ESAIA 23:13 - Jinghpaw Common Language Bible 2009

¹³ (Matse labye dusat ni hpe Turu de shingle shang shangun ai gaw Asuri masha ni n rai, Babelon masha ni she rai ma ai. Babelon masha ni gaw langchyi ni hpe sharawt tawn nhtawm Turu a ngang ai hpyen dap ni hpe sharun shabyak kau ya let mare hpe jahten sharun kau da ma ai.)

Jinghpaw Hanson Version Bible

¹³ Hkalde mung a lam aru yu u; dai amyu gaw shawng de n nga sai; Asuri wa gaw, zaibru jang e nga ai amyu ni a matu, dai mung hpe dè da nna, de a langchyi ni hpe shanhte sharawt ma ai; bai shanhte gaw de a htingnu ni hpe sharun shabyak kau nna, dai mungdan hpe marawng marang di kau mu ai.

ESAIA 23:13 ပူးပေါင်းရင်းမြစ်များ

NINGPAWT NINGHPANG 11:28

shi a kawa naw hkrung nga yang, Babelon mung na shi a daidaw buga Ura mare hta si mat sai.

NINGPAWT NINGHPANG 11:31

Htera gaw shi a kasha Abram hte shi a kashu Haran a shadang sha Lawt hpe mung, shi a kanam Abram a madu jan Sarai hpe mung shaga woi nhtawm Hkanan mung de sa wa na nga, Babelon mung Ura mare kaw nna pru sa wa ai. Shanhte gaw Haran mare de du hkra sa nhtawm dai yang e nga nga ma ai.

NINGPAWT NINGHPANG 11:9

Dai Madu gaw amyu masha ni a ga hpe shanut kau nna mungkan ga ting de shabra kau wu ai majaw, dai mare hpe Babelon ngu nna shamying mu ai.

NINGPAWT NINGHPANG 2:14

Masum ngu na hka nu gaw Asuri mung a sinpraw maga de lwi mat wa ai Tigri hka nu rai nga ai; mali ngu na hka nu gaw Uhprat hka nu rai nga ai.

2 HKAWHKAM 17:24

Asuri hkawseng gaw Babelon, Hkuhta, Awa, Hamat hte Sehparim masha ni hpe woi la nna, bawng dung hkrum ai Israela masha ni a malai Samari mare ni hta shanhte hpe nga shangun ma ai. Shanhte gaw dai mare ni hpe madu la nna dai yang e nga nga ma ai.

2 HKAWHKAM 20:12

Dai aten daram hta nan Baladan a kasha Babelon Hkawhkam Merodak Baladan gaw Hkawhkam Hezekia machyi nga ai hpe na wu ai majaw shi hpang de laika hte kumhpa shagun dat wu ai.

2 HKAWHKAM LABAU 33:11

Dai re ai majaw, dai Madu gaw Asuri hpyen luksuk a up hkang du ni hpe Yuda mung de sa shang gasat shangun wu ai. Shanhte gaw Manashe hpe rim la nhtawm chyinghkyi ni hte sin-yu ni hte hkang nna Babelon mung de woi mat wa ma ai.

YOBA 1:17

Dai wa ga shaga garai n htum yang, kaga shangun ma langai bai hkan du nang nna, “Hkalde hpung masum htim lung wa nna anhte hpe sa gasat ma ai; shing rai gawla-uk ni hpe la mat wa nhtawm ngai hta lai kaga shangun ma ni yawng hpe mung sat kau ma ai. Nang hpe shiga wa tsun dan na matu sha hprawng lawt wa lu ai gaw ngai chyu sha rai nga nngai, ngu nna tsun wu ai.

SHAKAWN KUNGDAWN 72:9

Nam mali hkan na amyu baw ni gaw na a man e, dingnyawm wa na mara ai; shi a gumlau hpyen ni gaw shi a man e dingnyawm wa na mara ai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 10:7

Rai ti mung Asuri hkawseng wa gaw shi a myit masin hta du daw sai hkaw na maw mawn lam ni rawng nga ai. Shi gaw masha amyu baw law law ni hpe gasat shamyit kau na matu daw dan jahkut da nga ai.

ESAIA 13:19

Babelon mung gaw yawng hta tsawm htap htum ai mungdan rai nga ai; dai mungdan gaw de a mung masha ni a matu arawng lu nga ai. Rai ti mung dai Madu ngai gaw Sodom hte Gomora hpe galaw ai zawn Babelon hpe jahten kau na nngai!

ESAIA 13:21

Dai mung gaw zaibru jang dusat ni shanu ai shara, u hku ni shanhte a tsip galaw ai shara tai mat na ra ai. U gawla-uk ni dai yang e nga nna, ya ni gaw dai hten run ai shara hkan gumtawng hkawm na mara ai.

ESAIA 18:6

Shanhte a hpyenla ni a moi mang ni ntsa malen u ni hte matse labye du sat ni a man e asan sha taw nga na mara ai. Ntsa malen u ni gaw dai hpe ginhtawng ta hta sha nna, matse labye dusat ni gaw nshung ta hta amya sha na mara ai.

ESAIA 43:14

Nang hpe hkye la ai dai Madu Israela a chyoi pra ai Karai Kasang gaw, “Nang hpe hkye la na matu, Babelon mung hpe ninghkap lu ai hpyen luksuk langai ngai shangun dat na nngai; Ngai gaw mare chyinghka ni hpe run kau na we ai, dai mung na masha ni a jahtau garu ai nsen hpe hkrap agru ai nsen shatai kau na we ai.

EZEKELA 23:23

Ngai gaw Babelon masha ni hte Hkalde masha ni yawng hpe mung, Peku, Shoa hte Koa masha ni hte hpawn Asuri masha ni yawng hte hpe woi sa wa na nngai. Dai hkum shingyan tsawm ai du magam shabrang ni hte du salang ni, ahkyak ai du salang ni yawng hte gumra dap na arawng aya kaba hkam la ai du ni hpe ngai jahpawng da na nngai.

EZEKELA 29:18

Shi gaw, “Si chye ai masha wa e, Babelon Hkawhkam Nebuhkadneza gaw Turu mare hpe htim gasat nu ai. Shi gaw hpyenla ni hpe li ai lit ni hpai shangun nu ai majaw shanhte a baw ni mahkyit shakrin kau ma ai; shanhte a lahpa ni mung shan katsing hpye mat mu ti mung, hkawhkam wa hte shi a hpyen luksuk ni kadai mung shanhte hkrum sha ai tsin-yam tsindam shabrai a matu hpa mung n lu la ma ai.

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

HABAKU 1:6

Ngai gaw gumshem nna kadau kadap re ai Babelon masha ni hpe daru magam n-gun jaw ya na nngai. Shanhte gaw kaga mungdan ni madu la lu hkra nga, mungkan ga ting hproi hkawm nga ma ai.

KASA 7:4

Shaloi Hkalde mung na shi pru nna Haran mare e wa shingbyi nga ai. Abraham a kawa si mat ai hpang, ya nanhte nga nga ai ndai mung de Karai Kasang shi hpe woi htawt wa wu ai.