ESAIA 22:1 - Jinghpaw Common Language Bible 2009

¹ Ndai gaw Shingran Kadit hte seng ai mungga langai rai nga ai. Hpa byin nga a ni? Mare masha ni yawng gaw hpa majaw nta numgaw ntsa e poi galaw nga ma ni?

Jinghpaw Hanson Version Bible

¹ Shingran kadit hta ang ai myihtoi ga: Na a mare ting gaw hpa lam majaw nta ni a ntsa e lung dè ma ta?

ESAIA 22:1 ပူးပေါင်းရင်းမြစ်များ

NINGPAWT NINGHPANG 21:17

Karai Kasang mung dai ma jahtau hkrap ai nsen na wu ai rai nna, sumsing lamu na Karai Kasang a lamu kasa gaw Hagara hpe, “Hagara e, nang hpa baw ru yak tsin-yam hkrum hkra nga n ta? Hkum hkrit nga et, Karai Kasang gaw dai ma a jahtau hkrap ai nsen hpe na ya nu ai.

2 SAMUELA 14:5

Shi gaw dai numsha hpe, “Nang hpa ra n ta?,” ngu nna san wu ai. Dai numsha mung, “Madu e, ngai gaw matsan mayan re ai gaida jan langai mi rai nga nngai. Nye a madu wa mung si mat sai.

2 HKAWHKAM 6:28

Shi gaw, “Na a ru yak tsin-yam tsindam gaw hpa wa rai ta? Dai numsha gaw, “Ndai numsha gaw shawng shani e nye a kasha sha ga, hpang shani a matu chyawm gaw shi a kasha sha ga nga nna hpaji jaw ai,” ngu nna htan wu ai.

SHAKAWN KUNGDAWN 114:5

Panglai e, nang hpa majaw hprawng mat n ni? Yawdan hka nu e, nang hpa majaw lwi nga ai kaw nna hkring mat n ni?

SHAKAWN KUNGDAWN 125:2

Bum ni gaw Yerusalem mare hpe grup rai gawan da nga ai hte maren, dai Madu mung, shi a amyu masha ni hpe ya kaw nna prat dingsa grup rai gawan da nga ai.

GA SHAGAWP 29:18

Karai Kasang a lakawn lanawn lam n nga ai amyu masha ni gaw kaming kamawng re ai mungdan tai mat na ra ai. Karai Kasang a tara hpe hkan shatup ai wa gaw a nga ai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 15:3

Lam nmaw hkan nga ai masha ni gaw lachyit nba bu hpun nga ma ai; mare lawk ni hte nta numgaw ntsa hkan e mung masha ni sharung shayawt ai hte jahtau hkrap nga ma ai.

ESAIA 22:5

Ndai gaw Shingran Kadit hta dai Chyahtum Chyalai N-gun rawng ai Tsaw Htum ai dai Madu gaw kajawng kaja kaming kamawng rai hkrat sum ai hte shanut shanat re ai hpe anhte a ntsa e dat dat ya ai aten rai nga ai. Anhte a mare bunghku ni agrawp daw mat ai hte karum la na matu jahtau ai nsen gaw kawng ni a lapran e hpungtang kashaw nga ai.

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

YEREMIA 21:13

Yerusalem e, nang gaw pa layang e dung nga ai lunghkrung zawn kadit ni a ntsa e dung nga ndai. Rai ti mung, ngai nang hpe hkap gasat na nngai. Anhte hpe kadai htim gasat lu na n rai, na a bunghku ni hpe kadai agrawp kau ya lu na n rai, nga nna nang tsun ndai.

YEREMIA 32:29

dai hpe wan nat kau na mara ai. Ngai hpe pawt sindawng shangun na nga, nta ni a ntsa e Bala hpara hpe manam pyaw ai baw nat nawng nna, kaga hpara ni hpe sabyi ntsin ru jaw ai hkungga nta ni hte hpawn shanhte gaw dai mare hpe jahkru kau na mara ai.

YEREMIA 32:32

Yuda mung hte Yerusalem mare na amyu masha ni gaw n hkru ai amu ni yawng hpe galaw mu ai majaw, shanhte hte hpawn shanhte a hkawhkam ni, mung up hkang ai du salang ni, hkinjawng ni, hte myihtoi ni hpe shamyit kau na matu ngai daw dan kau ni ai.

YEREMIA 48:38

Kadai mung n ra mat sai di bu hpe shaga kau ai zawn, ngai gaw Moba mung hpe ga kau ni ai majaw, Moba mung na nta ntsa shagu e mung, shawa mare lam ni yawng hta mung, kaga lam hpa mung n nga ai sha, sharung shayawt nga ma ai.

YOELA 3:12

“Masha amyu baw ni gaw Tara Jeyang ai Kadit de sa na jin jin rai nga lu na rai ma ai. Dai yang e, dai Madu ngai nan grup yin masha amyu baw ni yawng hpe tara jeyang na matu dung nga na nngai.

YOELA 3:14

Hkying hkying law nga ai masha wunawng wuwa gaw Tara Jeyang ai Kadit hta nga nga ma ai. Dai yang e, dai Madu a nhtoi kade n na yang du wa na ra ai.

MIHKA 3:6

“Myihtoi ni e, nanhte a ahkyak ai nhtoi lai wa magang rai wa nga myit dai; jan gaw nanhte a ntsa e shang mat wa nga sai. Nanhte gaw nye a amyu masha ni hpe lam woi shadam myit dai majaw, nanhte hta myihtoi shingran galoi mung mu lu sana myit dai n rai; hpa lam hta rai tim, nanhte myihtoi ga tsun lu na myit dai n rai,” nga nna tsun ai.

ZEHPANI 1:5

Kadai mung tinang nta ntsa de lung wa nna ajan, shata hte shagan ni hpe nawku nga ai ni hpe ngai jahten kau na we ai. Ngai hpe nawku daw jau ai hte ngai hta ga sadi dung nga na nga nna dagam da ai ni ngai kaw nna htak mat wa nhtawm Molek hpara a mying nsang hta ga shaka la ai ni hpe ngai shamyit kau na we ai.

MAHTE 10:27

Ngai nanhte hpe nsin kata e tsun dan ai lam hpe nhtoi hta e tsun dan mu: nanhte machyi shim ai hku na la ai lam hpe nta numgaw ntsa kaw nna ndau shana lu na rai myit dai.

ROMA 3:2

Lam shagu hta akyu grai nga ai! Shawng nnan e Yuda amyu masha ni gaw Karai Kasang a shingran ga hkam la lu ma ai.

TARA JAHPRANG 22:8

Nta ningnan gap ai shaloi numgaw grup grup hta makawp shinggang teng teng bang lu na rai ndai. Shing rai jang, marai langai ngai di hkrat si mat ti mung dai gaw na a lit rai na ra ai n rai.

TARA AGYI 18:23

shanhte hpe jahtau ma ai. Dan a masha ni mung kayin yu let Mihka hpe, “Hpa baw wa rai sata? Ndai masha uhpung mi hpa majaw hkan nang nga ma ta?,” ngu nna san ma ai.

1 SAMUELA 11:5

Ya Shawlu gaw shi a dumsu utang ni hte yi de na ya sha shang wa wu ai; shaloi shi gaw, “Hpa baw shut mat sata? Masha shagu gaw hpa majaw hkrap shajang nga myit ni?,” ngu nna san wu ai. Shaloi shanhte gaw Yabesha mare na kasa ni tang madun ai shiga hkap tsun dan ma ai.

1 SAMUELA 3:1

Ma Samuela gaw Eli a matsun madun ai hku dai Madu hpe daw jau nga ai dai prat e, dai Madu kaw na mungga ni nau wa n pru, shi kaw na shingran ni mung nau wa n du rai nga ai.