ESAIA 23:1 - Jinghpaw Common Language Bible 2009

¹ Ndai gaw Turu hte seng ai mungga langai rai nga ai. Nammukdara ntsa na sanghpaw masha ni e, yawn hkyen ai hte sharung nga mu! Na a buga Turu sanghpaw daru hten za mat sai; De a nta ni hte sanghpaw danam ni hten run mat nga sai. Na a sanghpaw ni Kupru kaw na nhtang wa yang, dai shiga hpe nang na nga sai.

Jinghpaw Hanson Version Bible

¹ Turu mare hta ang ai myihtoi ga: Tarshi sanghpaw li ni e, sharung shayawt mu; nta mung n nga, mashang mung n nga hkra, Turu mare atsai awai hten mat sai; Kihtim mung kaw nna, dai shi na ma ai.

ESAIA 23:1 ပူးပေါင်းရင်းမြစ်များ

NINGPAWT NINGHPANG 10:4

Yawan a aru arat ni gaw Elisha, Spain, Kupru hte Roda amyu masha ni rai ma ai.

1 HKAWHKAM 10:22

Shi gaw nammukdara hta hkawm ai sanghpaw li hpung ni lu ai rai nna Hiram a sanghpaw li hpung ni hte rau hkawm nga ma ai. Shing rai masum ning du shagu shi a sanghpaw li hpung ni gaw ja gumhpraw, magwi kawng, woi lagang ni hte woi ni htaw let nhtang wa wa rai ma ai.

1 HKAWHKAM 22:48

Hkawhkam Yehoshahpat gaw nammukdara ntsa hkawm ai sanghpaw li ni hpe shachyaw nhtawm Ohpira mung na ja sa htaw la na nga pru sa wa wu ai; rai ti mung Eziongebera shara e daw agrawp mat nna, galoi mung n pru sa lu nga sai.

1 HKAWHKAM 5:1

Turu hkawhkam Hiram gaw Dawi a jinghku tut nawng a rai nga ai. Shi kawa Dawi a magam tingnyang hta Shawlumon hkaw galai dung ai shiga hpe shi na jang, Hiram gaw shi a shangun dat kasa ni hpe Shawlumon hpang de shangun dat wu ai.

2 HKAWHKAM LABAU 9:21

Shi gaw nammukdara hta hkawm ai sanghpaw hpung ni lu ai rai nna, Hiram a sanghpaw li hpung ni hte rau hkawm nga ma ai. Shing rai masum ning du shagu shi a sanghpaw li hpung ni gaw ja, gumhpraw, magwi kawng, u tawng ni hte woi ni hpe htaw let nhtang wa wa rai ma ai.

SHAKAWN KUNGDAWN 48:7

laja lana re ai nbung laru kata, le de, wo de, adawt kanga hkrum nga ai sanghpaw li zawn hkrit gari ai hte ruyak kyindut hkrum hkra nga ma ai.

ESAIA 15:8

Jahtau hkrap ai nsen gaw Moba mung a lamu ga jarit shara shagu hkan du hkra na lu nga ai. Dai nsen hpe Eglaim hte Berelim mare du hkra na lu nga ai.

ESAIA 2:16

Shi gaw kaba htum ai hte tsawm dik htum ai sanghpaw li ni hpe pyi lup kau na ra ai.

ESAIA 23:12

Sidon mare e, Na a kabu gara ai gaw htum mat nit dai, na a masha ni dip gamyet sha hkrum nga masai. Shanhte Kupru de hprawng lawt mat wa ai rai yang pyi, shanhte naw shim lum na mara ai n rai.

ESAIA 23:6

Hponisha masha ni e, yawn hkyen ai hte hkrap sharung nga mu! Spain mung de hprawng lawt mat wa na matu shakut mu!

ESAIA 24:10

Dai mare na arai yawng mayawng mung marawng marang rai nga ai, amyu masha ni gaw shanhte a dum nta ni shim lum na matu chyinghka la da nga ai.

ESAIA 60:9

Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

YEREMIA 2:10

Sinna maga nga ai Kupru zunlawng de sa nna, sinpraw maga de nga ai Kedara mung de masha langai mi hpe shangun dat u. Shawng de ndai zawn galoi mung n byin yu ai amu hpe nang mu na rai ndai.

YEREMIA 25:15

Dai Madu Israela a Karai Kasang gaw ngai hpe, “Ndai sabyi gawm hta nye a pawt sindawng ai hte jahpring da u. Dai hpe ngai nang hpe shangun dat ai masha amyu baw ni yawng hpang de la sa nna, dai gawm kaw na shanhte hpe lu shangun u.

YEREMIA 47:4

Hpilisti hpe shamyit kau na matu mung, Turu mung hte Sidon mung kaw na naw ngam nga ai karum la lam yawng hpe dan di kau na aten gaw du nga sai. Dai Madu ngai nan Hpilisti masha ni hpe mung, Kreti zunlawng hka kau hkan na du sa ai ni yawng hpe mung, jahten shaza kau na nngai.

EZEKELA 26:1

Anhte bawng dung ai shi langai ning, shata langai ya shani hta, dai Madu ngai hpe ga shaga wu ai.

EZEKELA 26:2

Shi gaw, “Si chye ai masha wa e, ndai gaw Turu mare masha ni a kabu gara ai nsen rai nga ai. Shanhte gaw, ‘Yerusalem gaw run mat sai! Dai mare a sut n-gun mung htum mat sai! Dai mare gaw anhte hpe shingjawng lu sana n rai!,’ nga nna jahtau tsun ma ai.

EZEKELA 27:30

Shanhte yawng gaw na a matu ahkup ahka nga hkra sharung shayawt nga ma ai, Shanhte a baw ni hta nhpu hte bun nna dap ni hta galu nga ma ai.

EZEKELA 27:6

Shanhte gaw li lashap galaw na matu Bashan mung na wamyi hpun ni lang ma ai; Kupru zunlawng na pru ai marau hpun hpe mung shanhte la nna dai hpe magwi kawng ni hte hkrep nhtawm li hpe mawn shatsawm nga ma ai.

Daniela 11:30

Dai Roma masha ni sanghpaw li ni hte du shang wa nhtawm shi hpe ninghkap na mara ai. Shaloi shi hkrit kajawng mat na ra ai. “Dai hpang shi gaw n-yun bu ai hte kayin mat wa nna Karai Kasang a amyu masha ni a nawku makam masham hpe jahten kau ya na mara ai. Shi chyawm gaw dai nawku makam masham hpe kau da sai ni a hpaji jaw ga hta hkan nang na ra ai.

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

BU HKAWM 24:24

Shang gasat ai ni Kupru zunlawng kaw na li hte Jawn sa nhtawm, Asuri mung hte Ebera mung hpe dang kau na mara ai. Rai ti mung shanhte mung htani htana hten run mat ai bai hkrum na mara ai.”

LUKA 10:13

“Kurazin e, na a matu gade hkrithpa kaba rai na rai nga a hka! Betsaida e, na a matu gade hkrithpa kaba rai na rai nga a hka! Nan hta dan ai lamik kumla ni hpe Turu hte Sidon mare hta lama dan yu taw gaw, dai kaw na masha ni gaw, moi moi me lachyit nba hpun ai hte shanhte a ntsa e dap hte bun la rai nna myit malai lu boi na masai.

YAWSHU 19:29

Dai hpang Rama hku kayin wa nna bunghku kum ai Turu mare hku hprang, Hosa de bai kayin nhtawm Ka-ang Panglai e htuk rai nga ai.