ESAIA 23:4 - Jinghpaw Common Language Bible 2009

⁴ Sidon mare e, Nanhte gaw myi man sum nga myit dai! Panglai hte galu kaba ai nammukdara gaw nang hpe ningdang kau ai hte, “Ngai gaw kashu kasha n shaprat yu nngai. Ngai gaw shayi shadang sha ni hpe galoi mung n bau maka dat yu nngai,” nga nna tsun ai.

Jinghpaw Hanson Version Bible

⁴ Sidon mare e, hkrit kaya nga u: kaning rai nme law, nammukdara ngu ai, nammukdara a mare daju gaw, “Ngai shinggyim machyi n hkrum, kasha n shaprat nngai; mahkawn shabrang mung kaba wa shangun ai n rai,” nga nna tsun ai.

ESAIA 23:4 ပူးပေါင်းရင်းမြစ်များ

NINGPAWT NINGHPANG 10:15

Hkanan a shadang sha ni hta alat Sidon hte Het rai ma ai. Shan a amying hta hkan nna amyu bawsang ni a kaji kawa ni tai wa masai.

NINGPAWT NINGHPANG 10:19

Hkanan a lamu ga jarit ni rai nga ai Sidon mare kaw nna dingda maga Gerara hku hprang rai nna Gaza makau du hkra, bai sinpraw maga de Sodom, Gomora, Adma hte Zeboim mare ni hku hkrawn rai nna Lasha mare makau du hkra ran mat wa ma ai.

YEREMIA 27:3

Dai hpang, dai Madu gaw Edom, Moba, Amon, Turu hte Sidon hkawhkam ni hpang de Hkawhkam Zedekia hpe mu lu na matu Yerusalem de du sa nga sai shanhte a dat kasa ni a lata hku nna ndai mungga hpe shagun dat na matu ngai hpe tsun ni ai.

EZEKELA 28:21

“Si chye ai masha wa e, Sidon mare hpe jahpoi u.

EZEKELA 28:22

Tsaw Htum ai dai Madu ngai nan dai mare na masha ni hpe shanhte hte seng nna tsun ai ga hpe htawn tsun u: Sidon mare e, ngai gaw na hpyen rai nga nngai; ngai nang hpe galaw na amu a majaw amyu masha ni ngai hpe shakawn shagrau na mara ai. Nang kaw nga ai ni hpe ari jaw nna ngai kade wa chyoi pra nga nngai hpe madun dan ai shaloi, ngai nan dai Madu rai nga nngai hpe shanhte chye na mara ai.

YAWSHU 11:8

Dai Madu mung shanhte hpe Israela masha ni a lata de ap ya nna awng padang jaw ya wu ai rai nna, Israela ni mung shanhte hpe dingdung maga Misrehpot Ma-in hte Sidon du hkra mung, sinpraw maga Mizpa Kadit du hkra mung hkan shachyut gasat ma ai. Gumlau hpyen langai mung n ngam mat hkra matut gasat nga ai.

SHINGRAN 18:23

Pyengdin a nhtoi mung, nang hta htawm hpang galoi mung na lu na n rai. La nnan ni hte num nnan ni a nsen ni mung, nang hta htawm hpang galoi mung mu lu na n rai. Hpa majaw nga yang, na a hpaga la ni gaw, ga ntsa ting hta daru magam atsam rawng dik ai ni rai wa masai; nang gaw ga ntsa na masha ni yawng hpe na a shut ai mandan lakle hte masu hkalem sha kau nit hka!”

TARA AGYI 10:6

Israela masha ni gaw Bala hpara hte Ashtarot hpara hpe mung, Suri hpara ni, Sidon hpara ni, Moba hpara ni, Amon hpara ni hte Hpilisti masha ni a hpara ni hpe nawku let dai Madu hpe lang mi bai yubak galaw shut kau manu ai. Shanhte gaw dai Madu hpe kau da nhtawm shi hpe nawku ai lam jahkring kau ma ai.