ESAIA 21:9 - Jinghpaw Common Language Bible 2009

⁹ Lahkawng yep yep rai gumra jawn ai ni ndai shara hta akajawng sha du mara ai. Sin langa gaw, “Babelon mung hkrat mat sahka! Shanhte nawku ai hpara sumla ni ga ntsa e ga gamang taw mat sai,” ngu nna shiga jaw wu ai.

Jinghpaw Hanson Version Bible

⁹ Yu u, hpyen luksuk ni hte gumra jawn ai ni man man du mara ai, nga nna hkanghkyi zawn shabam nga ai. Bai shi gaw, Babelon mare kadawng mat sai, kadawng mat sai; shi tawk da ai shi a hpara sumla ni yawng, ga hta agrawp kau ai hkrum masai,” nga ai.

ESAIA 21:9 ပူးပေါင်းရင်းမြစ်များ

ESAIA 13:19

Babelon mung gaw yawng hta tsawm htap htum ai mungdan rai nga ai; dai mungdan gaw de a mung masha ni a matu arawng lu nga ai. Rai ti mung dai Madu ngai gaw Sodom hte Gomora hpe galaw ai zawn Babelon hpe jahten kau na nngai!

ESAIA 14:4

Shi dai amu galaw ai shaloi, shanhte gaw Babelon hkawhkam wa hpe ashu let ning ngu tsun ma ai: “Gumshem ai hkawhkam gaw di hkrat mat nu hka! Shi gaw kadai hpe mung galoi mung bai dip gamyet sana ra ai n rai!

ESAIA 21:7

Marai lahkawng yep yep rai gumra jawn sa wa ai masha ni hte lawze ni hte gawla-uk ni hta jawn ai masha ni hpe shi mu ai rai yang, shi gaw shanhte hpe sadi maja ai hte maram yu nga u ga,” ngu nna tsun wu ai.

ESAIA 47:5

Dai Madu gaw Babelon hpe, “Atsin sha hte nsin e dung nga u; shanhte gaw nang hpe masha amyu baw ni a hkawhkam jan ngu nna, galoi mung tsun na mara ai n rai!

ESAIA 47:9

Rai ti mung lani jan na chyahkring mi na aten hta, ndai amu lahkawng byin wa na ra ai. Nang gaw mandan lakle hpaji mahkra lang ti mung, na a madu wa hte kashu kasha ni sum mat na mara ai.

ESAIA 48:14

“Nanhte yawng zup hpawng ai hte madat mu! Ngai lata da sai masha wa gaw Babelon hpe gasat na lam karai ni kadai mung tau tsun lu ma ai n rai; shi gaw ngai shi hpe galaw shangun mayu ai amu hpe galaw na ra ai.

YEREMIA 50:29

“Babelon mung hpe gasat na matu, ndan gap ai ni hpe tsun mu. Ndan chye lang, pala chye gap ai masha shagu hpe shangun dat mu. Dai mare kata na masha langai mi mung n hprawng lawt lu hkra, wang shinggrup da mu. Ndai masha ni gaw Israela a Chyoi Pra ai Wa ngu ai ngai hpe gumrawng gumtawng ai arawn alai shapraw dan manu ai majaw shanhte galaw ai hte maren bai tai mu, kaga masha ni hpe shanhte pagawn para di mu ai hte maren shanhte hpe mung di mu.

YEREMIA 50:38

Dai mung a ntsa e jan gri ai hte dai mung na hka nu ni hkun hkraw mat na ra ai. Babelon mung gaw hkrit hpa hpara sumla ni nga ai mung re, dai gaw mung masha ni hpe angawk angak di kau nga ai.

YEREMIA 50:42

Shanhte gaw shanhte a ndan ni hte nhtu ni hpe shaw da manu ai; shanhte gaw gumshem ai hte matsan n chye dum ma ai. Shanhte gumra ni jawn sa wa ma yang, dai nsen gaw panglai hka wu kadu ai zawn rai nga ai. Shanhte gaw Babelon hpe gasat na jin jin rai nga masai.

YEREMIA 50:9

Ngai gaw dingdung maga nga ai n-gun ja ai masha amyu baw hpung mi hpe wa shadut shalut dat ai hte Babelon mung hpe gasat shangun na nngai. Shanhte gaw dai mung na majan pa hta tsap dingren nga ai hte dai mung hpe dang la kau na mara ai. Shanhte gaw shanhte shading da ai shara hpe n shut n shai hkra gap lu ai kung kyang jaugawng ni hte ndan gap ai masha ni rai ma ai.

YEREMIA 51:27

“Gasat na matu masat dawnghkawn sharawt mu! Pahtau dum dat mu! Shaloi amyu baw ni na lu na mara ai! Babelon hpe gasat na amyu baw ni hpe hkyen da mu! Shi hpe gasat na matu Ararat, Mini, Ashkena mungdan ni hpe tsun mu. Woi gasat ningbaw na dap hpareng wa hpe san da mu. Dinggam-yaw zawn law nna kamawng ai hpyen gumra ni hpe woi lung wa mu.

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

YEREMIA 51:47

Babelon a hpara sumla ni hte ngai hkrum kadup na aten du ra ai. Shaloi mungdan ting gaw jahpoi jahpyak ai hkrum nna mung masha ni yawng sat kau ai hkrum na mara ai.

YEREMIA 51:52

Dai rai nna, Ngai gaw Babelon hpara sumla ni hte hkrum kadup na aten du ra ai rai nna, hkala nba hkrum ai ni gaw mungdan ting hta madai sharung na mara ai, ngu nna ngai tsun ai.

YEREMIA 51:64

‘Dai Madu gaw Babelon mung a ntsa e jahten shaza ai amu shabyin na ra ai majaw, dai laika shabawn lup mat nna, galoi mung bai waw lung wa na ra ai n rai. Dai lam Babelon mung hta byin wa na ra ai,’” ngu nna tsun wu ai. Yeremia a mungga ni ndai yang e htum sai.

YEREMIA 51:8

Babelon mung gaw akajawng sha kadawng daw mat ai hte hten run mat sahka! Shi a matu sharung shayawt nga mu! Shi a hkala nba hpe shamai shatsai ya lu dam nhten, tsi hkrung tsi nan la wa marit.

SHINGRAN 14:8

Bai, lahkawng ngu na lamu kasa langai mi gaw, shawng na lamu kasa a hpang hprut dan pru nna, “Babelon mare kaba kadawng daw mat sai! Kadawng daw mat sai! Dai mare gaw hpye ai amu hta myit kayut ai ngu ai nsa ja sabyi ntsin masha amyu baw shagu hpe lu shangun nu ai!,” nga nna tsun nga ai.

SHINGRAN 18:2

Dai wa gaw nsen kaba hte, “Galu Kaba ai Babelon mare kadawng mat sai! Kadawng mat sai! Dai shara kaw ya nat tsasam ni de nga ai shara, n san n seng ai wenyi shagu a shingwung shara hte n san n seng matsat shabat re ai u amyu myu a shingbyi shara tai mat sai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.