ESAIA 23:9 - Jinghpaw Common Language Bible 2009

⁹ Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

Jinghpaw Hanson Version Bible

⁹ Gumrawng gumtawng re ai arawng sadang yawng hpe awu asin di kau na hte, ga ntsa arawng lu ai ni yawng hpe jahpoi kau na matu, Zaw nawng zaw wa up ai Yehowa ndai lam myit shatawng da nu ai.

ESAIA 23:9 ပူးပေါင်းရင်းမြစ်များ

YOBA 12:21

Shi gaw daru magam n-gun rawng ai ni hpe kaya jahkrum nna, up hkang du ni a n-gun hpe jahtum kau ya nga ai.

SHAKAWN KUNGDAWN 107:40

shanhte a ntsa e, dip gamyet sha nga ai ni hpe shi matsat kau nga ai lam hpe madun dan nna; shanhte hpe lam n hku ai katsi katsang re ai nam mali de brak hkawm shangun mu ai.

PRU MAT 8:4

Dai shu ni gaw nang hta mung, na a amyu masha ni hta mung, na a du salang ni yawng hta mung gumjawt lung wa na mara ai.’”

ESAIA 10:33

Chyahtum Chyalai N-gun rawng ai dai Madu gaw hpun lakung lakying ni hpe krum kau ai zawn shanhte hpe gang agrawp daw kau na ra ai. Shanhte kaw na gumrawng gumtawng dik ai ni hte tsaw dik htum ai ni gaw kran kau ai hte shagrit kau ai hkrum na mara ai.

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 14:24

Chyahtum Chyalai N-gun rawng ai dai Madu gaw ning ngu dagam shaka wu ai: “Ngai maw mawn ai amu byin wa na ra ai. Ngai galaw na ngu daw dan da ai amu tai wa na ra ai.

ESAIA 14:26

Ndai gaw mungkan ga a matu nye a yaw shada ai lam rai nga ai, nye a lahpum gaw masha amyu baw ni hpe ari jaw na matu ladawn da nga ai.”

ESAIA 14:27

Chyahtum Chyalai N-gun rawng ai dai Madu gaw ndai amu galaw na matu daw dan da nga ai. Shi gaw ari jaw na matu shi a lahpum hpe ladawn da nu ai, kadai mung shi hpe jahkring da lu ai n rai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 23:10

Spain mung na maden da ai lamu ga hta nga ai masha ni e, sa nna lamu ga hta yi sun galaw mu! Dai shara hta nang hpe makawp maga ya na masha langai mi mung n nga nga ai.

ESAIA 32:13

ju sumwum ni hte tsing ni nye a amyu masha ni a lamu ga hta tu nga ai. Amyu masha ni kabu gara rawng lai wa sai dum nta ni yawng a matu mung, ngwi pyaw ai asak hkrung lam hte hpring ai mare a matu mung hkrap mu.

ESAIA 5:13

dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

YEREMIA 13:9

“Ndai gaw Yuda mung na gumrawng gumtawng ai hte Yerusalem na grau kaba ai gumrawng gumtawng hpe mung ngai kaning rai jahten sharun kau na lam rai nga ai.

YEREMIA 51:62

Dai hpang, nang gaw, ‘Madu e, ndai shara hta masha mung, yam nga mung n shanu nga lu hkra htani htana shingran katsi ai zaibru jang zawn shatai kau nna, ndai shara hpe jahten kau na lam, nang tsun nit dai,’ ngu nna hpyi jahtau u.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

OBEDIA 1:2

Dai Madu gaw Edom hpe, “Ngai nang hpe n-gun shakya kau ya na nngai; masha shagu gaw nang hpe n kaw n law di na mara ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

KASA 4:28

Shing rai shanhte hpawng de ai lam gaw Madu a n-gun atsam hte myit ra ai lam hku nna daw dan sai hte maren byin wa u ga matu rai nga ai.

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

EHPESU 3:11

Karai Kasang gaw shi a htani htana shatawng shada ai lam nga ai hte maren anhte a Madu Yesu a marang e ndai lam hpe shi shabyin nu ai.

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.