ESAIA 2:3 - Jinghpaw Common Language Bible 2009

³ shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

Jinghpaw Hanson Version Bible

³ Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.

ESAIA 2:3 ပူးပေါင်းရင်းမြစ်များ

ESHTA 9:27

Yuda masha ni gaw dai hpe shanhte a matu tara langai shatai nhtawm shanhte a amyu matu ni hte Yuda masha langai tai wa ai ni kadai mung Mordehkai tsun matsun ai hte maren shaning shagu ndai nhtoi lahkawng ya na htap htuk ai aten hta tut nawng agalaw nga na lam rai nga ai.

SHAKAWN KUNGDAWN 102:23

Ngai naw kaji nga ai aten kaw nna Madu ngai hpe n-gun shayawm kau ya ni ai; shi gaw nye a asak hpe kadun kau ya ni ai.

SHAKAWN KUNGDAWN 110:2

Madu gaw na a hkawhkam daru magam arawng sadang hpe Ziun kaw nna shara shagu de, maden dat na ra ai. Shi gaw nang hpe, “Na a gumlau hpyen ni a ntsa e, up hkang nga u,” nga nna tsun nga ai.

SHAKAWN KUNGDAWN 119:171

Nang ngai hpe na a tara ni sharin ya ai majaw, nang hpe ngai tut nawng shakawn nga na nngai.

SHAKAWN KUNGDAWN 122:1

Shanhte gaw, “Dai Madu a nta de anhte lung wa saga,” nga nna ngai hpe tsun ma ai shaloi, ngai kabu gara nga nngai.

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

ESAIA 1:26

Ngai gaw nanhte hpe moi moi e nanhte hta nga yu sai zawn re ai mung du ni hte hpaji jaw sara ni hpe jaw ya na nngai. Dai hpang Yerusalem gaw ding hpring ai, sadi dung ai mare ngu shamying hkrum na ra ai.”

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 19:23

Dai aten du ai shaloi, Egutu mung hte Asuri mung lapran ningmaw lam kaba hku wa na ra ai. Dai mungdan lahkawng na amyu masha ni gaw mungdan lahkawng a lapran htinglet hkawm sa wa na mara ai, dai mungdan lahkawng gaw rau sha nawku wa na mara ai.

ESAIA 28:9

Shanhte gaw ngai hte seng ai lam hta aput angun rai ma ai. Shanhte gaw, “Shi kadai hpe sharin achyin ya nga ai gaw kadai hpe rai nga a ta? Shi a mungga hpe kadai wa ra marit nga ma ta? Dai gaw ya sha chyu jahka kau sai ma ni a matu chyu sha mai kaja nga ai!

ESAIA 44:5

“Amyu masha ni gaw langai hpang langai, ‘Ngai gaw dai Madu a masha rai nga nngai,’ nga nna tsun wa na mara ai. Shanhte gaw Israela amyu masha ni hte matut mahkai na matu du sa wa na mara ai. Shanhte gaw shanhte a lahpum ni hta dai Madu a amying hpe matsing nna, shi hkum shi Karai Kasang a amyu masha langai hku shamying la na ra ai.”

ESAIA 56:5

na a mying gaw nye a Nawku Htingnu hta mung, nang kashu kasha lu ai rai yang dai ni hta grau nna, nye a amyu masha ni a lapran ni hta adum nga na mara ai. Nang gaw galoi mung malap kau hkrum na n rai nga ndai,” ngu nna tsun nga ai.

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

ESAIA 60:3

Masha amyu baw ni gaw na a nhtoi de, Hkawhkam ni gaw na a nhtoi nnan a jahpawt manap de du sa wa na mara ai.

ESAIA 65:11

“Rai ti mung, ngai hpe kau da nna nye a chyoi pra ai Bum ngu ai Ziun hpe hpa zawn n nawn nhtawm Gad hte Meni ngu ai Gam hte Auba a karai ni hpe nawku ai dai amu gaw nanhte a matu kaga ga shai wa na ra ai.

ESAIA 66:20

Shanhte gaw na a amyu masha ni yawng hpe ngai hpang de la sa ai kumhpa hku masha amyu baw ni a lata kaw na woi wa na mara ai. Israela masha ni gaw htung hte maren san seng ai hkungga ban ni hta lusha hkungga ni bang nna Nawku Htingnu de la sa ma ai zawn shanhte gaw dai ni hpe gumra ni, lawze ni, gawla-uk ni, hpyen leng ni hte daw htaw ai leng ni hta htaw nna nye a chyoi pra ai kawng nga ai Yerusalem de la sa na mara ai.

YEREMIA 12:16

Shanhte gaw Bala hpara a mying gang nna dagam na matu nye a amyu masha ni hpe lang mi sharin ya mu ai hte maren, shanhte a myit masin mahkra hte nye a amyu masha ni a nawku htung hpe hkap la nna, ‘Dai Madu hkrung nga ai,’ nga nna dagam ai rai yang, shanhte gaw nye a amyu masha ni tai wa lu nhtawm ngamu ngamai wa na mara ai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 31:6

Rai sa, Ehprim bum ntsa hkan e sin nga ai masha ni gaw, ‘Ziun bum e nga ai dai Madu anhte a Karai Kasang hpang de anhte rawt lung wa saga, nga nna marawn tsun ai aten du wa na ra ai,’” nga ai.

EZEKELA 40:2

Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

MAHTE 7:24

“Ndai nye a ga na nna hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.

LUKA 11:28

Rai ti mung, Yesu gaw, “Karai Kasang a mungga madat la nna, hkan nang ai ni mahtang gade wa a lu nga ma hka!,” ngu nna htan wu ai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 10:33

Dai majaw, shaloi jang ngai nang hpang de shangun dat nna, ya nang du ai gaw mai kaja nga ai dai rai nna, dai Madu nang hpe hkang da mada hte hpe madat mara la na matu ya anhte yawng ndai kaw Karai Kasang a man e rai nga saga ai,” ngu nna tsun wu ai.

ROMA 10:18

Rai ti mung, masha ni gaw dai mungga hpe nna lu ai gaw teng a ni? ngu n na ngai san mayu nngai. “Kaja wa shanhte na lu ma ai, hpa majaw nga yang dai Chyum Laika hta mungga hkaw tsun ai ni a nsen gaw mungkan ga ting chyam bra wa nna, shanhte a ga ni lamu ga jut shagu de du mat wa sai,” nga nna tsun ai hte maren rai nga ai.

TARA JAHPRANG 33:19

Shan gaw maigan masha ni hpe bum de shaga la nhtawm; Dai yang e, jaw ai hkungga nawng jau na mara ai. Panglai na sut hpungnung hte hkin-gau mayan e Taw ai zaibru kata na sut nhprang ni hpe shaw la lu na ma ai.”

TARA JAHPRANG 6:1

“Ndai ni gaw nanhte hpe sharin achyin ya na matu, dai Madu nanhte a Karai Kasang ngai hpe hkang da ai tara ni yawng rai nga ai. Nanhte shang madu la hkyen nga ai mungdan hta dai ni hpe hkan sa madat mara lu na rai myit dai.

YAKU 1:25

Rai ti mung masha ni hpe shalawt la ai hkum tsup re ai tara hta azi yu ai wa gaw dai tara hpe na la nna bai malap kau ai wa n re ai sha, matut nna hkan galaw ai wa rai nga ai majaw, shi galaw ai hpe Karai Kasang shaman ya ai hkam la na ru ai.