ESAIA 23:6 - Jinghpaw Common Language Bible 2009

⁶ Hponisha masha ni e, yawn hkyen ai hte hkrap sharung nga mu! Spain mung de hprawng lawt mat wa na matu shakut mu!

Jinghpaw Hanson Version Bible

⁶ Tarshu mare de rap wa mu; hka kau na ni e, sharung shayawt nga mu.

ESAIA 23:6 ပူးပေါင်းရင်းမြစ်များ

ESAIA 16:7

Moba masha ni gaw shanhte hkam sha ai nni nkri a majaw hkrap wa na mara ai. Shanhte yawng gaw Kira-Heresha mare hta sha ga sai lusha kaja hpe dum wa ai shaloi hkrap wa na mara ai. Shanhte gaw myit htum myit chyum hkrum na mara ai.

ESAIA 21:15

Shanhte gaw shanhte hpe sat na matu jin jin rai nga ai nhtu kaw nna mung, gap na matu jin jin rai nga sai ndan kaw nna mung, majan a shoihpa shoirang yawng kaw na mung, hprawng lawt wa ai ni rai ma ai.

ESAIA 23:10

Spain mung na maden da ai lamu ga hta nga ai masha ni e, sa nna lamu ga hta yi sun galaw mu! Dai shara hta nang hpe makawp maga ya na masha langai mi mung n nga nga ai.

ESAIA 23:12

Sidon mare e, Na a kabu gara ai gaw htum mat nit dai, na a masha ni dip gamyet sha hkrum nga masai. Shanhte Kupru de hprawng lawt mat wa ai rai yang pyi, shanhte naw shim lum na mara ai n rai.

YEREMIA 10:9

Shanhte a hpara sumla ni hpe Spain mung na gumhpraw, Uhpaza shara kaw na pru ai aja ni hte sup da nhtawm, dai ni yawng gaw sumla maka soi ai ni a lata amu ni rai nga ai; shanhte gaw kung kyang ai ni da sama da ai sumpan mut hte mang ai ni hpe bu hpun da ma ai.

EZEKELA 27:35

Panglai hkin-gau mayan hku shanu nga ai ni mung nang hta hkrum hkra ai lam a majaw, mau kajawng mat ma ai. Shanhte a hkawhkam ni pyi hkrit gari ai hte myi man ni hta nshung si ni hprwi rai ma ai.

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.