ESAIA 21:13 - Jinghpaw Common Language Bible 2009

¹³ Ndai gaw Arabi hte seng ai mungga rai nga ai. Dedan masha ni e, nanhte gaw Arabi mung a hkun hkraw ai shara hta hpaga dabang hku but nga myit dai,

Jinghpaw Hanson Version Bible

¹³ Arabi mung hta ang ai myihtoi ga: Dedan mung na hpaga ga ai ni e, nanhte gaw Arabi mung na nam mali hta but nga na myit dai.

ESAIA 21:13 ပူးပေါင်းရင်းမြစ်များ

NINGPAWT NINGHPANG 10:7

Hkusha a matu mara ni gaw Seba, Hawila, Saphta, Rama hte Sabhtahka amyu masha ni rai nga ai. Rama a matu mara ni gaw Sheba, hte Dedan amyu masha ni rai ma ai.

NINGPAWT NINGHPANG 25:3

Yokshan gaw Sheba hte Dedan yan a kawa rai nna, Dedan a matu mara ni gaw Ashurim, Letushim hte Leumim ni rai ma ai.

1 HKAWHKAM 10:15

dai hta kaga hpaga ga ai masha ni kaw na hta la lu ai ahkun ni, hpaga amyat ni hte Arabi hkawhkam ni hte Israela ginwang ni hpe up hkang ai mung du ni sak jaw ai shagrau kumhpa ni naw lawm nga ai.

1 HKAWHKAM LABAU 1:32

Abraham gaw Ketura mying ai lashi num langai lu nga ai; shi gaw shadang sha kru shangai ya wu ai, dai ni gaw Zimran, Yokshan, Medan, Midian, Ishbak, hte Shua ni rai nga ai.

1 HKAWHKAM LABAU 1:9

Hkusha amyu matu ni gaw Seba, Hawila, Saphta, Rama hte Sabhtahka masha ni rai ma ai. Rama amyu matu ni gaw Sheba hte Dedan masha ni rai ma ai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 13:20

Kadai mung dai shara e galoi mung bai nga lu na n rai. Bu hkawm nga ai Arab masha ni mung dai shara hkan shanhte a sum gap sana ma ai n rai, sagu rem ai ni mung dai yang e sagu rem sana ma ai n rai.

ESAIA 21:12

Ngai gaw, “Jahpawt manap gaw du wa ra ai, rai ti mung shana bai du na ra ai. Nang bai san mayu ai rai yang, nhtang sa wa nna san u,” ngu nna htan we ai.

YEREMIA 49:8

Dedan masha ni e, kayin mat wa nna hprawng mu! Makoi gyem nga mu! Esaw a aru arat ni hpe ari jaw na aten du sai majaw, ngai gaw shanhte hpe jahten kau na nngai.

EZEKELA 27:15

Dedan masha ni gaw nang hte hpaga ga ma ai; zunlawng law law na masha ni mung nang hte gun rai galai hkat na matu magwi kawng hte hpun chyang dut ya ma ai.

GALATI 4:25

Hagara gaw Arabi mung e nga ai Sina bum a malai tai nga ai. Shi gaw ya mayam tai nga ai Yerusalem mare hte mare masha ni a matu kumla tai ya nga ai.