ESAIA 22:2 - Jinghpaw Common Language Bible 2009

² Mare ting gaw kaming kamawng rai nga nna garu kachyi nsen hte mau kahpra ai hte hpring nga ai. Ndai majan hta si mat sai na a amyu masha ni gaw gasat si mat ai ni n rai ma ai.

Jinghpaw Hanson Version Bible

² Jahtau marawn ai hte hpring nna, kaming kamawng let ngwipyaw dum ai mare e, nang hta hkala nba hkrum ai ni gaw, ri nhtu hte hkala nba hkrum ai n rai; na a si mang ni gaw, hpyen majan hta si ma ai n rai.

ESAIA 22:2 ပူးပေါင်းရင်းမြစ်များ

ESAIA 10:4

Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 23:7

Moi chyaloi nhkoi kaw nna de da nga sai ndai Turu mare gaw kabu gara lu na rai nga a ni? Panglai rap nna sumtsan mung hkan e sa nga na matu masha dat dat ya ai gaw ndai mare rai nga a ni?

ESAIA 32:13

ju sumwum ni hte tsing ni nye a amyu masha ni a lamu ga hta tu nga ai. Amyu masha ni kabu gara rawng lai wa sai dum nta ni yawng a matu mung, ngwi pyaw ai asak hkrung lam hte hpring ai mare a matu mung hkrap mu.

ESAIA 32:14

Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

ESAIA 37:33

“Ndai gaw Asuri hkawseng hte seng nna dai Madu tsun nu ai ga rai nga ai: ‘Shi gaw ndai mare de shang lu na n rai, dai mare kata de pala langai pyi gap bang lu na n rai. Hpyen ninggang hte re ai hpyenla ni kadai mung dai mare de shani sa wa lu na n rai, kaduk ni hpe mung htu gawan da lu na n rai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

YEREMIA 38:2

Dai Madu gaw, “Ndai mare hta nga nga ai wa gaw hpyen majan hta mung, kawsi hpang gara ai hta mung, ana zinli hta mung si mat na mara ai. Rai ti mung, ndai mare kaw na pru mat wa nhtawm Babelon masha ni hpang de asum hkam shang mat wa ai wa chyawm gaw sat kau hkrum na ra ai n rai, shi gaw shi a asak a matu sha gaw hprawng lawt lu na ra ai,” ngu nna tsun wu ai.

YEREMIA 52:6

Dai shaning a shata mali a nhtoi jahku ya ngu na shani hta, dai mare e hkuwa kaba wa ai majaw amyu masha ni sha na lusha hpa mung n nga nga sai.

SHARUNG SHAYAWT 1:1

Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

SHARUNG SHAYAWT 2:20

O Madu e, yu u! Nang gaw hpa majaw anhte hpe ndai zawn ari jaw nga n ni? Numsha ni gaw shanhte tsaw ra ai kashu kasha ni a hkum shan ni hpe sha nga ma hka! Hkinjawng ni hte myihtoi ni mung tinang a Nawku Htingnu kata hta nan sat kau ai hkrum nga ma ai.

EZEKELA 22:5

Nang tara n lang ai a majaw nang hte ni ai, tsan ai mungdan ni yawng nang hpe asawng asang di nga ma ai.

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.