ESAIA 21:12 - Jinghpaw Common Language Bible 2009

¹² Ngai gaw, “Jahpawt manap gaw du wa ra ai, rai ti mung shana bai du na ra ai. Nang bai san mayu ai rai yang, nhtang sa wa nna san u,” ngu nna htan we ai.

Jinghpaw Hanson Version Bible

¹² Sin ai wa gaw, Jahpawt manap du ra ai; shana mung bai du ra ai; nanhte bai san mayu yang, jasan mu; nhtang wa manu, bai sa marit,” nga ai.

ESAIA 21:12 ပူးပေါင်းရင်းမြစ်များ

ESAIA 17:14

Shanhte gaw shana de e hkrit kajawng hpa shabyin dat ma ai, rai ti mung jahpawt manap e, shanhte hkoi mat ma ai. Dai gaw anhte a mung hpe hpya lu hpya sha ai masha shagu hte a hpang jahtum na lam rai nga ai.

ESAIA 21:11

Ndai gaw Edom hte seng ai mungga rai nga ai. Marai langai mi gaw Edom mung kaw nna ngai hpe, “Sin langa wa e, Shana gaw kade na jang lai mat wa na rai nga a ta? Dai gaw kade na yang lai mat wa na lam, ngai hpe tsun dan e,” ngu nna shaga nga ai.

ESAIA 21:13

Ndai gaw Arabi hte seng ai mungga rai nga ai. Dedan masha ni e, nanhte gaw Arabi mung a hkun hkraw ai shara hta hpaga dabang hku but nga myit dai,

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

YEREMIA 50:27

Shanhte a hpyenla yawng hpe sat kau mu! Shanhte hpe sat sharu kau mu! Babelon masha ni gaw tara daw dan ai hkrum nga manu ai! Shanhte hpe ari jaw na aten du nga sai!,” ngu nna tsun ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

EZEKELA 7:10

Tsin-yam tsindam nhtoi gaw du ra ai. Kashun kashe du daw sai hkaw amu gaw prut gumjawm lung wa nga ai. Gumrawng gumtawng ai mung tsaw dik sai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

OBEDIA 1:1

Ndai gaw Tsaw Htum ai Madu, Edom masha ni hte seng nna tsun ai Obadia a myihtoi ga rai nga ai. Dai Madu gaw masha amyu baw ni hpang de shi a kasa hpe shangun dat wu ai rai nna, anhte gaw ning nga tsun ai shi a mungga hpe na saga ai: “Jin jin rai nga mu! Edom hpe majan gasat na matu rawt sa saga!.”