ESAIA 22:23 - Jinghpaw Common Language Bible 2009

²³ Ngai gaw shi hpe sumprat langai zawn ngang ngang dawk jung da na nngai, shi gaw shi a dinghku ting a arawng sadang a hka hpawk tai na ra ai.

Jinghpaw Hanson Version Bible

²³ Grin nga ai shara hta ngai shi hpe hpri maina zawn dit da nna, shi gaw kawa nta dap ni a matu arawng sadang tingnyang tai na ra ai.

ESAIA 22:23 ပူးပေါင်းရင်းမြစ်များ

EZRA 9:8

O Madu anhte a Karai Kasang e, nang gaw ya hkring mi sha pyi, anhte nkau mi hpe mayam kaw nna shalawt dat nhtawm ndai chyoi pra ai shara hta shim lum ai hte shanu nga na chyeju anhte hpe jaw da nit dai. Nang chyawm gaw anhte hpe mayam kaw nna shalawt la ai hte asak nnan jaw ya mani ai.

ESHTA 10:3

Yuda masha Mordehkai gaw Hkawhkam Ahasuru a lawu hprut arawng aya hkam la lu ai wa rai nna shagrau sha-a hkrum ai hte shi a Yuda manaw manang ni shi hpe grai yu sharawng nga ma ai. Shi gaw shi a amyu masha ni a matu ngamu ngamai lam hte shanhte a amyu matu ni yawng a shim lam hpe galaw ya nga ai.

ESHTA 4:14

Ndai zawn re ai aten hta nang atsin sha nga ai rai n yang gaw, sumsing lamu kaw nna karum la ai lam, Yuda masha ni a matu pru wa nna shanhte nlang hkye mawai la ai hkrum ti mung nang chyawm gaw si na rai ndai; na nwa a dinghku mung htum mat na mara ai. Ti mung ndai zawn re ai aten hta nang hkawhkam jan shatai la hkrum nga nit dai gaw kadai wa chye nga a hka!”

YOBA 36:7

Shi gaw ding hpring ai ni hpe makawp maga nga ai; shi gaw shanhte hpe hkawhkam ni zawn up hkang lu na ahkang jaw wu ai hte htani htana shagrau sha-a ai hkrum shangun nga ai.

HPAJI NINGLI 12:11

Hpaji rawng ai ni a ga ni gaw sagu ni hpe lam woi na matu sagu rem ni lang ai majawn hte bung nga ai rai nna ka mahkawng da ai ga shagawp ni gaw dit jung da ai hpri masen zawn grin nga ai. Dai ni gaw anhte yawng a sagu Rem ai Wa, Karai Kasang a lata hku jaw ya ai ni rai nga ai.

ESAIA 22:24

“Rai ti mung shi a makyin jinghku ni hte shamyet shanat ai ni yawng hte gaw shi a matu lit tai na ra ai. Shanhte gaw di mala hka wan ni hpe sumprat hta mahkai tawn da ai zawn shi a ntsa e noi da na mara ai!

ESAIA 22:25

Dai zawn byin wa ai shaloi, ngang ngang jung da ai sumprat gaw malawk pru mat wa nna hkrat mat na ra ai. De a ntsa e noi da ai arung arai gaw magup sumhpa a jahtum mung rai na ra ai,” nga nna tsun ai. Dai Madu nan tsun nu ai.

ZEHKARIA 10:4

Shanhte hta na nye a amyu masha ni hpe up na mung up du ni, ningbaw ni hte up hkang du ni pru wa na mara ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.