ESAIA 2:6 - Jinghpaw Common Language Bible 2009

⁶ O Karai Kasang, nang gaw Yaku a matu mara ni ngu ai na a amyu masha ni hpe kau da nga nit hka! Dai lamu ga gaw Sinpraw mung hte Hpilisti masha ni kaw na mandan shaba wawt amu ni hte hpring nga ai. Amyu masha ni gaw maigan htung arawn alai hta hkan nang nga ma ai.

Jinghpaw Hanson Version Bible

⁶ Gaja wa, nang gaw Yaku a dap ngu ai, na a amyu hpe kau da ndai: kaning rai nme law, shanhte gaw sinpraw mung na arawn alai hkan shatup let, Hpilisti masha ni zawn shaba wawt nna, tsasam masha ni a kashu kasha ni hte kanawn mazum ma ai.

ESAIA 2:6 ပူးပေါင်းရင်းမြစ်များ

2 HKAWHKAM 1:2

Israela Hkawhkam Ahazia gaw Samari mare e nga ai shi a hkawhkam htingnu ntsa htap na nbang pinra kaw na di hkrat mat wu ai majaw grai sawng mat hkra machyi mat wu ai. Dai rai nna shi bai hkam kaja wa na, n kaja na lam chye lu hkra nga, Hpilisti karai Balazebu hpe san yu na matu shi a kasa nkau mi hpe Ekron mare de shangun dat wu ai.

2 HKAWHKAM 17:20

Dai Madu gaw Israela amyu masha ni yawng hpe ningdang kau wu ai rai nna hpang jahtum shi a man kaw nna shanhte hpe gawt shapraw kau ai aten du hkra shanhte hpe ari jaw nna mazut ai gumlau hpyen ni a lata de shanhte hpe ap kau nga wu ai.

1 HKAWHKAM LABAU 10:13

Shawlu gaw dai Madu hta sadi n dung nga ai majaw shi si mat sai. Shi gaw dai Madu a hkang da ai ga hpe n madat ai sha shi hpe lam woi la na matu,

2 HKAWHKAM LABAU 15:2

shi gaw Hkawhkam Asa hpe sa hkrum na nga pru sa mat wa wu ai. Dai hpang shi gaw, “O Hkawhkam Asa hte Yuda hte Benyamin amyu masha ni yawng hte e, nye a ga madat mu! Nanhte shi hte rau nga nga dingsa, dai Madu mung nanhte hte rau nga nga ai. Nanhte shi hpe tam myit yang shi nanhte hpe mu shangun na ra ai; rai ti mung nanhte shi hpe kayin kau myit dai rai yang shi nanhte hpe kau da na ra ai.

2 HKAWHKAM LABAU 24:20

Karai Kasang a wenyi gaw hkinjawng Yehoiada a kasha Zehkaria hpe up hkang nga ai rai nna amyu masha ni shi hpe mu lu ai shara hta shi tsap let, “Nanhte a ntsa e ru yak tsin-yam tsindam du wa hkra shi a hkang da ai ga ni hpe nanhte hpa majaw n madat n mara nga myit dai kun?, nga nna Madu Karai Kasang san nga ai! Nanhte gaw shi hpe kau da nga myit dai majaw shi nanhte hpe kau da manit dai!,” ngu nna jahtau tsun wu ai.

NEHEMIA 13:23

Dai aten e, Yuda lasha law law ni mung Ashdod, Amon hte Moba numsha ni hpe hkungran la nga ma ai hpe ngai mu nngai.

SHAKAWN KUNGDAWN 106:35

maigan amyu masha ni hte shanhte dinghku de ma ai hte maigan htung tara ni hpe shanhte hkap la nga mu ai.

PRU MAT 22:18

“Mandan chye galaw ai num kadai mung si lu na rai wu ai.

PRU MAT 34:16

Nanhte a shadang sha ni mung maigan num ni hpe la nhtawm ngai hta sadi n dung shangun ai hte shanhte a tara maigan hpara ni hpe woi nawku shangun na mara ai.

GA SHAGAWP 6:1

Sha e, nang gaw marai langai ngai a hka gumhpraw a matu, lit la pahkam hkam ya na ga sadi tawn da ya wu ni?

ESAIA 14:29

Hpilisti masha ni e, nang hpe kayat ai hkawn daw mat sai, rai ti mung nanhte kabu lu na lam hpa mung n nga nga ai. Lapu mi si yang, de a shara hta grau sawng ai langai du nga ai. Lapu a di gaw pyen chye ai baren hpe hpum shakraw nga ai.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

YEREMIA 10:2

Shi gaw, “Kaga masha amyu baw ni a lam ni hta hkum hkan myit; sumsing lamu na laklai shai ai kumla ni hpe mu nna, kaga masha amyu baw ni hkrit kajawng nga tim, nang hta kajawng kaja hkum rai et.

YEREMIA 12:7

Dai Madu gaw, “Ngai gaw Israela hpe kau da ni ai; Ngai gaw lata la hkrum sai nye a amyu baw hpe n hkap la ni ai. Ngai tsaw ra ai amyu masha ni hpe shanhte a gumlau hpyen ni a lata de ap kau se ai.

SHARUNG SHAYAWT 5:20

Nang anhte hpe hpa majaw dai daram na hkra kau da n ni? Nang anhte hpe bai dum nga na kun?

JAW JAU 19:31

“Si mat sai ni a wenyi hte ga shaga chye ai masha ni kaw hpaji hkum sa hpyi myit; nanhte gaw shing re ai amu galaw ai rai yang, nanhte n san n seng na rai myit dai. Ngai gaw dai Madu nanhte a Karai Kasang rai nga nngai.

JAW JAU 20:6

“Si mat sai ni a wenyi ni hte ga shaga hkrum ai masha ni hpang de hpaji sa hpyi na matu marai langai ngai sa ai rai yang, ngai shi hpe hpyen tai nna shi hpe nye a amyu masha ni hta na sumri dan kau na we ai.

MIHKA 5:11

Ngai gaw na a mung na mare ni hpe jahten kau nna na a hpyen dap ni yawng hpe hpya ashin kau na nngai.

MIHKA 5:12

Nang akyu jashawn lang ai mandan lakle hpaji ni hpe ngai jahten kau nna, gumhpan chye hpan ai masha kadai mung nang kaw ngam da ya na we ai n rai.

ZEHPANI 1:8

Dai Madu gaw, “Sat nawng ya ai shani e, du magam ni, hkawhkam kasha ni hte maigan htung hkan ai ni yawng hte hpe ari jaw na nngai.

BU HKAWM 23:7

Balam gaw ndai myihtoi ga hpe tsun hpaw dat wu ai: “Moba Hkawhkam Balak gaw Suri mung sinpraw Maga nga ai bum dinghkang kaw na ngai hpe woi la nu ai. Shi gaw, ‘Nye a matu sa tsun ya e, Israela amyu masha ni hpe matsa kau ya e,’ nga nna tsun nu ai.

ROMA 11:20

Dai nanhte tsun ai hte maren teng nga ai. Shanhte n kam n sham ai majaw gyi kau ai hkrum ma ai; nanhte chyawm gaw Madu hpe kam sham ai majaw tsanlun hpun hta shara la lu myit dai. Rai ti mung, nanhte gaw dai lam a majaw gumrawng gumtawng rai na malai hkrit kang nga mu.

1 SAMUELA 6:2

masha ni gaw hkinjawng ni hte mandan lakle sara ni hpe shaga la nhtawm, “Dai Madu a Ga Shaka Sumpu hpe anhte kaning di na rai nga ga ta? Shi a shara de bai nhtang dat dat ai rai yang, dai hpe anhte hpa hte dat dat na rai ga ta?,” ngu nna san ma ai.