ESAIA 22:22 - Jinghpaw Common Language Bible 2009

²² Ngai gaw Dawi a aru arat hta na hkawhkam wa a npu e hkum tsup ai daru magam ahkang aya shi hpe ap ya na nngai. Shi gaw dai nta a sumsaw hpe jum da na ra ai, shi hpaw da ai hpe kadai mung pat na n rai, shi pat da ai hpe kadai mung hpaw na n rai.

Jinghpaw Hanson Version Bible

²² Dawi dap nta a sumsaw hpe ngai shi a lahpa ntsa e mara da nna, shi gaw, kadai n la da lu hkra hpaw da na ra ai, kadai n hpaw lu hkra la da na ra ai.

ESAIA 22:22 ပူးပေါင်းရင်းမြစ်များ

YOBA 12:14

Karai Kasang run hpya kau ai shaloi, kadai wa bai de da lu nga a ta? Karai Kasang sharen da ai wa hpe kadai shalawt dat lu a ta?

YOBA 31:36

Ngai gaw dai ni hpe nye a lahpa ntsa hta gumrawng ai hte hpun sumli da lu nna, nye a baw hta janmau zawn mara da lu na nngai.

ESAIA 7:13

Dai lam hpe Esaia gaw, “Ya chyawm gaw Hkawhkam Dawi a matu mara ni e, madat mu. Masha a hkam sharang ai hpe myit shadaw ya ai gaw n kaja nga ai-nanhte gaw Karai Kasang a hkam sharang ai hpe mung myit shadaw ya mayu nga myit ni?

ESAIA 7:2

Suri hpyen luksuk ni gaw Israela a lamu ga hta nga nga masai shiga Yuda hkawhkam kaw du ai shaloi, shi hte shi a amyu masha ni yawng grai hkrit kajawng nga ma ai, shanhte gaw nbung ahpawt hkrum nna ashun nga ai hpun ni zawn hkrit gari nga ma ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.