ESAIA 2:8 - Jinghpaw Common Language Bible 2009

⁸ Shanhte a lamu ga gaw hpara sumla ni hte hpring nga ai, shanhte gaw shanhte a lata ni hte nan galaw ai hkrang rai ni hpe nawku ma ai.

Jinghpaw Hanson Version Bible

⁸ Bai shanhte a mungdan gaw hpara sumla ni hte hpring nga ai; shanhte gaw tinang lata a amu hte, tinang layung ni shachyen ai amu hpe, nawku ma ai.

ESAIA 2:8 ပူးပေါင်းရင်းမြစ်များ

1 HKAWHKAM 16:7

Dai Madu hpe shut hpyit kau ai Basha a yubak mara ni a majaw Basha hte shi a dinghku masha ni hpe ninghkap na matu dai Madu kaw na pru ai mungga gaw myihtoi Yehu hku nna jaw ya nga ai. Shi a shawng na Hkawhkam Yeroboam galaw shut kau ai zawn shi galaw ai n hkru ai amu a majaw dai Madu hpe pawt shangun ai sha n rai; Yeroboam a dinghku masha ni yawng hpe mung shi sat kau wu ai majaw mung rai nga ai.

2 HKAWHKAM 17:10

Kawng ni yawng a ntsa hkan e mung, shingnip hpun npu shagu hkan e mung, nlung shadaw ni hte Ashera karai num a gawkngu sumla ni hpe shanhte shadun da nhtawm,

2 HKAWHKAM 17:16

Shanhte gaw dai Madu shanhte a Karai Kasang a tara ni yawng hpe jahten sharun kau nhtawm shanhte nawku na matu nhprang arai hte shachyaw ai dumsu kasha sumla lahkawng hpe galaw ma ai. Shanhte gaw Ashera karai num a gawkngu sumla langai mi hpe galaw nna, shagan ni hpe nawku let Bala karai ni hpe daw jau nga ma ai.

2 HKAWHKAM LABAU 27:2

Shi gaw shi a kawa galaw ai amu zawn dai Madu awng sharawng ai amu hpe shi galaw wu ai; rai ti mung shi a kawa zawn Nawku Htingnu kata hta manam pyaw ai baw nat nawng let yubak galaw ai n rai. Rai ti mung amyu masha ni chyawm gaw yubak naw galaw nga ma ai.

ESAIA 17:8

Shanhte gaw shanhte a lata ni hte galaw da sai tawn hkungri ni hpe galoi mung shamyet shanat na ma ai n rai, shanhte a lata amu ngu ai Ashera karai num a masat dingsat ni hte manam pyaw ai baw nat nawng na tawn hkungri ni hpe kam na ma ai n rai.

ESAIA 26:13

Dai Madu anhte a Karai Kasang e, anhte gaw kaga masha ni a up hkang ai npu hta nga lai wa saga ai, rai ti mung nang chyu sha anhte a Madu rai nga ndai.

ESAIA 37:19

karai ni n rai nga ai shanhte a karai ni hpe nat kau ma ai; dai ni gaw masha a lata hte galaw ai hpun nlung hpara sumla ni sha rai nga ai hpe anhte yawng chye ga ai.

ESAIA 40:19

Shi gaw masha e tawk galaw nna, janghkam wa aja hte sup nhtawm gumhpraw hte mawn sumli da ai hpara sumla langai hte bung ai n rai.

ESAIA 41:29

Ndai karai ni yawng kaman lila ni rai nga ma ai; shanhte gaw kaja wa hpa n lu galaw ma ai- ndai hpara sumla ni gaw n-gun kya ai hte daru magam n-gun n rawng nga ma ai.”

ESAIA 57:5

Nanhte gaw chyoi pra ai hpun npu hkan num la kanawn mazum ai amu galaw let mayat maya ai karai ni hpe nawku nga myit dai. Nanhte gaw hka shi hkaraw kadit hkan na lunghkrung lungpu ni hta tinang a kashu kasha ni hpe shagu hkungga nawng jau nga myit dai.

YEREMIA 1:16

Shanhte gaw yubak shut hpyit masai; shanhte ni ngai hpe kau da masai, kaga karai ni hpe shagu hkungga nawng ya masai, hpara sumla ni galaw nna dai ni hpe nawku nga masai majaw nye a amyu masha ni hpe ngai ari jaw na nngai.

YEREMIA 11:13

Yuda amyu masha ni gaw shanhte a mare ni law nga ai made karai ni mung law nga ma ai; Yerusalem mare masha ni mung mare kata hta nmaw lam ni law nga ai zawn matsat shabat re ai Bala hpara hpe shagu hkungga nawng jau ya na matu tawn hkungri ni hpe gaw sharawt da nga manu ai.

YEREMIA 2:28

“Na a matu ngu nna nang galaw da ai karai ni kanang rai nga ma ta? Nang tsin-yam tsindam hkrum ai shaloi, shanhte rai lu mu yang gaw, shanhte nang hpe hkye la mu ga, nang gaw mare law law lu nga ndai zawn karai law law mung lu nga ndai.

HOSEA 12:11

Rai tim, Gilead mung e hpara sumla ni nawku ma ai. Dai hpe nawku ai ni si mat na mara ai. Gilgala mare e dumsu usu ni hte shagu hkungga nawng ya ma ai; dai yang e nga ai tawn hkungri ni gaw pa layang hkan e nlung sumpum tai mat na mara ai.”

HOSEA 13:2

Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!

HOSEA 14:3

Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

HOSEA 8:6

Lata sama hpaji rawng ai Israela masha langai mi hpara sumla galaw nga ai. Dai gaw kaja wa karai kasang langai n rai nga a hka! Samari mare hta nawku ai aja dumsu agrawp mani kau ai hkrum na rai hka!

MIHKA 5:12

Nang akyu jashawn lang ai mandan lakle hpaji ni hpe ngai jahten kau nna, gumhpan chye hpan ai masha kadai mung nang kaw ngam da ya na we ai n rai.

KASA 17:16

Ya Pawlu Ahten mare hta Sila yan Timohti hpe la let hkring nga yang, dai mare ting hpara sumla hkrai hpring chyat rai nga ai hpe mu nna, shi a myit n ngwi n pyaw rai kahtet bu nga lu ai.

TARA JAHPRANG 4:28

Dai shara hkan e, myi n mu, na n na, n lu n sha chye ai hte manam n chye ai hpara ni ngu ai shinggyim masha a lata hte tawk da ai hpun hpara, nlung hpara ni hpe nanhte daw jau na marin dai.

SHINGRAN 9:20

Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai.