ESAIA 21:4 - Jinghpaw Common Language Bible 2009

⁴ Nye a baw sin mat li ai, ngai gaw hkrit gari nga nngai. Ngai gaw shana de du wa na matu la kau ni ai, rai ti mung dai gaw hkrit kahpra ai hta jan nna nye a matu kaman lila rai nga ai.

Jinghpaw Hanson Version Bible

⁴ Nye a salum aduk nga ai; hkrithpa hte ngai kajawng nngai; ngai marit ai shana nrim, nye a matu hkrit kahpra ai hkrai shapraw nga ai.

ESAIA 21:4 ပူးပေါင်းရင်းမြစ်များ

1 HKAWHKAM 1:49

Dai hpang Adoniya a manam ni hkrit mat ma ai rai nna shanhte yawng rawt nhtawm tinang lam ang ai de pru mat wa ma ai.

ESHTA 5:12

Haman gaw, “Dai hta grau nna hkawhkam jan Eshta pyi kadai hpe mung n hkyen ya ai lusha poi hkawhkam wa hte ngai hpe lajang jaw nga ai. Hpawt ni mung nhtang sa wa na an saw shaga da hkrum nga ga ai.

SHAKAWN KUNGDAWN 55:5

Ngai gaw nau hkrit gari mat ai majaw ging mat ni ai; ngai gaw kajawng kaja re ai hte htinggrum da ai hkrum nga nngai.

SHAKAWN KUNGDAWN 55:6

Hkrudu zawn singkaw tu na hpe ngai kade sha marit nga nngai. Hkrudu zawn singkaw tu taw gaw tsan tsan de pyen hkawm mat wa nna ban sa lu na nngai.

YEREMIA 4:19

Machyi ai law! Ngai gaw dai machyi ai hpe n hkam lu nngai! Nye a myit masin! Nye a myit masin ja ja htuk htak nga li ai! Ngai atsin sha nga lu ai n rai; Ngai gaw pahtau dum ai nsen hte majan a jahtau garu ai nsen hpe na nngai.

YEREMIA 51:39

Shanhte gaw lawhpa myit marin nga ma ni? Ngai gaw shanhte a matu lusha poi langai mi hkyen lajang ya nna shanhte hpe kabu gara lu nang shangun na nngai. Shaloi, shanhte yup pyaw mat wa nna galoi mung hprang wa na mara ai n rai.

YEREMIA 51:57

Ngai gaw dai mung na du ni, hpaji rawng ai masha ni, ningbaw ni hte hpyenla ni hpe chyaru shanang na nngai. shanhte gaw yup pyaw mat wa nna galoi mung hprang na mara ai n rai. ngai hkawhkam wa nan tsun ni ai; Ngai gaw chyahtum Chyalai N-gun rawng ai dai Madu rai nga nngai.

Daniela 5:1

Lana mi na aten hta, Hkawhkam Belshaza gaw du magam hkying mi hpe hkik hkam ai lusha poi kaba de sa na matu saw shaga dat wu ai; shanhte gaw rau sha sabyi ntsin jawm lu nga ma ai.

Daniela 5:30

Babelon Hkawhkam Belshaza chyawm gaw dai shana jang sat kau ai hkrum nna,

Daniela 5:5

Masha langai mi a lata akajawng sha dan pru wa nhtawm pyengdin ni hta grau htoi kabrim nga ai hkawhkam htingnu na engade chya da ai shakum hta ka hpang wa nga ai. Hkawhkam wa gaw laika ka nga ai lata hpe mu dat wu ai.

NAHUM 1:10

Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

TARA JAHPRANG 28:67

Nanhte a myit masin gaw nanhte mu ai lam magup hta hkrit ai myit hte adawt hkra nga nhtawm, jahpawt shagu, shana du na hpe, shana de shagu jahpawt du na hpe marit nga na rai myit dai.

TARA JAHPRANG 32:11

Galang gaw shi a ulung ni hpe pyen sharin na matu, singkaw kahpyan nhtawm de a ntsa e shalen nna shim ai hku awn la ai zawn, dai Madu mung Israela hpe hkrat mat ai kaw na makawp maga la nga ai.