ESAIA 20:5 - Jinghpaw Common Language Bible 2009

⁵ Ehtiopi mung hpe kam hpa ai ni hte Egutu mung hte seng nna shakawng gumrawng ai ni gaw mak mat na mara ai, shanhte a myit mada ai lam ni mung gamang mat na mara ai.

Jinghpaw Hanson Version Bible

⁵ Shing rai shanhte gaw, tinang myit hpa shara Hkusha hte, tinang a arawng ngu ai Egutu a lam mau mahka nna mak mat ai hte,

ESAIA 20:5 ပူးပေါင်းရင်းမြစ်များ

2 HKAWHKAM 18:21

Nang hpe karum la na matu Egutu hpe nang la dingda nga n hka gaw! Rai ti mung dai gaw mai-aw hpe lam hkawm dawhkrawng zawn lang ai hte bung nna dai gaw daw mat ai hte na a lata hpe ju htinggrang ya na ra ai. Shi hpe marai langai ngai kam hpa wa ai shaloi dai gaw Egutu hkawhkam wa zawn hkrum sha na lam rai nga ai,” ngu nna tsun dan wu ai.

ESAIA 2:22

Si chye ai shinggyim masha ni hta hkum kam hpa nga et. Shanhte hpa tai nga ma ta?

ESAIA 30:3

Rai ti mung, shanhte hpe karum la na matu hkawhkam wa hta daru magam n-gun n rawng mat na ra ai, Egutu a makawp maga lam gaw ru yak tsin-yam tsindam kata hta htum mat na ra ai.

ESAIA 30:5

Yuda amyu masha ni gaw karum la lam a matu shanhte myit mada nga ma yang, shanhte galoi mung akam nga ai amyu baw gaw n mai kam hpa sai, shanhte hpe karum la na lam n jaw lu sai amyu baw rai nga sai majaw lahpawt dum wa na mara ai.”

ESAIA 30:7

Egutu jaw ai karum la lam gaw kaman lila rai nga ai. Dai rai nna ngai gaw Egutu mung hpe, ‘Atuk N Rawng Ai Baren,’ ngu nna shamying na we ai.”

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 36:6

Nanhte gaw nanhte hpe karum la na matu Egutu hpe myit mada nga myit dai, rai ti mung dai gaw mai-aw hpe dawhkrawng zawn lang ai hte bung na ra ai. Dai gaw daw mat nna na a lata hpe ju htinggrang ya na ra ai. Dai gaw Egutu hkawhkam wa kaw shamyet shanat ai ni kadai hta mung dai zawn hkrum hkra na ra ai,” ngu nna hkang dat wu ai.

ESAIA 36:9

Nanhte gaw nem htum ai Asuri du salang hte pyi n lu shabung ai mi, Egutu masha ni nanhte hpang de hpyen leng ni hte jawn gumra ni shangun dat ya na myit mada nga myit ni?

ESAIA 37:9

Ehtiopi Hkawhkam Tirhaka gaw Egutu hpyen luksuk woi nna shanhte hpe gasat na matu lung wa nga ai shiga Asuri masha ni kaw hkrang pru wa nga ai. Asuri hkawseng wa dai shiga na ai shaloi, shi gaw Yuda Hkawhkam Hezekia hpang de ning ngu ai laika langai shana dat wu ai.

YEREMIA 17:5

Dai Madu gaw, “Ngai kaw na kayin mat wa ai masha ni hte shinggyim masha ni hte si chye ai masha a n-gun hta kam hpa nga ai ni hpe ngai daw dan na we ai.

YEREMIA 46:25

Chyahtum Chyalai N-gun rawng ai dai Madu Israela a Karai Kasang gaw Amon hpara ngu ai Htebe hpe mung, Egutu mung hte dai mung na hpara ni hte hkawhkam ni hpe mung rau hpawn ari jaw na ra ai. Ngai gaw Egutu hkawhkam hte shi hta kam hpa shamyet shanat nga ai ni yawng hpe woi la nna,

EZEKELA 29:16

Israela gaw shi hpe karum la na matu shanhte hpe galoi mung bai shamyet shanat na mara ai n rai. Egutu hpe kam hpa ai gaw kade sha shut nga sai lam, shanhte hta byin ai maka hpe yu nna Israela hpe myit dum shangun na ra ai. Ngai nan Tsaw Htum ai Madu rai nga ai hpe Israela ni chye lu na mara ai,” ngu nna tsun wu ai.

NAHUM 3:9

Shi gaw Ehtiopi hte Egutu mung hpe up hkang nga ai, shi a daru magam n-gun shadaw shadang n nga nga ai; Libya gaw shi a myit hkrum manang mungdan rai nga ai.

ZEHPANI 2:12

Dai Madu gaw Ehtiopi masha ni hpe mung si wa na myit dai, ngu wu ai.

1 KORINHTU 3:21

Dai re ai majaw, kadai rai ti mung, masha e galaw lu ai atsam hta hkum gumrawng nga u ga. Kaja wa nga yang, yawng mayawng hte hpe nanhte madu nga myit dai.