mat sai.

ESAIA 24:11 ပူးပေါင်းရင်းမြစ်များ

SHAKAWN KUNGDAWN 144:14

Anhte a dumsu yam nga ni hta nbya n nga, daw hten mat ai mung n hkran ai sha, law htam mayat maya wa mu ga. Anhte a mare ni hta myit ru myit htum ai a majaw jahtau marawn ai nsen ni mung n nga u ga.

GA SHAGAWP 31:6

Chyaru gaw si wa magang sai masha ni a matu hte myit daw myit htum nga ai ni a matu rai nga ai.

ESAIA 16:10

Ya chyawm gaw namhpun kaja ai yi hkauna ni hta kabu gara ai lam n nga sai. Kadai mung sabyi sun ni hta jahtau garu ai hte mahkawn mangoi ai lam n nga sai. Sabyi ntsin galaw shapraw na matu kadai mung sabyi si kabye ai n rai; kabu gara jahtau garu ai nsen htum mat sai.

ESAIA 32:10

Ya chyawm gaw nanhte myit dik mai nga myit dai, rai ti mung htaning ndai aten hta nanhte a matu sabyi si shinggyin la na hpa n nga na ra ai majaw nanhte myit htum mat na marin dai.

ESAIA 32:13

ju sumwum ni hte tsing ni nye a amyu masha ni a lamu ga hta tu nga ai. Amyu masha ni kabu gara rawng lai wa sai dum nta ni yawng a matu mung, ngwi pyaw ai asak hkrung lam hte hpring ai mare a matu mung hkrap mu.

ESAIA 8:22

ga de azi yu rai na ma ai, rai ti mung shanhte gaw hpa mung n mu, rai ti mung ru yak tsin-yam hte nsin hpe sha mu lu na mara ai, shanhte gaw hkrit shara nsin kata de gawt bang ai hkrum na mara ai.

ESAIA 9:19

Chyahtum Chyalai N-gun rawng ai dai Madu gaw pawt sindawng nga ai majaw, shi jaw ai ari gaw mungdan ting hkru mat wa ai wan zawn hkru nga nna, amyu masha ni hpe jahten kau nga ai, masha ni gaw shanhte a kahpu kanau ni hpe ngam da na n rai.

YEREMIA 14:2

“Yuda mung gaw sharung shayawt nga nna de a mare ni gawng kya taw nga sai, de a amyu masha ni gaw yawn hkyen ai hte ga ntsa e kaleng taw nga ma ai, Yerusalem gaw karum la na matu hkrap shabam nga ai.

YEREMIA 46:12

Masha amyu baw ni na a kaya kahpa lam na masai; na a hkrap agru ai nsen hpe masha shagu na masai. Hpyenla shada da ahtu nna, shan gaw ga de kataw mat ma ai.

YEREMIA 48:33

Ga sau kaja ai Moba mung kaw na dai kabu gara ai hte kabu pyaw hpa lam hkoi mat sai. Sabyi htumbyen kaw na sabyi ntsin n lwi pru na matu mung, ngai galaw kau ni ai. Sabyi ntsin galaw shapraw ai mung kadai n nga sai majaw kadai mung n kabu lu nga masai.

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

YOELA 1:12

sabyi ru ni hte lagum hpun ni nyui nyip mat sai; namsi namsaw hpun ni yawng nyui mat nna si mat sai. Amyu masha ni a kabu gara lam gaw htum mat sai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

LUKA 16:25

“Shaloi Abraham gaw, Sha e, nang gaw naw hkrung nga ai aten hte yang, na a ngamu ngamai ai yawng hkam la lu nit dai hpe mung, Lazaru gaw dai ten hte yang, tsin-yam tsindam hkrum nga ai mung, dum nga u; ya gaw shi nang e pyaw pyaw ningngai nga nu ai, nang mahtang gaw nji nmu hkrum nga lit dai.