ESAIA 22:15 - Jinghpaw Common Language Bible 2009

¹⁵ Chyahtum Chyalai N-gun rawng ai Tsaw Htum ai dai Madu gaw hkawseng nta woi hpareng ai Shebna hpang de sa nna shi hpe ning ngu tsun na matu ngai hpe tsun ai:

Jinghpaw Hanson Version Bible

¹⁵ Bai Zaw nawng zaw wa up ai Yehowa gaw, Hkawhkam a nta ntsa e up ai, ndai kunhting wa Shebna hpang de sa nna,

ESAIA 22:15 ပူးပေါင်းရင်းမြစ်များ

1 HKAWHKAM 4:6

Hkawhkam htingnu na shangun ma ni hpe hpareng ai wa: Ahisha Bungli hpareng ai wa: Abda a kasha Adoniram

2 HKAWHKAM 10:5

Dai rai nna hkawhkam htingnu hpe woi hpareng nga ai du salang wa mung, mare hpe woi hpareng nga ai du wa mung, mare hpe woi awn nga ai agyi salang ni mung, hkawhkam kasha ni hpe bau maka nga ai ni mung, Yehu wa hpang de ning ngu nna shiga shana dat ma ai: “Anhte gaw na a shangun ma ni rai nga ga ai, nang tsun ai hte maren hpa mung galaw na jin jin rai nga ga ai. Rai ti mung kaga kadai hpe mung anhte hkawhkam shatai na ga ai n rai; nang myit mang ai kaja htum ai hku hpa hpe mung hkan galaw na ga ai.”

2 HKAWHKAM 18:18

Dai hpang shanhte gaw Hezekia hpe shaga dat ma ai. Shaloi Hezekia gaw shanhte hte sa hkrum na matu shi a du salang masum rai nga ai hkawhkam htingnu hpe hpareng ai Hilkia a kasha Eliakim, hkawhkam hkaw wang amu madu Shebna hte labau gawn amu hpareng rai nga ai Asap a kasha Yoa hte hpe shangun dat wu ai.

2 HKAWHKAM 18:26

Dai hpang Eliakim, Shebna, hte Yoa ni gaw dai du salang wa hpe, “Madu e, anhte hpe Aramik ga shaga mi. Anhte ga dai hpe chye na ga ai. Hebre ga hte hkum shaga et; bunghku ntsa hku nga nga ai ni yawng madat nga ma ai,” ngu nna tsun mu ai.

2 HKAWHKAM 18:37

Dai hpang Eliakim, Shebna, hte Yoa hte gaw yawn ai myit hte shanhte a hpun palawng ni hpe gang je kau nhtawm Asuri du salang wa tsun ai ga ni hpe hkawhkam wa a man e tang madun nga ma ai.

2 HKAWHKAM 19:2

Shi gaw hkawhkam htingnu hpe hpareng ai du Eliakim, hkawhkam wang na amu madu Shebna hte hkinjawng salang ni hpe Amot a kasha myihtoi Esaia hpang de shangun dat wu ai. Shanhte yawng mung lachyit hpun nba hpun da nga ma ai.

1 HKAWHKAM LABAU 27:25

Ndai gaw hkawhkam sut gan hpe up hkang nga ai ni a jahpan rai nga ai: Hkawhkam sut rai tawn ai gawk ni: Adiela a kasha Azmawet Buga sut rai tawn ai gawk ni: Uzia a kasha Yonahtan Yi hkauna magam ni: Hkelub a kasha Ezri Sabyi sun ni: Rama mare na Shime Sabyi ntsin tawn da ai nhkun ni: Shehpam mare na Zabdi (Sinna maga na bum lagaw hkan) tu ai tsanlun hte lakum hpun ni: Gedera mare na Bala Hanan Tsanlun sau dum: Yoasha Sharon pa layang na yam nga hpung ni: Sharon mare na Shitrai Kadit hkan na yam nga hpung ni: Adlai a kasha Shahpat Gawla-uk hpung ni: Ishmaela masha Obila Lawze hpung ni: Meronot mare na Yedea Sagu, bainam hpung ni: Hagari masha Yazi

ESAIA 36:11

Dai hpang Eliakim, Shebna hte Yoa ni gaw hpyen du wa hpe, “Anhte hpe Aramik ga hte shaga mi. Anhte dai ga chye na ga ai. Hebre ga hte hkum shaga mi; bunghku ntsa e nga nga ai ni yawng madat nga ma ai,” ngu nna tsun ma ai.

ESAIA 36:22

Dai hpang Eliakim, Shebna hte Yoa ni gaw yawn madai ai hte shanhte a bu hpun palawng ni hpe gang je kau ai hte Asuri hpyen du wa kaning nga tsun sai ga hkawhkam wa hpang de shiga wa shana ya ma ai.

ESAIA 36:3

Yuda masha masum gaw shi hte hkrum na matu pru sa wa ma ai: dai ni gaw hkawhkam htingnu hpe hpareng ai du salang ngu ai Hilkia a kasha Eliakim, hkawhkam hkaw amu madu Shebna hte labau mazing lit hkam ngu ai Asap a kasha Yoa ni rai ma ai.

ESAIA 37:2

Shi gaw hkawhkam htingnu hpareng rai nga ai Eliakim, hkaw wang amu madu Shebna hte myit su hkinjawng salang ni hpe Amot a kasha Esaia hpang de shangun dat wu ai. Shanhte yawng gaw lachyit nba hpun ma ai.

KASA 8:27

Shaloi Hpilip hkyen la nna rawt sa wa ai. Ya yu mu, Ehtiopi mung up ai Hkawhkam num Kandake a man e ahkang kaba lu nna sutgan yawng up sin ya ai Ehtiopi unuk langai mi gaw shi a nta de wa nga ai. Shi gaw Karai Kasang hpe nawku daw jau na matu Yerusalem de sa du nga ai.