ESAIA 2:22 - Jinghpaw Common Language Bible 2009

²² Si chye ai shinggyim masha ni hta hkum kam hpa nga et. Shanhte hpa tai nga ma ta?

Jinghpaw Hanson Version Bible

²² Ladi hte nsa sa ai shinggyim masha hpe hkum hpa myit; shi hpa hkaw a ta?

ESAIA 2:22 ပူးပေါင်းရင်းမြစ်များ

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

NINGPAWT NINGHPANG 7:22

Ginding aga ntsa na nsoi nsa rawng ai nga manga hte mung si mat ma ai.

YOBA 27:3

Karai Kasang ngai hpe nsoi nsa jaw ya nga dingsa,

SHAKAWN KUNGDAWN 146:3

Shinggyim masha ni a ningbaw ningla ni hpe hkum kam hpa nga et; shinggyim masha kadai mung nang hpe hkye hkrang la lu na n rai.

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

SHAKAWN KUNGDAWN 8:4

Mungkan masha ngu ai gaw kadai wa rai nna nang myit du ya nga n ni? Si chye ai wa sha hpe, nang hpa rai n-gaw nwai myit madun nga n ni?

ESAIA 40:15

Masha amyu baw ni gaw dai Madu a matu kaman lila rai nga ai, dai ni gaw hka kahte mi hta pyi grau ma ai n rai; sumtsan ga na zunlawng ni gaw ga nhpu zawn tsang nga ai.

ESAIA 40:17

Masha amyu baw ni gaw shi a matu kaman be be rai ma ai.

ESAIA 51:12

Dai Madu gaw, “Ngai gaw nang hpe n-gun shaja ya ai wa rai nga nngai. Nang gaw hpa majaw tsingdu hta grau nna pyi n grin lu ai si chye ai masha wa hpe hkrit nga n ta?

YEREMIA 17:5

Dai Madu gaw, “Ngai kaw na kayin mat wa ai masha ni hte shinggyim masha ni hte si chye ai masha a n-gun hta kam hpa nga ai ni hpe ngai daw dan na we ai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

YAKU 4:14

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.