ESAIA 23:18 - Jinghpaw Common Language Bible 2009

¹⁸ Shi hpaga ga nna lu tam ai gumhpraw hpe dai Madu hpang de ap nawng ya na ra ai. Shi gaw dai gumhpraw ni hpe n kyem da na nu ai, rai ti mung dai Madu hpe nawku daw jau ai ni gaw shanhte hta ra kadawn nga ai malu masha hte bu hpun palawng ni mari la na matu, shi a gumhpraw jai lang wa na ra ai.

Jinghpaw Hanson Version Bible

¹⁸ Rai timung, shi hpaga ga ai hte shi lusha ai amyat, Yehowa matu chyoi pra nga na ra ai; dai hpe sutdek hta mahkawng da ai mung n rai, ga hta lup da ai mung n rai; Yehowa man e shanu nga ai ni gaw hkru hkru kat kat sha lu nna, tsawm ai hpun palawng bu hpun lu hkra, shi gaw hpaga ga na ra ai.

ESAIA 23:18 ပူးပေါင်းရင်းမြစ်များ

SHAKAWN KUNGDAWN 45:12

Turu amyu masha ni nang hpe kumhpaw kumhpa sa jaw na mara ai; sut su ai ni mung na a myi man tam wa na mara ai.

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

PRU MAT 28:36

“Ja jet hte htanbam langai galaw nna de a ntsa e, ‘Dai Madu a matu ap nawng ai,’ ngu nna tawk ka da na rai nga ai.

GA SHAGAWP 13:22

Mai kaja ai masha wa gaw shi a kashu ni a matu sut gan sali wunli ngam da ya na ra ai; rai ti mung, yubak kap ai wa a sut gan chyawm gaw ding hpring ai masha ni hpang de du mat na ra ai.

GA SHAGAWP 28:8

Amyat sha nna masha kaga wa hpe zai hku nna dip sha let na a sut gan hpe shalaw la ai wa rai yang, matsan mayan ni hpe matsan dum ai wa a lata de, na a sut gan shang mat wa na ra ai.

HPAJI NINGLI 2:26

Karai Kasang gaw shi awng sharawng ai ni hpe hpaji byeng-ya, machye machyang hte kabu gara ai lam jaw nga ai, rai ti mung shi gaw mara kap ai ni hpe amu galaw shangun ai, asak kan bau shangun ai hte mahkawng da shangun nga ai, shaloi shanhte lu ai arai gaw shi awng sharawng ai ni a lata de jaw ya lu nga ai. Dai yawng mayawng mung kaman lila rai nga ai. Dai gaw nbung hpe shachyut nga ai zawn rai nga ai.

EZEKELA 26:12

Shanhte gaw na a sut gan kashun la nna gun rai ni hpe lanep shatai kau na mara ai. Shanhte gaw na a mare bunghku ni hpe kanawng daw kau nna hkik hkam ai na a nta ni hpe hpya kau ya na mara ai. Shanhte gaw nlung, hpun ngau ni hte wut chyen ni yawng hpe magawn la nna panglai de kabai bang kau na mara ai.

MIHKA 4:13

Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

ZEHKARIA 14:14

Yuda amyu masha ni mung, Yerusalem hpe makawp maga la na matu hpyen gasat na mara ai. Shanhte gaw masha amyu ni yawng a sut gan lanep ngu ai aja gumhpraw hte bu hpun palawng sumpum sumpam la mat wa na mara ai.

MALAHKI 3:10

Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.

MARKU 3:8

dai hta n-ga, dai Yerusalem mare Idumea mung hte Yawdan hka sinpraw hkran na ni hte, Turu hte Sidon mare ni a grup yin ginwang hkan na masha wunawng wuwa ni yawng shi galaw dat ai amu lam ni hpe na ma ai majaw Yesu hpang de sa du ma ai.

LUKA 12:33

Nanhte lu ai arai ni yawng dut kau nna lu ai gumhpraw, matsan mayan ni hpe karan jaw mu, tinang a matu dingsa n chye ai gumhpraw jan galaw nna, lagut n du, manut e mung n jahten kau lu ai, sumsing lamu e n htum n wai chye ai sutgan kyem da nga mu.

LUKA 8:3

Herod a nta dinghku hpe yu hpajang ai kunhting wa Kuhta a madu jan Yawhana Susanna hte num ni law law wa, tinang a lu lawm ai ja gumhpraw arung arai ni hte, Madu hte sape ni hpe karum madi shadaw jai lang nna galaw daw let hkan nang nga ma ai.

KASA 9:39

Shaloi Petru rawt nna dai yan hte rau hkan sa wa ai. Shi du ai shaloi ntsa gawk de woi shawn mu ai. Dai yang e gaida jan ni nlang Petru a makau e tsap gum bawm nna naw hkring nga yang, Dorka chywi ai kata palawng ni ntsa palawng ni hpe madun dan let, hkrap nga ma ai.

GALATI 6:6

Dai Hkristu a mungga hpe sharin achyin hkam la ai wa gaw, sharin achyin ya ai sara wa hpe tinang lu mai ai kaja ai ja gumhpraw arung arai yawng hte karum madi shadaw nga u ga.