ESAIA 21:2 - Jinghpaw Common Language Bible 2009

² Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

Jinghpaw Hanson Version Bible

² Hkrithpa shingran ngai mu nngai; myit magaw ai wa gaw, magaw ai hku galaw nga ai, jahten shabyak ai wa gaw jahten shabyak nga ai; Elam masha ni e, lung wa mu; Medi masha ni e, wang tawn mu: dai mare a majaw madai ai lam yawng, ngai jasim kau we ai.

ESAIA 21:2 ပူးပေါင်းရင်းမြစ်များ

NINGPAWT NINGHPANG 10:22

Shem a shadang sha ni gaw Elam, Ashura, Arhpaza, Luda hte Aram ni rai nna shanhte a mying ni hta hkan nna pra nga ai amyu masha ni a kaji kawa ni tai wa nga masai.

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

SHAKAWN KUNGDAWN 119:158

Gumle gumlau re ai ni na a hkang da ai ga ni hpe n hkan nga ma ai hpe, ngai mu ai shaloi, ngai yu matsat nga nngai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 25:3

Nang hpe kam hpa ai ni hta sum ai lam n hkrum nga ai; nang hpe gumlang ai ni a ntsa e chyawm gaw tin tin du nga ai.

SHAKAWN KUNGDAWN 60:3

Nang gaw na a amyu masha ni hpe nni nkri laja lana hkam sha shangun nit dai; anhte gaw chyaru nang ai ni zawn, ndi nda kayin hkawm nga ga ai.

SHAKAWN KUNGDAWN 79:11

Bawng dung masha ni a madai ai nsen ni hpe madat ya u; si ari daw dan hkrum nga ai ni hpe, na a kaba la ai daru magam n-gun hte shalawt dat u.

GA SHAGAWP 13:15

Zai byeng-ya hpaji gaw hkungga lara ai hpe lu la shangun ti mung; kam hpa n lu ai ni chyawm gaw hten byak na lam de sa wa nga ma ai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 14:4

Shi dai amu galaw ai shaloi, shanhte gaw Babelon hkawhkam wa hpe ashu let ning ngu tsun ma ai: “Gumshem ai hkawhkam gaw di hkrat mat nu hka! Shi gaw kadai hpe mung galoi mung bai dip gamyet sana ra ai n rai!

ESAIA 14:7

Ya chyawm gaw, hpang jahtum e, mungkan ga ting gaw bansa ai hte ngwi pyaw sim sa lam hta kabu gara nga ai, masha shagu gaw kabu gara ai hte mahkawn mangoi nga ma ai.

ESAIA 22:6

Elam mung na hpyenla ni gaw ndan pala ni hpe lang nna gumra jawn sa wa nga ma ai. Kira mung na hpyenla ni gaw shanhte a ninggang ni hpe jin jin di da nga masai.

ESAIA 24:16

Anhte gaw mungkan ga a jahtum htum ai shara kaw nna ding hpring amyu baw rai nga ai Israela a shakawn kungdawn ai mahkawn mangoi ni hpe na wa na ga ai. Rai ti mung nye a matu myit mada shara hpa n nga nga ai! Ngai gaw n-gun lagaw angwi ngwi sha yawm mat wa nga nngai! Gumle gumlau ai ni gaw matut gumlau ai hte myit magaw ai ni gaw grau grau nna sawng wa nga ai.

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 47:6

Ngai gaw nye a amyu masha ni hpe masin pawt ni ai; ngai gaw shanhte hpe nye a matu zawn kachyi mi mung n sawn ai sha di kau ni ai: Ngai gaw shanhte hpe na a daru magam n-gun npu hta tawn da ni ai, nang shanhte hpe matsan dum myit n madun ndai, asak kaba sai ni hpe pyi laja lana di nga ndai.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

YEREMIA 31:25

Ngai gaw hki ba hkrum ai ni hpe n-gun nnan awai ya nhtawm kawsi hpang gara hkrum nna n-gun kya nga ai masha shagu hte hpe lusha hte jahkru shakat ya na nngai.

YEREMIA 45:3

nang gaw, ‘Ngai asum jaw ni ai! Dai Madu gaw nye a ru tsang ai hta yawn hkyen ai mung kahtap jaw ni ai, ngai gaw yawn madai ai hte hki ba nga nngai, ban sa la na lam hpa mung ngai n mu lu nngai!,’ nga nna tsun nga ndai.

YEREMIA 49:34

Yuda Hkawhkam Zedekia hkaw dung ai kade n na ai hpang, Chyahtum Chyalai N-gun rawng ai dai Madu gaw Elam mung hte seng nna ngai hpe tsun ai.

YEREMIA 49:35

Shi gaw, “Elam hpe n-gun atsam shaja ya ai ndan gap masha ni hpe ngai sat kau na we ai.

YEREMIA 50:14

“Ndan gap ai ni e, Babelon hpe gasat na matu dai mare hpe wang shinggrup nna tsap dingren nga mu. Dai mare gaw ngai hpe gumlau ai hte yubak galaw shut manu ai majaw nanhte a ndan pala mahkra hte Babelon hpe gap mu.

YEREMIA 50:34

Rai ti mung, shanhte hpe hkye mawai la ai wa gaw n-gun rawng nga ai wa rai nna, shi a amying gaw Chyahtum Chyalai N-gun Rawng ai dai Madu rai nga ai. Shi hkum nan shanhte a amu hpe lit la nna, mungkan ga de ngwi pyaw sim sa lam jaw ya na ra ai, rai ti mung, Babelon masha ni hpang de gaw ru yak tsin-yam tsindam rai na ra ai,” ngu nna tsun ai.

YEREMIA 51:11

Dai Madu gaw Babelon mung hpe shamyit kau na matu shatawng shada da nu ai majaw shi gaw Medi hkawhkam ni a myit hpe jasu ya nu ai. Dai gaw shi a Nawku Htingnu hpe jahten shaza kau ya ai a matu matai htang ai lam rai nga wu ai. Gasat na du salang ni gaw, “Nanhte a pala ni hpe mayoi da mu! Nanhte a hpyen ninggang ni hpe jin jin galaw da mu!

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

YEREMIA 51:53

Babelon gaw sumsing lamu de lu lung nna dai yang e n-gun ja ai hpyen dap lu gap tim pyi, dai hpe jahten kau na matu masha ni hpe ngai naw shangun na nngai. Dai Madu ngai nan tsun ni ai.”

SHARUNG SHAYAWT 1:22

“Shanhte a n hkru ai amu yawng a matu shanhte hpe daw dan u; Nye a shut hpyit ai yubak ni a majaw nang ngai hpe ari jaw ndai zawn, shanhte hpe ari jaw u. Ngai gaw nchyi nmu hkrum ai hte madai sharung nga nngai; ngai myit machyi nga nngai.”

Daniela 5:28

Ga karan mat ai: Na a mungdan gaw ga karan mat nna Medi hte Persi masha ni a lata de ap kau nu ai.”

Daniela 5:9

Hkawhkam Belshaza myit ru myit yak hkrum mat ai hte myi man grau hten mat wa wu ai; shi a du magam ni hpa gan galaw na n chye myit mat ma ai.

Daniela 8:2

Dai shingran hta, Elam mungdaw na bunghku kum ai Susa mare hta nye hkum hpe ngai akajawng sha mu nngai. Ulai hka nu makau e ngai tsap nga yang,

Daniela 8:20

“Nang mu ai nrung lahkawng tu ai sagu la gaw Medi hte Persi mungdan ni rai nga ai.

SHINGRAN 13:10

Rim la ai hkrum na wa gaw rim la ai teng teng hkrum na ra ai; nhtu hte sat ai wa mung, nhtu hte si na ra ai. Ndai lam a majaw, Karai Kasang a masha ni gaw hkam sharang ai hte makam masham rawng na mara ai.”

1 SAMUELA 24:13

Moi na ga malai hta, ‘N hkru ai amu hpe n hkru ai masha ni chyu sha galaw ma ai,’ ngu nna tsun ai ga hpe mung nang chye nga ndai; dai rai nna nang hpe ngai n machyi hkra na de ai.