ESAIA 23:12 - Jinghpaw Common Language Bible 2009

¹² Sidon mare e, Na a kabu gara ai gaw htum mat nit dai, na a masha ni dip gamyet sha hkrum nga masai. Shanhte Kupru de hprawng lawt mat wa ai rai yang pyi, shanhte naw shim lum na mara ai n rai.

Jinghpaw Hanson Version Bible

¹² Bai shi gaw, “Adip arip hkrum ai Sidon shayi hkawnsek e, nang gaw htawm hpang de kabu lu na n rai; rawt u, Kihtim mung de rap wa u; dai yang e pyi nang ban sa lu na n rai,” nga ai.

ESAIA 23:12 ပူးပေါင်းရင်းမြစ်များ

NINGPAWT NINGHPANG 10:4

Yawan a aru arat ni gaw Elisha, Spain, Kupru hte Roda amyu masha ni rai ma ai.

NINGPAWT NINGHPANG 49:13

“Zebulun gaw panglai makau e nga na ra ai. Shi a hka kau gaw sanghpaw li ni a matu daru tai na ra ai. Shi a lamu ga jarit mung Sidon du hkra maden na ra ai.

ESAIA 23:7

Moi chyaloi nhkoi kaw nna de da nga sai ndai Turu mare gaw kabu gara lu na rai nga a ni? Panglai rap nna sumtsan mung hkan e sa nga na matu masha dat dat ya ai gaw ndai mare rai nga a ni?

ESAIA 37:22

dai Madu gaw, “Senahkerib e, Yerusalem mare gaw nang hpe mani ai hte mani asawng nga ai.

ESAIA 47:1

Dai Madu gaw, “Babelon e, na a tingnyang kaw na yu wa nna, ga ntsa na nhpu hta dung nga u. Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai, rai ti mung nang gaw galoi mung nu nu nai nai rai nga ai n rai! Ya chyawm gaw nang mayam rai nga nit hka!

ESAIA 47:5

Dai Madu gaw Babelon hpe, “Atsin sha hte nsin e dung nga u; shanhte gaw nang hpe masha amyu baw ni a hkawhkam jan ngu nna, galoi mung tsun na mara ai n rai!

YEREMIA 14:17

Dai Madu gaw nye a yawn hkyen ai lam hpe ning ngu amyu masha ni hpe tsun na matu ngai hpe hkang da nga ai: “Nye a myi prwi ni shani shana lwi nga u ga, ngai gaw galoi mung n sim n sa hkrap ngu hkrap ngoi nga u ga; hpa majaw nga yang, nye a amyu masha ni gaw grai sawng hkra hkala nba hkrum ai hte laja lana re machyi hkrum nga sai.

YEREMIA 2:10

Sinna maga nga ai Kupru zunlawng de sa nna, sinpraw maga de nga ai Kedara mung de masha langai mi hpe shangun dat u. Shawng de ndai zawn galoi mung n byin yu ai amu hpe nang mu na rai ndai.

YEREMIA 46:11

Egutu masha ni e, Gilead mung de lung wa nna, dai yang e, tsi mawan tam la mu! Na a tsi mawan yawng gaw akyu n rawng ai hpe sha sakse madun nga ai; hpa hte mung nang hpe tsi shamai ya lu ai n rai.

SHARUNG SHAYAWT 1:15

“Madu gaw nye a n-gun ja htum ai hpyenla ni yawng hpe mani nga ai; Shi gaw nye a shabrang ni hpe shamyit kau na matu hpyen luksuk shangun dat nga ai. Shi gaw nye a amyu masha ni hpe sabyi htumbyen kata na sabyi si ni hpe zawn kabye agrawp kau nu ai.

SHARUNG SHAYAWT 1:3

Yuda amyu masha ni gaw matsan mayan hkrum ai mayam ni rai nna, nta kaw na maja e gawt shapraw kau hkrum ma ai, Shanhte gaw shanhte a lamu ga ngu nna tsun na shara hpa mung n nga ai, Gumlau hpyen ni wang da hkrum nna hprawng lawt lam n nga ai tsasam mungdan ni hkan nga nga ma ai.

SHARUNG SHAYAWT 4:15

Masha ni gaw, “Yen mu! Nang gaw matsat shabat agang chyalang rai nga ndai! Ngai hpe hkum hkra myit!,” nga nna jahtau ma ai. Dai re ai majaw, shanhte gaw masha amyu baw mi kaw nna masha amyu baw mi de brak hkawm nga ma ti mung, kadai mung n hkalum la nga ma ai.

EZEKELA 27:6

Shanhte gaw li lashap galaw na matu Bashan mung na wamyi hpun ni lang ma ai; Kupru zunlawng na pru ai marau hpun hpe mung shanhte la nna dai hpe magwi kawng ni hte hkrep nhtawm li hpe mawn shatsawm nga ma ai.

Daniela 11:30

Dai Roma masha ni sanghpaw li ni hte du shang wa nhtawm shi hpe ninghkap na mara ai. Shaloi shi hkrit kajawng mat na ra ai. “Dai hpang shi gaw n-yun bu ai hte kayin mat wa nna Karai Kasang a amyu masha ni a nawku makam masham hpe jahten kau ya na mara ai. Shi chyawm gaw dai nawku makam masham hpe kau da sai ni a hpaji jaw ga hta hkan nang na ra ai.

BU HKAWM 24:24

Shang gasat ai ni Kupru zunlawng kaw na li hte Jawn sa nhtawm, Asuri mung hte Ebera mung hpe dang kau na mara ai. Rai ti mung shanhte mung htani htana hten run mat ai bai hkrum na mara ai.”

YAWSHU 11:8

Dai Madu mung shanhte hpe Israela masha ni a lata de ap ya nna awng padang jaw ya wu ai rai nna, Israela ni mung shanhte hpe dingdung maga Misrehpot Ma-in hte Sidon du hkra mung, sinpraw maga Mizpa Kadit du hkra mung hkan shachyut gasat ma ai. Gumlau hpyen langai mung n ngam mat hkra matut gasat nga ai.

SHINGRAN 18:22

Nang hta tingse nsen, mahkawn yu ngwi nsen, sumpyi dum ai ni hte pahke dum ai ni a nsen, htawm hpang galoi mung bai na lu sana n rai. Hpaji maka hte hpaga yumga galaw sha ai masha nang hta htawm hpang galoi mung paw pru lu na n rai, htumrin rin ai nsen mung, nang hta htawm hpang galoi mung na lu sana n rai.