ESAIA 22:14 - Jinghpaw Common Language Bible 2009

¹⁴ Chyahtum Chyalai N-gun rawng ai Tsaw Htum ai dai Madu gaw shi hkum nan ngai hpe, “Ndai n hkru n shawp ai gaw shanhte asak hkrung nga dingsa galoi mung mara dat hkrum na ma ai n rai. Chyahtum Chyalai N-gun rawng ai Tsaw Htum ai dai Madu Ngai nan tsun ni ai,” ngu nna tsun wu ai.

Jinghpaw Hanson Version Bible

¹⁴ Shing rai, Zaw nawng zaw wa up ai Yehowa gaw, Gaja wa, nanhte si ai nhtoi du hkra, ndai yubak tsai mat na n rai, nga nna nye a na hta madun dan ai: dai gaw Zaw nawng zaw wa up ai Madu Yehowa tsun ai ga rai nga ai.

ESAIA 22:14 ပူးပေါင်းရင်းမြစ်များ

2 SAMUELA 6:23

Shawlu a shayi sha Mihkala chyawm gaw kashu kasha langai mi mung n lu nga ai.

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 30:13

Nanhte gaw mara kap nga myit dai. Nanhte gaw ga kaprang yu wa ai tsaw ai mare bunghku hte bung nga myit dai; nanhte gaw akajawng sha agrawp daw mat na marin dai.

ESAIA 31:2

Shi gaw shi hpa galaw nga ai hpe chye nga a hka! Shi gaw tsin-yam tsindam dat dat nga ai. Shi gaw n hkru ai amyu masha ni hte shanhte hpe makawp maga ai ni hpe ari jaw na matu jahkrit sharim nga ai.

ESAIA 5:9

Ngai gaw Chyahtum Chyalai N-gun rawng ai dai Madu ning nga tsun ai ga hpe na ni ai: “Ndai kaba nna tsawm ai dum nta ni yawng kaman hten run mat na mara ai.

ESAIA 65:20

Ma chyangai ni ma prat hta galoi mung si na mara ai n rai, amyu masha ni yawng hte gaw shanhte a asak hpring hkra nga lu na mara ai. Asak latsa ning du hkra hkrung nga lu ai wa hpe pyi, ma kaji ngu nna myit la na mara ai. Dai latsa ning a shawng e si mat ai rai yang, ngai shanhte hpe ari jaw sai masat kumla tai na ra ai.

ESAIA 65:7

shanhte a kaji kawa ni a yubak ni a matu chyawm gaw shanhte hpe bai htang jaw na nngai. Shanhte gaw tara maigan masha ni a kawng ntsa na nawku shara ni hta manam pyaw ai baw nat nna ngai hpe n shawp ai ga tsun ma ai. Dai re ai majaw, lai sai aten na shanhte a arawn alai hte maren, shanhte hpe ngai ari jaw na we ai.”

EZEKELA 24:13

Yerusalem mare e, na a nse nsa ai arawn alai ni gaw nang hpe awu asin di kau nit dai. Nang hpe ngai jasan shapra na shakut ti mung, nang awu asin naw hkrum nga ndai. Nye a n-gun tup sindawng kahtet ai hpe nang n hkam sha dingsa, jasan jaseng hkrum na ndai n rai.

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.

AMO LAIKA (AMOS) 8:7

Dai Madu Israela a Karai Kasang gaw ning ngu dagam nu ai: “Ngai gaw shanhte a n hkru ai arawn alai ni hpe galoi mung malap kau na n rai.

1 SAMUELA 3:14

Dai rai nna, shagu hkungga hte mung, shadung hkungga hte mung ndai hkrit hpa yubak mara hpe galoi mung n shaprai kau lu na sai ngu nna, Eli a dinghku masha ni hpe ngai dagam kau nngai,” ngu nna tsun wu ai.

1 SAMUELA 9:15

Ya, Shawlu garai n du ai shawng shani sha, dai Madu gaw Samuela hpe,