ESAIA 24:1 - Jinghpaw Common Language Bible 2009

¹ Dai Madu gaw ginding aga hpe agrawp mani kau na ra ai. Dai hpe katsi katsang di kabai tawn da na ra ai. Shi gaw ga man hpe galau ka-up kau nna dai hta nga ai masha ni hpe shabra kau na ra ai.

Jinghpaw Hanson Version Bible

¹ Yu u, Yehowa gaw lamu ga hpe shakram kau nna, katsi katsang re ai shara shatai wu ai; shi dai hpe galau ka-up kau ai hte, mung masha ni hpe shabra kau mu ai.

ESAIA 24:1 ပူးပေါင်းရင်းမြစ်များ

2 HKAWHKAM 21:13

Samari hpe ngai galaw ai zawn mung Israela Hkawhkam Ahab hte shi a amyu matu ni hpe di ai zawn Yerusalem mare hpe ngai ari jaw na we ai. Hka wan hpe katsut jasan kau nna dagup da ai zawn Yerusalem mare e nga ai amyu masha ni hpe katsut jasan kau na we ai.

NEHEMIA 1:8

Nang Mawshe hpe tsun da sai ga hpe ya dum nga u: ‘Nanhte Israela amyu masha ni ngai hpe n kam n sham myit dai rai yang, ngai nanhte hpe kaga masha amyu ni a lapran de shabra kau na made ai.

SHAKAWN KUNGDAWN 146:9

Anhte a lamu ga hta nga ai tsasam masha ni hpe shi makawp maga ya nga ai; gaida gaina ni hte jahkrai nmai ni hpe shi karum ya nga ai, rai ti mung, tara n lang ai ni a maw mawn ai lam hpe chyawm gaw jahtum kau ya nga ai.

ESAIA 13:13

Ngai gaw sumsing lamu ni hpe gari ashun shangun na nngai, Chyahtum Chyalai N-gun rawng ai Ngai Madu nan nye a sindawng kahtet ai hpe madun ai shani hta ginding aga gaw gari ashun ai hte shi a shara htawt mat na ra ai.

ESAIA 13:5

Shanhte gaw ginding aga a jahtum e nga ai, tsan htum ai mungdan ni kaw nna du sa wa nga ma ai. Dai Madu gaw shi a masin kahtet ai a majaw, mungdan ting hpe jahten kau na du sa wa nga ai.

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 24:19

Ginding aga gaw kaprang ga wa nna ga gamang ai hte ga mahka mat wa na ra ai.

ESAIA 24:20

Ginding aga shi nan gaw chyaru nang ai wa zawn ndi nda rai nna, nbung laru kata na yihkyap kanga ai zawn, rai mat na ra ai. Mungkan ga gaw shi a shut hpyit ai yubak ni hta li nga ai; dai gaw kazut taw mat nna galoi mung bai rawt lu na ra ai n rai.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 29:16

Shanhte gaw lam shagu hpe nhti nhtang gale galau di ma ai. Di bu sama wa hte kagam ga gaw gara mahtang grau nna ahkyak ai kun? Arai lama mi gaw galaw da ai wa hpe, “Nang gaw ngai hpe n galaw ndai, shing n rai, Nang hpa galaw nga ai lam nang n chye ndai,” ngu nna tsun lu nga a ni?

ESAIA 29:2

Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

ESAIA 30:32

Dai Madu gaw shanhte hpe lang hte lang hkawn hte kayat nga ai, shi a amyu masha ni gaw chying bau, shup sheng, tingse mahku ni hte aten shagu ngoi na mara ai. Karai Kasang shi nan Asuri masha ni hpe gasat na ra ai.

ESAIA 32:12

Namhpun rawng ai yi hkauna ni hte sabyi sun ni hten za mat sai majaw sharung shayawt ai hte nanhte a sinda ni hpe adup mu,

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

ESAIA 34:10

Dai mungdan gaw shani shana hkru nga na ra ai, wan hkut mung dai mungdan kaw na htani htana rawt mawng taw nga na ra ai. Dai mung gaw prat mi hte prat mi katsi katsang shara tai mat nna kadai mung dai mung hku bai ga lai hkawm sana ma ai n rai.

ESAIA 34:2

Dai Madu gaw masha amyu baw ni yawng hte shanhte a hpyen luksuk ni yawng hpe pawt sindawng nga ai. Shi gaw shanhte hpe shamyit kau na matu daw dan nu ai.

ESAIA 42:15

Ngai gaw kawng ni hte bum ni hpe jahten kau na nngai tsingdu tsingman hte hpun ni hpe jahkraw kau na nngai. Ngai gaw hka nu lwi hkrat ai kadit ni hpe zaibru jang shatai kau nna, hka la-ing ni hpe jahkraw kau na we ai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

YEREMIA 4:7

Hkanghkyi gaw shi a makoi gyem shara kaw nna pru wa ai zawn, masha amyu baw ni hpe jahten ai wa gaw rawt sa wa nu ai. Shi gaw Yuda hpe jahten kau na matu du sa nga ai. Yuda a mare ni gaw hten run taw mat nna, kadai mung dai shara ni hta shanu nga na mara ai n rai.

YEREMIA 40:15

Dai hpang, Yohanan gaw shi hpe, “Ngai mahtang Ishmaela hpe sa sat kau n-ga; dai zawn galaw ai amu hpe kadai mung chye lu na n rai. Nang hpe sat na matu hpa majaw shi hpe ahkang jaw na rai ta? Shing n rai jang, nang kaw hpawng nga ai Yuda masha ni yawng hpe dumbri dumbra byin shangun kau nhtawm dai gaw Yuda mung e naw ngam nga ai amyu masha ni yawng a ntsa e tsin-yam tsindam shabyin dat na mu ai,” ngu nna alak mi tsun wu ai.

YEREMIA 50:17

Dai Madu gaw, “Israela amyu masha ni gaw hkanghkyi ni e shachyut jahtaw kau dat ai sagu ni zawn rai ma ai. Shanhte gaw shawng nnan e Asuri hkawseng wa htim gasat ai hkrum ma ai; dai hpang Babelon Hkawhkam Nebuhkadneza gaw shanhte a nrut nra ni hpe makrut sha kau nu ai.

YEREMIA 51:34

Babelon hkawhkam gaw Yerusalem hpe azat mani nna sha kau nu ai. Shi gaw namtau zawn; baren numraw gaw dai hpe mayu kau ai zawn mare hpe kaman di kau wu ai. Shi gaw shi ra sharawng ai hpe la nna ngam ai hpe kabai kau nu ai.

YEREMIA 9:16

Ngai gaw shanhte mung, shanhte a kaji kawa ni mung n na yu ai amyu ni a ka-ang e, shanhte hpe shabra kau ai hte shanhte hpe atsai awai shamyit kau ai aten du hkra shanhte hpang de hpyen luksuk ngai shangun dat na nngai,” ngu nna htan wu ai.

EZEKELA 12:20

Ya aten mare masha ni hte hpring nga ai mare ni hten run mat nna, mungdan gaw shingran katsi ai shara tai mat na ra ai. Shanhte gaw ngai nan dai Madu rai nga nngai hpe chye lu na mara ai,” ngu nna tsun wu ai.

EZEKELA 24:11

Ya chyawm gaw, Magri mang di kaman hpe wan n-ga ntsa e dun nna kahtet hkyeng shangun u. Dai hpang kap nga ai nhkan hkru mat ai hpang, nhkan kap ai yawng n hkru mat ti mung,

EZEKELA 35:14

Tsaw Htum ai dai Madu gaw, “Ngai gaw nang hpe katsi katsang shara shatai kau ai majaw, mungkan ting gaw na a hkrat sum ai lam hpe kabu gara na mara ai,

EZEKELA 5:14

Na a grup yin e lai hkawm nga ai masha amyu baw ni hta na masha shagu hte gaw nang hpe ashu kau ai hte shingran katsi kau shangun na nngai.

EZEKELA 5:2

Mare hpe wang da ngut ai shaloi, majaw masum hta na majaw mi hpe mare kata e nat kau u. kaga majaw langai mi hpe mare shinggan de nang kayin hkawm ai shaloi na a nhtu hte dai hpe tawk kau u. Naw ngam nga ai majaw hpe gaw nbung hta shapoi kau u, ngai gaw dai hpe nye a nhtu hte hkan shachyut nang na nngai.

EZEKELA 6:14

Rai sa, ngai gaw shanhte kaw du dep nang nna shanhte a mungdan hpe jahten kau na nngai. Ngai gaw dai mungdan hta Israela amyu masha ni gara shara hta mung n nga lu hkra, dingda maga de nga ai zaibru jang kaw nna dingdung maga Ribla mare du hkra shingran katsi ai shara shatai kau na nngai. Shaloi masha shagu hte gaw Ngai nan dai Madu rai nga nngai hpe chye na mara ai,” ngu nna tsun wu ai.

EZEKELA 6:6

Israela a mare ni yawng jahten sharun kau hkrum na mara ai, shanhte a tawn hkungri ni hte shanhte a hpara sumla ni gaw adaw atang rai hten agrawp mat nna shanhte a manam pyaw ai baw hkungga nat nawng ai tawn hkungri ni daw hten mat nhtawm, shanhte galaw ai amu shagu mung hpoi mat na mara ai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

EZEKELA 7:14

Pahtau dum mu, masha shagu jin jin rai nga mu. Rai ti mung, Karai Kasang a sindawng kahtet ai gaw masha shagu a ntsa e maren mara hkrat bun na ra ai majaw kadai mung hpyen majan de n pru sa nga ai.

NAHUM 1:5

Bum ni gaw dai Madu a man e ashun nga ai; kawng ni shi a man e byawng mat nga ai. Dai Madu dan pru ai shaloi ginding aga ashun nga ai; mungkan ga hte dai hta nga ai masha ni hkrit gari ma ai.

NAHUM 2:10

Ninewe gaw jahten hkrum, kabai da hkrum, akrin akraw shara tai mat sai! Myit masin ni hkrit myit hte byawng mat sai; lahput ni gari ashun, n-gun lagaw htum sai; myi man ni chyang mat sai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

KASA 17:6

Rai ti mung shan hpe n mu jang, shanhte gaw Yasun hte kam sham ai hpu nau ni nkau mi hpe mare du agyi hpang de dun garawt sa nna, “Ndai ni gaw mungkan ting hpe gale galau di hkawm ai ni rai ma ai! Ya anhte a mare de du mara ai rai nna Yasun gaw shi a nta hta shan hpe hkap la mu ai.

TARA JAHPRANG 28:64

Dai Madu gaw ginding aga htum maga mi kaw nna, ginding aga a maga mi de du hkra masha amyu ni yawng hpang de nanhte hpe shabra kau na ra ai. Shing rai nang hte nanhte a nji nwa ni pyi shawng de galoi mung n nawku yu ai dai hpun nlung hte galaw ai hpara ni hpe nawku daw jau na marin dai.

TARA JAHPRANG 32:26

Kadai mung shanhte hpe n dum lu manu ga, shanhte hpe ngai tsep kawp shamyit kau na mawe ai.

TARA JAHPRANG 4:27

Dai Madu mung nanhte hta kachyi mi sha ngam mat hkra, nanhte hpe kaga masha amyu baw ni a kata de shabra kau na marin dai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.