ESAIA 22:12 - Jinghpaw Common Language Bible 2009

¹² Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

Jinghpaw Hanson Version Bible

¹² Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

ESAIA 22:12 ပူးပေါင်းရင်းမြစ်များ

2 HKAWHKAM LABAU 35:25

Myihtoi Yeremia gaw Hkawhkam Yoshia a matu sharung shayawt ga hpe shagawp da nga ai; shi a matu sharung shayawt yang lang ai dai mahkawn gaw mahkawn mangoi chye ai numsha, lasha ni a matu Israela mung hta htung lai langai tai wa sai. Dai mahkawn mangoi hpe shinggyin da ai sharung shayawt laika hta mu lu nga ai.

EZRA 9:3

Dai lam hpe ngai na jang, myit htum ai hte nye a hpun palawng ni gang je kau nna, nye a kara hte nhka mun ni hpe baw kau nhtawm gawng run yawn hkyen let dung nga nngai.

NEHEMIA 9:9

“Anhte a kaji kawa ni Egutu mung hta kaning rai nni nkri hkrum sha ai hpe nang mu ndai; Nawng Hkyeng makau e karum la na matu shanhte a hpyi jahtau ai nsen hpe nang na nit dai.

YOBA 1:20

Dai hpang Yoba gaw rawt tsap nna shi a hpun palawng ni hpe yawn hkyen ai hte gang je kau wu ai. Shi a baw shangun kau let ga de myi man yawng nhtawm gum dagup nga ai.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

HPAJI NINGLI 3:4

Shi gaw yawn hkyen ai aten hte kabu gara ai aten hpe mung, hkrap ngu hkrap ngoi ai aten hte ka manawt ai aten hpe mung,

ESAIA 15:2

Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

ESAIA 26:10

N hkru ai ni hpe nang matsan yu dum ti mung, shanhte gaw jaw ai amu galaw na matu galoi mung n sharin la nga ma ai. Ndai ding hpring ai amyu masha ni a lamu ga hta pyi shanhte gaw shut hpyit ai amu naw galaw ma ai; shanhte gaw na a galu kaba ai lam hpe hkap la na matu ningdang nga ma ai.

ESAIA 29:1

Karai Kasang a tawn hkungri ngu ai Yerusalem nan dingnye hkrum nga sai! Dawi dabang but ai mare gaw dingnye hkrum nga sai! Lusha poi hte poi shingra ladaw ni hpe laning mi hta laning mi kahtap nna galaw nga mu.

ESAIA 3:24

Manam pyaw ai baw lang na malai, shanhte gaw ahpu ahkying nga manam na ra ai, tsawm ai shingkyit ni a malai, shanhte gaw ahtat awat re ai sumri ni kyit ra na mara ai; tsawm htap ai kara a malai, shanhte gaw abaw shakrin kau hkrum na mara ai; kaja ai bu hpun palawng ni a malai, shanhte gaw tsupni ni hpun ra na mara ai; shanhte a tsawm htap ai gaw kaya kahpa tai mat na mara ai!

ESAIA 32:11

Nanhte gaw apyaw sha hte tsin-yam tsindam kaw na lawt ai hte nga yu manit dai; rai ti mung ya chyawm gaw hkrit gari nga manu! nanhte a hpun palawng ni raw sharun kau mu! Nanhte a nshang grup grup hta tsupni gyit da mu.

ESAIA 37:1

Hkawhkam Hezekia gaw shanhte a htawn dan ai shiga na ai hte rau shi gaw shi a hpun palawng ni hpe yawn madai ai hte gang je kau nhtawm lachyit nba bu hpun let, dai Madu a Nawku Htingnu de sa wu ai.

ESAIA 37:2

Shi gaw hkawhkam htingnu hpareng rai nga ai Eliakim, hkaw wang amu madu Shebna hte myit su hkinjawng salang ni hpe Amot a kasha Esaia hpang de shangun dat wu ai. Shanhte yawng gaw lachyit nba hpun ma ai.

ESAIA 58:3

Amyu masha ni gaw, “Dai Madu galoi mung n matsing ai mi, anhte hpa majaw lusha gam ang na ga ta? Shi myit n lawm ai mi, anhte hpa majaw lusha n lawm ai sa ang ga ta?,” ngu nna san ma ai. Dai Madu gaw shanhte hpe, “Dai teng man ai gaw dai nanhte lusha gam ai aten hta nan rai nga ai, nanhte gaw nanhte a amyat ni hpe hkan tam nna, nanhte a amu galaw masha ni hpe dip gamyet sha nga myit dai.

YEREMIA 16:6

Sut su ai ni hte matsan mayan masha ni ndai mungdan hta si na mara ai, rai ti mung, kadai mung shanhte hpe lup makoi na mara ai n rai, shanhte a matu sharung shayawt na ma ai n rai. Kadai mung tinang hkum hpe jahpye lu na n rai, yawn hkyen ai kumla madun na matu shi a baw hpe shangun lu na n rai.

YEREMIA 16:8

“Masha ni poi galaw nga ai nta hta mung hkum shang et. Shanhte hte rau dung nna hkum lu hkum sha et.

YEREMIA 4:8

Dai rai nna lachyit nba bu hpun ai hte hkrap ai hte sharung shayawt nga mu; hpa majaw nga yang, dai Madu a sindawng kahtet ai gaw Yuda mung kaw nna dawm la kau nu ai n rai.

YEREMIA 7:29

“Yerusalem amyu masha ni e, sharung shayawt nga mu; na a kara zen di nna kabai kau u. Kawng pungding ntsa hkan e makoi mayang mahkawn hkawn mu, hpa majaw nga yang, dai Madu ngai gaw pawt sindawng nngai hte nye a amyu masha ni hpe ningdang kau ni ai.

EZEKELA 27:31

Shanhte gaw na a matu kara doi kau ai hte, tinang hkum hpe lachyit nba bu hpun da ma ai. Shanhte a myit masin ni gaw shanhte hkrap magang ahkup ahka rai ma ai.

Daniela 5:1

Lana mi na aten hta, Hkawhkam Belshaza gaw du magam hkying mi hpe hkik hkam ai lusha poi kaba de sa na matu saw shaga dat wu ai; shanhte gaw rau sha sabyi ntsin jawm lu nga ma ai.

HOSEA 9:1

Israela amyu masha ni e, tara maigan masha ni zawn galaw ai lusha poi ni hpe tawn kau mu. Nanhte gaw nanhte a Karai Kasang a man kaw nna kayin mat wa nhtawm shi hpe n kam n sham nga myit dai. Nanhte gaw tinang hkum hpe mungdan ting de shawa num ni zawn Bala karai hpe dut ya ai hte shi nanhte a matu shabrai jaw ai zawn nawn ai nsi naisi hpe tsaw ra nga myit dai!

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 1:8

Amyu masha ni e, hkawn ram prat e si mat wa ai lasha a matu yawn hkyen hkrum ai numsha langai zawn, jahtau hkrap nga mu.

YOELA 2:12

Dai Madu gaw, “Ya rai ti mung, myit kraw asan sha hte myit malai wa nna, lusha gam, hkrap shabam nna sharung shayawt ai hte ngai hpang de nhtang wa marit.

YOELA 2:17

Tawn hkungri hte Nawku Htingnu chyinghka lam lapran dai Madu hpe daw jau nga ai hkinjawng ni mung hkrap ai hte ning ngu akyu hpyi ma ai: “Madu e, na a amyu masha ni hpe matsan dum la mi law. Kaga masha amyu ni, ‘Nanhte a Karai Kasang kanang nga nga a ta?,’ nga nna tsun let anhte hpe asawng asang di nna n ashu kau shangun u ga law.’”

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.

YONA 3:6

Ninewe hkawhkam wa mung dai lam na ai shaloi, shi a hkawhkam tingnyang na rawt nhtawm lachyit nba bu hpun let dap hkun e dung nga ai.

MIHKA 1:16

Yuda amyu masha ni e, nanhte tsaw ra ai kashu kasha ni a matu sharung shayawt ai hta nanhte a kara ni hpe shakrin kau mu. Nanhte a kashu kasha ni tsan ai mungdan de bawng dung hkrum mat nga masai majaw, langda baw ni zawn shakrin kau mu.

YAKU 5:1

Lu su ai ni e, ya e ngai tsun ai hpe madat yu mu! Nanhte gaw du magang ra ai nni nkri nji nmu lam a majaw hkrap ngu hkrap ngoi rai nga mu!