ESAIA 20:6 - Jinghpaw Common Language Bible 2009

⁶ Dai aten du ai shaloi, Hpilisti mung panglai hkin-gau mayan hku shanu nga ai masha ni gaw, ‘Asuri hkawseng kaw nna anhte hpe makawp maga la na matu anhte kam hpa nga ai amyu masha ni hta hpa baw byin nga sai hpe, yu yu mu! Anhte kaning rai hkrung nga lu na rai nga ga ta?,’” nga nna tsun na mara ai.

Jinghpaw Hanson Version Bible

⁶ ndai nammukdara hkin-gau e dè nga ai amyu ni gaw, Yu mu, Asuri hkawhkam kaw na hprawng lawt lu hkra, anhte myit hpa ai gaw, ndai rai nga ai; ya anhte kaning rai lawt lu na ga ta? nga nna dai aten e tsun shajang na mara ai,” nga ai.

ESAIA 20:6 ပူးပေါင်းရင်းမြစ်များ

YOBA 22:30

Nang gaw mara n kap ai sha nang galaw ai amu jaw ai rai yang, shi nang hpe hkye mawai la na ra ai.

YOBA 6:20

rai ti mung dai hkun hkraw ai hka shi ni a makau du jang, shanhte myit htum mat ma ai.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

ESAIA 28:17

Teng man rap ra ai gaw npawt nhpang a matu shadawn sumri tai na ra ai, ding man ai gaw de a joi si sumri rai na ra ai,” ngu nna tsun ai. Sin marang gaw nang manoi nga ai masu magaw ga mahkra hte hpe ye magawn mat wa nhtawm, mawru hka hpungla gaw nanhte a shim lum ai nga shara hpe agre jahten kau ya na ra ai.

YEREMIA 30:1

Dai Madu Israela a Karai Kasang gaw

YEREMIA 30:7

Hkrit hpa nhtoi gaw du magang wa ra ai; dai hte shadawn lu ai kaga nhtoi mi n nga nga ai- nye a amyu masha ni a matu ru yak tsin-yam tsindam aten rai nga ai, rai ti mung, shanhte naw ngam nga na mara ai.”

YEREMIA 31:1

Dai Madu gaw, “Ngai gaw Israela amyu bawsang ni yawng a Karai Kasang tai nna, shanhte gaw nye a amyu masha ni tai wa ai shaloi dai aten gaw du wa na ra ai.

YEREMIA 4:30

Yerusalem e, nang gaw hten run mat nit hka! Nang gaw hpa majaw hkyeng mang ai hpun palawng hpun n ta? Nang gaw hpa majaw ja rai sumli nna na a myi ni hpe tsi chya shatsawm da wu ni? Nang gaw na a hkum hpe kaman lila a matu shatsawm nga ndai! Na a sumtsaw ni nang hpe ningdang kau manu ai, nang hpe sat kau mayu ma ai.

YEREMIA 47:4

Hpilisti hpe shamyit kau na matu mung, Turu mung hte Sidon mung kaw na naw ngam nga ai karum la lam yawng hpe dan di kau na aten gaw du nga sai. Dai Madu ngai nan Hpilisti masha ni hpe mung, Kreti zunlawng hka kau hkan na du sa ai ni yawng hpe mung, jahten shaza kau na nngai.

MAHTE 23:33

Lapu ni e, puhtum amyu kashu kasha ni e, ngarai mung a ari hta na, nanhte kaning rai lawt lu na myit ta?

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.