ESAIA 2:5 - Jinghpaw Common Language Bible 2009

⁵ Ya chyawm gaw, Yaku a matu mara ni e, dai Madu anhte hpe jaw ai nhtoi hta anhte hkawm nga saga!

Jinghpaw Hanson Version Bible

⁵ Yaku a dap ni e, sa marit; Yehowa a nhtoi hta hkan hkawm sa ga.

ESAIA 2:5 ပူးပေါင်းရင်းမြစ်များ

SHAKAWN KUNGDAWN 36:10

Nang hpe chye chyap ai ni hpe matut nna tsaw ra nga u, ding hpring ai ni hpe matut nna mai kaja ai amu galaw nga u law.

SHAKAWN KUNGDAWN 89:15

Mahkawn hkawn ai hte nang hpe nawku daw jau ai ni hte; na a matsan dum lama ai myit a nhtoi hta hkawm sa nga ai amyu masha ni gaw kade wa a lu nga ma hka!

SHAKAWN KUNGDAWN 89:16

Na a majaw shanhte shani tup kabu gara nga ma ai; na a mai kaja ai lam a majaw shanhte nang hpe shakawn nga ma ai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

LUKA 1:79

nsin hte si ai shingnip kata e dung nga ai ni yawng hte hpe lamu na nhtoi jahtoi ya na ra ai,” nga ai. Anhte a sat lagaw ni hpe ngwi pyaw ai lam de woi sa wa na ra ai.

EHPESU 5:8

Moi shawng de nanhte mung ningsin hta nga lai wa yu manit dai; rai ti mung ya e Madu a masha ni tai wa manit dai rai nna nhtoi de du shang manit dai. Dai re ai majaw, nanhte gaw nhtoi a kashu kasha ni zawn hkan galaw nga mu.

1 YAWHAN 1:5

Karai Kasang gaw nhtoi rai nga ai hte shi hta nsin hpa mung n rawng nga ai. Ndai mungga hpe shi a Kasha kaw na anhte na yu saga ai majaw nanhte hpe gawn dan ga ai.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.