ESAIA 2:21 - Jinghpaw Common Language Bible 2009

²¹ Dai Madu gaw ginding aga hpe ashun awam dat na nga du sa ai shaloi, amyu masha ni gaw shi a masin kahtet ai kaw na lawt lu na matu mung, shi a daru magam n-gun hte hpung shingkang kaw nna mung myi man makoi lu hkra nga, ga nhkun ni hte lungrawk lunghkrung kawng ni hkan nga ai lungpu ni hkan makoi gyem na mara ai.

Jinghpaw Hanson Version Bible

²¹ gaja wa, ginding aga hpe ashun awam dat na nga, Yehowa rawt wa yang, shi a hkrithpa hte dan hkung nga ai hpung shingkang majaw, masha ni gaw sharut n-gam hte lungbra re ai shara de shang na mara ai.

ESAIA 2:21 ပူးပေါင်းရင်းမြစ်များ

2 SAMUELA 22:46

Shanhte lu ai nden marai n rawng mat malu ai; shanhte a hpyen dap ni kaw na hkrit gari ai hte pru wa ma ai.

YOBA 30:6

Shanhte gaw ninggam makau hkan htu da ai ginlawng lungpu hku ni hta nga nga ma ai.

YOBA 9:6

Karai Kasang gaw nnang nawng nawng shangun nna lamu ga hpe ashun awam di wu ai; shi gaw ginding aga hpe madi da ai shadaw ni hpe ashun wu ai.

PRU MAT 33:22

Dai htoi kabrim ai nye a hpung shingkang lai wa ai shaloi, lunghkrung lungkran e ngai nang hpe bang da nna ngai lai mat wa ai aten du hkra nye a lata hte magap da na we ai.

Shawlumon A Mahkawn Ga 2:14

Nang gaw lungkrawp hkan makoi nga ai hkrudu zawn rai nga ndai. Tsaw ra mai ai na a myi man ngai mu lu n-ga; na a ngwi ngawn ai nsen hpe na lu n-ga law.

ESAIA 2:10

Shanhte gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw na makoi lu na matu mung, lungrawk lunghkrung bum na lungpu hku ni hta mung, ga e nhkun htu nna mung, makoi gyem nga na mara ai.

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 24:18

Hkrit kajawng ai kaw na hprawng lawt na matu shakut ai wa kadai mung nhkun kata de di hkrat bang na ra ai, nhkun kaw na hprawng lawt lu ai wa kadai mung mahkam hta lu na ra ai. Lamu na hka hpungtun ni ru hkrat wa ai shaloi ginding aga a npawt nhpang ni gari ashun wa na mara ai.

ESAIA 33:10

Dai Madu gaw masha amyu baw ni hpe, “Ya chyawm gaw, ngai amu galaw na nngai. Ngai kade daram daru magam n-gun rawng nga nngai hpe madun dan na we ai.

ESAIA 7:19

Shanhte gaw lunghkrung lungma, kabawng kachyawng re ai kadit, lungpu ginlawng hku hkan hte lungbra ntsa hkan e gamawng kahpoi jawng nga na mara ai, shanhte gaw ju sumwum shagu hte udat shara shagu hkan pri rai na mara ai.

YEREMIA 16:16

Dai Madu gaw, “Ngai gaw ndai amyu masha ni hpe sa rim la na matu nga hkwi masha law law shangun dat na nngai. Dai hpang, shanhte hpe bum shagu hte kawng shagu, lungrawk ni a lapran hkan na lungpu ni hta hkan tam na matu, jaugawng law law ni hpe shangun dat na nngai.

HOSEA 10:8

Israela amyu masha ni nawku ai hpara sumla ni hpe tawn da ai Awen kawng pungding nawku shara ni mung jahten kau ai hkrum na ra ai. Tawn hkungri ntsa hkan e mung ju hpun ni hte tsingdu tu lim kau na ra ai. Shaloi amyu masha ni gaw bum ni hte kawng ni e, “Anhte hpe makoi da mi! Anhte hpe ka-up da mi!,” ngu nna jahtau tsun na mara ai.