ESAIA 22:21 - Jinghpaw Common Language Bible 2009

²¹ Ngai gaw na a tara shang palawng galu shi hpe jahpun ya nhtawm, shi hpe shingkyit kyit ya nna, nang hpe jaw tawn da ai ahkang aya mahkra, shi hpe ap ya na nngai. Shi gaw Yerusalem mare na amyu masha ni hte Yuda mung a kawa tai nga na ra ai.

Jinghpaw Hanson Version Bible

²¹ na a palawng galu shi hpe jahpun kau na we ai; nang kyit ai shingkyit ngai shi hpe shakyit nna, nang up ai ahkang shi a lata hta ap ya na we ai: shi gaw Yerusalem masha ni hte Yuda mung a kawa tai na ra ai.

ESAIA 22:21 ပူးပေါင်းရင်းမြစ်များ

NINGPAWT NINGHPANG 45:8

Dai re ai majaw, ngai hpe ndai de shangun dat ai gaw teng teng nanhte rai myit dai n rai; Karai Kasang mahtang shangun dat ai she rai nga ai. Shi gaw ngai hpe hkawhkam wa a tsaw htum ai arawng aya hte hpring ai mung du shatai ni ai. Ngai mahtang shi a mung ting hpe hpareng ai wa rai nga nngai; Egutu mung ting hpe up hkang ai wa mung ngai rai nga nngai.

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

ESHTA 8:2

Hkawhkam wa mung shi a dazik dawk shakap da ai lachyawp hpe raw la nna (Haman kaw na bai la ai) Mordehkai hpe jaw ya wu ai. Eshta mung Mordehkai hpe Haman a sut gan hpareng ya na matu san tawn wu ai.

YOBA 29:16

Ngai gaw matsan mayan masha ni a matu kawa langai zawn rai nga nngai; tsin-yam hkrum ai tsasam masha ni a amu hpe ngai sawk yu nngai.

1 SAMUELA 18:4

Yonahtan mung shi hpun nga ai palawng galu raw la nhtawm dai hte hpawn shi hpun ai ninggang palawng, nhtu, ndan hte shingkyit Dawi hpe jaw wu ai.