ESAIA 20:2 - Jinghpaw Common Language Bible 2009

² Dai Madu gaw masum ning jau kaw nna Amot a kasha Esaia hpe shi a kyepdin ni hte shi hpun nga ai lachyit hpun nba raw kau na matu tsun nu ai. Shi madat mara ai hte singgu krin, kyepdin n din ai sha hkawm kayin nga ai.

Jinghpaw Hanson Version Bible

² Yehowa gaw Amot a kasha Esaia hpe, “Sa su, na nshang na lachyit nba hte, na kyepdin raw kau u,” nga nna tsun ai hte maren, shi galaw nna, singgu krin, kyepdin n din ai, hkawm nga ai.

ESAIA 20:2 ပူးပေါင်းရင်းမြစ်များ

2 SAMUELA 15:30

Dawi mung yawn hkyen ai kumla hte shi a baw htinggrum nna kyepdin raw kau nhtawm hkrap let, Tsanlun Bum de lung wa wu ai. Shi a hpang hkan ai masha ni yawng mung shanhte a baw ni htinggrum nhtawm hkrap let shi kaw hkan nang nga ma ai.

2 SAMUELA 6:20

Dai hpang Dawi gaw shi a nta masha ni hpe shakram la na nga, nta de shang wa wu yang, Mihkala pru wa nhtawm shi hpe hkap tau la wu ai. Shi gaw, “Dai ni na nhtoi hta Israela hkawhkam gaw shi hkum a matu amying kaba dan hkung hkra galaw kau nu hka! Shi gaw shi a hkum hpe shi a du salang ni a shangun ma numsha ni a man e mana langai zawn madun dan nga nu hka!,” ngu nna tsun wu ai.

2 HKAWHKAM 1:8

Shanhte gaw, “Dai wa gaw yam nga ahpyi hte galaw ai palawng galu hpe hpun nhtawm shanhpyi shingkyit langai kyit da nga ai,” ngu nna htan mu ai. Shaloi hkawhkam wa gaw, “Dai gaw Elia n rai a hka!,” ngu nna tsun wu ai.

SHAKAWN KUNGDAWN 30:11

Nang gaw nye a yawn hkyen ai hpe kabu gara ka gumlawt ai hte galai ya nit dai; nye a myit yawn ai lam hpe nang la kau ya nna, kabu gara ai hte ngai hpe shinggrup da ya nit dai.

PRU MAT 3:5

Karai Kasang gaw, “Nang de kachyi mi mung hkum sit shanang sa nga et. Nang gaw chyoi pra ai ga ntsa e tsap nga ndai majaw na a kyepdin raw kau u.

ESAIA 1:1

Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 37:2

Shi gaw hkawhkam htingnu hpareng rai nga ai Eliakim, hkaw wang amu madu Shebna hte myit su hkinjawng salang ni hpe Amot a kasha Esaia hpang de shangun dat wu ai. Shanhte yawng gaw lachyit nba hpun ma ai.

YEREMIA 48:37

Shanhte yawng gaw kara shangun kau ma ai; shanhte a nhka mun ni hpe mung shangun ma ai. Shanhte yawng gaw shanhte a lata ni hpe jahpye kau nhtawm marai hkum shagu lachyit nba hpun ma ai.

EZEKELA 24:17

Na a hkrap sharung ai nsen hpe hkum na shangun nga et. Sharung shayawt ai kumla zawn bunghkaw n hkaw ai hte lagaw kaman hte hkum hkawm et. Na a myi man hkum magap et; sharung shayawt ai ni sha ai lusha hkum sha et,” ngu nna tsun wu ai.

EZEKELA 24:23

Nanhte gaw bunghkaw n hkaw ai hte, lagaw kaman hte hkawm na myit dai n rai; hkrap ngu hkrap ngoi ai hte sharung shayawt na myit dai n rai. Nanhte gaw tinang a yubak mara ni a majaw agyawm mat nna langai hte langai madai sharung na myit dai.

EZEKELA 4:1

Karai Kasang gaw, “Si chye ai masha wa e, wut tawng langai la nna dai hpe na a man e tawn u, de a ntsa e Yerusalem mare hkrang shapraw ai sumla hpe mahkret soi u.

MIHKA 1:11

Shahpira mare masha ni e, kaya kahpa hte singgu krin rai nna, bawng dung sa wa masu. Zanan mare hta shanu nga ai ni shanhte a mare shinggan de n pru gwi nga ma ai. Betezela mare masha ni a sharung shayawt ai nsen hpe nang na ai shaloi, dai shara hta shingbyi shara n nga ai hpe nang chye na rin dai.

MIHKA 1:8

Dai hpang, Mihka gaw, “Ndai lam a majaw, ngai gaw sharung shayawt ai hte yawn madai nga nngai. Nye a yawn hkyen ai hpe madun dan na matu, lagaw kaman hte singgu krin hkawm kayin na nngai. Ngai gaw ga gwi zawn hkrap shabam nna u gawla-uk zawn ngoi na nngai.

ZEHKARIA 13:4

Dai aten du jang, myihtoi kadai mung shi a shingran hta gumrawng lu na n rai; myihtoi langai zawn galaw lu na n rai, amyu masha ni hpe masu hkalem na nga, myihtoi hpun palawng hpun lu na n rai.

MAHTE 16:24

Dai hpang Yesu gaw sape ni hpe, “Ngai hpang de sa wa mayu ai wa kadai rai ti mung, tinang hkum hpe nyet kau lu na rai nna, shi a wudang hpai let, ngai kaw hkan nang ru ga,

MAHTE 3:4

Dai Yawhan gaw, gawla-uk mun hte da ai nba hpe bu hpun nna shanhpyi shingkyit hpe nshang e kyit da nga ai. Shi a lusha gaw, dinggam-yaw hte nam na lagat ntsin rai nga lu ai.

YAWHAN 21:7

Shaloi Yesu tsaw ra ai sape gaw, “Madu she rai nga ai!,” ngu nna Petru hpe tsun wu ai. Madu she rai nga ai, nga ai ga hpe Petru na jang, (shi singgu krin rai nga ai majaw) ntsa palawng hta lawai nna, hka de gumhtawn bang wu ai.

KASA 19:16

Dai n hkru ai nat shung ai wa mung shanhte a ntsa e gumjawt gamyet nna, aja awa kamu anut ai hte dang manga kau mu ai. Dai rai nna shanhte gaw ahpye alam rai bu hpun palawng ni ashep ashin rai nna nta kaw na hprawng pru mat wa ma ai.

KASA 21:11

Shi anhte kaw shang nna Pawlu a shingkyit la nhtawm, shi dai shi a lagaw lata gyit nna, “Chyoi pra ai Wenyi ning nga tsun nga ai, ndai shingkyit madu hpe Yuda masha Yerusalem mare e ning di gyit nna, maigan amyu ni a lata de ap kau na mara ai da,” nga nna tsun ai.

YAWSHU 5:15

Dai Madu a hpyen luksuk hpe up hkang ai dap up wa gaw shi hpe, “Na a kyepdin raw kau u; nang gaw dai chyoi pra ai ga ntsa e tsap nga ndai,” ngu nna tsun wu ai. Yawshu mung shi tsun ai hte maren galaw wu ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

1 SAMUELA 19:24

Shi gaw shi a bu hpun palawng ni hpe raw kau nhtawm Samuela a man e ka let jahtau garu wu ai; dai shani tup, dai shana tup, hpun palawng n kap ai sha taw nga ai. (Dai re ai majaw, “Shawlu mung myihtoi tai yu sani?,” nga nna npawt gawn tsun shalai ma ai.)