ESAIA 23:11 - Jinghpaw Common Language Bible 2009

¹¹ Dai Madu gaw panglai ntsa e shi a lata ladawn ai hte mungdan ni hpe jahten kau nu ai. Shi gaw Hponisha masha ni a hpaga yumga ginjaw ni hpe jahten kau na hkang dat nu ai.

Jinghpaw Hanson Version Bible

¹¹ Yehowa gaw nammukdara ntsa e shi a lata ladawn let, mungdan ni hpe ashun awam dat wu ai; Hkanan mung na hpyen dap ni hpe jahten na matu, shi gaw ga hkang da sai.

ESAIA 23:11 ပူးပေါင်းရင်းမြစ်များ

NINGPAWT NINGHPANG 9:25

Shi gaw, “Hkanan gaw dagam dala hkrum u ga! Shi gaw shi a kahpu kanau ni kaw mayam tai mat nu ga.

SHAKAWN KUNGDAWN 46:6

Masha amyu ni hkrit kajawng nga masai, mungdan ni ashun awam nga masai; Karai Kasang gaw mu shangoi dat wu ai hte mungkan ga gaw byawng mat nga ai.

SHAKAWN KUNGDAWN 71:3

Nye a shim ai shingbyi shara hte n-gun ja ai hpyen dap tai nga nna, ngai hpe makawp maga la e; nang gaw nye a shingbyi shara hte dahpran shara rai nga ndai.

PRU MAT 14:21

Mawshe gaw shi a lata hpe panglai ntsa de ladawn dat wu yang, dai Madu mung n-gun ja ai sinpraw nbung hte panglai hka hpe kanawng shabai da wu ai. Nbung dai gaw shana tup bung nga ai rai nna panglai gaw hkun hkraw ai hkarang ga tai mat nga ai. Dai hka mung garan mat nga sai majaw,

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 13:13

Ngai gaw sumsing lamu ni hpe gari ashun shangun na nngai, Chyahtum Chyalai N-gun rawng ai Ngai Madu nan nye a sindawng kahtet ai hpe madun ai shani hta ginding aga gaw gari ashun ai hte shi a shara htawt mat na ra ai.

ESAIA 14:26

Ndai gaw mungkan ga a matu nye a yaw shada ai lam rai nga ai, nye a lahpum gaw masha amyu baw ni hpe ari jaw na matu ladawn da nga ai.”

ESAIA 19:5

Hka gaw Nila hka nu lwi shadang hta yawm mat wa na ra ai; dai hka nu gaw angwi ngwi sha hkun hkraw mat wa na ra ai.

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 23:10

Spain mung na maden da ai lamu ga hta nga ai masha ni e, sa nna lamu ga hta yi sun galaw mu! Dai shara hta nang hpe makawp maga ya na masha langai mi mung n nga nga ai.

ESAIA 25:2

Nang gaw mare ni hpe jahten sharun kau nit dai, shanhte a ngang ai hpyen dap ni hpe jahten kau nga ndai. anhte a gumlau hpyen ni gap da ai hkawhkam htingnu ni htani htana hkoi mat masai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

YEREMIA 47:7

Rai ti mung, dai amu hpe ngai galaw wa ai shaloi, dai gaw kaning rai sim lu na rai nga a ta? Ngai gaw Ashkelon hte hkin-gau ntsa hta nga ai masha ni hpe htim gasat na matu hkang da ni ai.”

EZEKELA 26:10

Law la ai ga nhpu ni gaw hpyen gumra ni a majaw, mawng lung wa nna sumwi zawn nang hpe ka-up kau na mara ai. Shanhte gaw hten run sai mare chyinghka lam hku lai shang wa yang, arai htaw ai gumra leng ni hte hpyen leng ni a wu kadu ai nsen ni a majaw na a mare bunghku ni gari ashun na mara ai.

EZEKELA 26:4

Shanhte gaw na a mare bunghku ni hpe jahten kau nna, na a langchyi ni hpe run kau na mara ai. Ngai gaw ga nhpu yawng hpe ye kau nna krin ai lungrawk hpe chyu sha ngam da na nngai.

EZEKELA 31:16

Ngai gaw dai hpe Katsan ga de shayu kau dat ai shaloi, de a sum kadawng mat ai a wu kadu ai nsen gaw amyu masha ni yawng hpe gari ashun shangun na ra ai. Eden sun e tu ai hpun ni yawng hte mungkan ga a lawu tsang de yu mat wa sai dai hka hkru hkra lu lu ai Lebanon a hpun ni mung dai hkrat sum ai amu hta awng sharawng nga na mara ai.

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”

HAGI 2:7

Ngai gaw maigan amyu mahkra hpe jahten kau nna shanhte a arung arai ni ndai shara de la shawn ai hkrum na mara ai. Nawku Htingnu gaw sut rai ni hte hpring na ra ai.

ZEHKARIA 14:21

Yerusalem hte Yuda mung yawng hta nga ai shat shadu di shagu gaw Chyahtum Chyalai N-gun rawng ai dai Madu a matu lang na san da na mara ai. Shagu hkungga ni nawng ya ai amyu masha ni mung hkungga shan shadu na matu dai ni hpe lang na mara ai. Dai aten du jang, Chyahtum Chyalai N-gun rawng ai dai Madu a Nawku Htingnu hta hpaga ga ai masha kadai mung galoi mung nga sana ra ai n rai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

YAWHAN 2:16

Hkrudu dut ai ni hpe mung, “Ndai ni hpe ndai kaw na la pru mat wa mu! Nye Wa a nta e gat dut shara hkum shatai mu,” ngu nna tsun mu ai.