ESAIA 2:9 - Jinghpaw Common Language Bible 2009

⁹ Masha shagu hte gaw shagrit kau ai hte sari jahpoi kau ai hkrum na mara ai. Madu e shanhte hpe mara hkum dat ya et!

Jinghpaw Hanson Version Bible

⁹ Dai rai nna, ga ntsa masha gaw gum dagup nna, shinggyim masha gaw dingnyawm nga ai majaw, nang shanhte a mara hpe raw dat kau ya mu ai n rai.

ESAIA 2:9 ပူးပေါင်းရင်းမြစ်များ

NEHEMIA 4:5

Shanhte galaw ai n hkru ai amu a matu, mara hkum dat ya et. Shanhte gaw bunghku galaw nga ai anhte hpe n kaw n law di mani ai majaw shanhte a yubak mara ni hpe hkum malap kau et,” ngu nna hpyi se ai.

SHAKAWN KUNGDAWN 49:2

galu kaba ai hte kaji kadun nga ai ni, sut su ai ni hte matsan mayan masha ni n nga, yawng hte e, madat la mu.

SHAKAWN KUNGDAWN 59:5

Chyahtum Chyalai n-gun rawng ai Madu Karai Kasang e, rawt u, ngai hpe karum la na sa rit; Israela a Karai Kasang e, nang hkum nan yu yu u! Rawt nna maigan masha ni hpe ari jaw u: gumle gumlau sadi n dung ai masha ni hpe matsan dum ai myit hkum madun nga et!

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 5:15

Masha shagu hte gaw sari jahpoi hkrum na mara ai, gumrawng gumtawng ai ni yawng hte gaw shagrit kau hkrum na mara ai.

ESAIA 5:16

Rai ti mung Chyahtum Chyalai N-gun rawng ai dai Madu gaw teng man ai amu galaw let shi a galu kaba ai lam hpe madun dan nga ai, shi gaw shi a amyu masha ni hpe tara jeyang ai hku nna shi a chyoi pra ai lam hpe hpaw dan nga ai.

ESAIA 57:9

Nanhte gaw tinang hkum hta manam hawm ai baw hte sau ni chya nhtawm Molek karai hpe nawku na matu sa wa myit dai. Karai ni hpe tam nna nawku na matu nga, nanhte gaw tsan ai shara, katsan ga du hkra pyi kasa ni hpe shangun nga myit dai.

YEREMIA 18:23

Rai ti mung, Madu e, ngai hpe sat na matu shanhte a maw mawn ai lam yawng hte hpe nang chye nga ndai. Shanhte a n hkru ai amu hpe mara hkum raw ya et; shanhte a yubak hpe mung hkum dat ya et. Shanhte hpe hkrat sum shangun u; nang pawt sindawng nga yang, shanhte hpe daw dan u,” ngu nna hpyi lajin se ai.

MARKU 3:29

Rai ti mung, dai Chyoi Pra ai Wenyi hpe n hkru n kaja ai shatan n hkan ga tsun ai masha kadai hpe rai ti mung mara raw dat kau ai hkrum lu na n rai. Hpa majaw nga yang, shi gaw htani htana hte seng ai yubak mara galaw nu ai wa rai nga ai,” ngu nna tsun mu ai.

ROMA 3:23

Yawng mayawng gaw yubak galaw ma ai hte, Karai Kasang a mawai la ai lam hte tsan gang mat masai.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

KOLOSE 2:23

Ndai zawn re ai tara ni gaw adip arip rai lamu kasa ni hpe naw shangun ai, n teng n man ai hku shagrit shanem shangun ai, hpaji amyu mi re ngu nawn da ai tinang a hkum hpe shagyeng shakyet ai lam ni hpe sharawt ai lam ni, rai nga ma ai. Rai ti mung dai tara ni gaw masha a hkum shan a ra gasit kayut ai myit hpe dip hkang ai lam hta akyu majing hpa mi n rawng nga ai.

YAWSHU 24:19

Yawshu gaw amyu masha ni hpe, “Rai ti mung, nanhte dai Madu hpe daw jau lu na myit dai n rai. Shi gaw chyoi pra ai Karai Kasang rai nga ai rai nna nanhte a shut hpyit ai yubak mara ni hpe raw dat ya na n rai; shi hte shingjawng kashun ai ni hpe yu sharang lu wu ai n rai;