ESAIA 2:2 - Jinghpaw Common Language Bible 2009

² Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

Jinghpaw Hanson Version Bible

² Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

ESAIA 2:2 ပူးပေါင်းရင်းမြစ်များ

NINGPAWT NINGHPANG 49:1

Yaku gaw shi a shadang sha ni hpe shaga la nna, “Nang e grup rai wa hpawng yu mu; du na ra ai aten nanhte hta hpa byin wa na lam, ngai nanhte hpe tsun dan made ga:

YOBA 19:25

Rai ti mung, sumsing lamu na marai langai ngai gaw hpang jahtum e ngai hpe makawp maga la na matu du sa wa na ra ai hpe ngai chye nngai.

SHAKAWN KUNGDAWN 102:23

Ngai naw kaji nga ai aten kaw nna Madu ngai hpe n-gun shayawm kau ya ni ai; shi gaw nye a asak hpe kadun kau ya ni ai.

SHAKAWN KUNGDAWN 2:8

Hpyi u, ngai nang hpe masha amyu baw ni hte shanhte a mungdan ni yawng hte hpe ap ya na de ai; lamu ga ting na a rai na ra ai.

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

SHAKAWN KUNGDAWN 22:28

Madu gaw hkawhkam rai nga ai, amyu baw shagu hte hpe shi up hkang nga ai.

SHAKAWN KUNGDAWN 48:2

Karai Kasang a bum ngu ai Ziun gaw tsaw nga nna, tsawm htap nga ai; galu kaba ai hkawhkam wa a mare gaw mungkan amyu masha ni yawng hte hpe, kabu gara shangun nga ai.

SHAKAWN KUNGDAWN 68:17

Dai Madu gaw hkying mun law la nna, n-gun rawng ai shi a hpyen leng ni hte Sina kaw nna chyoi pra ai shara de sa wa nga ai.

SHAKAWN KUNGDAWN 72:8

Shi a mungdan gaw panglai kaw nna panglai du hkra, Uhprat hka nu kaw nna mungkan ga a jut mi de du hkra, dam lada wa na ra ai.

SHAKAWN KUNGDAWN 86:9

Nang hpan tawn da ai masha amyu baw ni yawng hte gaw nang kaw sa nna dingnyawm wa na mara ai; shanhte gaw na a galu kaba ai lam hpe shakawn na mara ai.

SHAKAWN KUNGDAWN 87:1

Madu gaw shi a mare hpe chyoi pra ai bum ntsa e, de da nu ai;

SHAKAWN KUNGDAWN 87:2

shi gaw Yerusalem mare hpe Israela mung e nga ai kaga mare ni yawng hta grau nna tsaw ra nga ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 25:6

Chyahtum Chyalai N-gun rawng ai dai Madu gaw ndai Ziun Bum ntsa e mungkan ga na amyu baw ni yawng a matu lusha poi langai hkyen ya na ra ai, dai gaw dwi sau mu mai htum ai lusha hte hkyeng tsawm ai sabyi machyan lusha poi rai nga ai.

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

ESAIA 30:29

Rai ti mung, Karai Kasang a amyu masha ni e, nanhte gaw chyoi pra ai lusha poi hpe shana e galaw ai zawn, kabu gara ai hte mahkawn mangoi lu na rai myit dai. Nanhte gaw Israela a lunghkrung ngu ai dai Madu a Htingnu de sumpyi dum let shanhte hkawm lung wa ai zawn kabu gara na rai myit dai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 56:5

na a mying gaw nye a Nawku Htingnu hta mung, nang kashu kasha lu ai rai yang dai ni hta grau nna, nye a amyu masha ni a lapran ni hta adum nga na mara ai. Nang gaw galoi mung malap kau hkrum na n rai nga ndai,” ngu nna tsun nga ai.

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

ESAIA 60:3

Masha amyu baw ni gaw na a nhtoi de, Hkawhkam ni gaw na a nhtoi nnan a jahpawt manap de du sa wa na mara ai.

ESAIA 65:11

“Rai ti mung, ngai hpe kau da nna nye a chyoi pra ai Bum ngu ai Ziun hpe hpa zawn n nawn nhtawm Gad hte Meni ngu ai Gam hte Auba a karai ni hpe nawku ai dai amu gaw nanhte a matu kaga ga shai wa na ra ai.

ESAIA 66:20

Shanhte gaw na a amyu masha ni yawng hpe ngai hpang de la sa ai kumhpa hku masha amyu baw ni a lata kaw na woi wa na mara ai. Israela masha ni gaw htung hte maren san seng ai hkungga ban ni hta lusha hkungga ni bang nna Nawku Htingnu de la sa ma ai zawn shanhte gaw dai ni hpe gumra ni, lawze ni, gawla-uk ni, hpyen leng ni hte daw htaw ai leng ni hta htaw nna nye a chyoi pra ai kawng nga ai Yerusalem de la sa na mara ai.

ESAIA 66:23

Shata Praw shagu hte Bansa Nhtoi shagu hta galaw ai poi hta amyu baw shagu na masha ni gaw ngai hpe nawku na matu ndai Yerusalem de sa wa na mara ai,” nga nna dai Madu tsun ai.

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

YEREMIA 23:20

dai bungsha gaw shi galaw na matu myit shatawng da ai arai yawng mayawng hte hpe shi myit dik ai aten du hkra ahpawt nga nna, sim mat na ra ai n rai. Shi a amyu masha ni gaw du wa na aten ni hta dai lam hpe dan dan leng leng chye wa na mara ai,” ngu nna tsun ni ai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 3:17

Dai aten du ai shaloi, Yerusalem gaw ‘Dai Madu a Tingnyang,’ ngu nna shamying na mara ai; Masha amyu baw ni yawng mung ngai hpe nawku na matu sa zup wa na mara ai. Shanhte gaw du ja ai hte n hkru ai myit masin hte maw mawn ai lam hpe galoi mung hkan galaw na ma ai n rai.

YEREMIA 31:12

Shanhte gaw Ziun bum ntsa de du wa nna, kabu gara mahkawn mangoi na mara ai, shanhte gaw nye a kumhpa ngu ai nai mam nsi naisi, sabyi ntsin hte tsanlun sau, sagu kasha hte dumsu kasha ni hpe ra sharawng na mara ai. Shanhte gaw hka atsawm sha jaw ai sun zawn tai nna; shanhte hta ra kadawn nga ai lam shagu hkam la lu na mara ai.

YEREMIA 48:47

Rai ti mung, du na ra ai aten hta, dai Madu gaw Moba hpe kalang mi bai ngamu ngamai shangun na ra ai. Dai Madu tsun ai ndai lam yawng mayawng gaw Moba mung hta byin wa na ra ai.

YEREMIA 49:39

Rai ti mung, hpang e, ngai gaw Elam mung masha ni hpe bai ngamu ngamai shangun na nngai. Dai Madu ngai nan tsun ni ai.”

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

EZEKELA 38:16

Nang gaw nye a amyu masha Israela hpe nbung laru ahpawt mat wa ai zawn htim gasat na rin dai. Ngai kadai rai nga nngai hpe masha amyu baw ni mu chye shangun na matu mung, na a jaw e, ngai galaw ai nye a chyoi pra ai amu hpe madun dan na matu mung, dai aten du ai shaloi, nye a mungdan hpe htim gasat na matu ngai nang hpe shangun dat na nngai.

EZEKELA 40:2

Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

Daniela 10:14

Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,” ngu nna tsun wu ai.

Daniela 2:28

Rai ti mung makoi magap da ai ni hpe shapraw shadan dan lu ai Karai Kasang gaw sumsing lamu e nga nga ai. Shi gaw du na ra ai aten hta hpa byin wa na lam, madu hkawhkam hpe madun dan nu ai. Ya chyawm gaw nang yup nga yang mu ai yup mang shingran ngai nang hpe tsun dan na we ai.

Daniela 2:35

Hpri, kagam ga, magri mang, gumhpraw hte aja ni agrawp mani mat nna ginhtawng ta, chyarang pa ntsa e taw ai ga nhpu zawn tai mat nga ai. Dai gaw nbung e ahpawt kau ai n rai; ahkang ngam ai n rai. Rai ti mung dai nlung gaw bum tai wa nna lamu ga ting hpe ka-up kau nga ai.

Daniela 2:45

Nang gaw kadai mung n jum hkra ai nlung langai mi kaning rai ninggam kaw nna daw hkrat wa nhtawm hpri, magri mang, kagam ga, gumhpraw hte aja hte galaw ai hkrang sumla hpe adawt hkra ai hpe mu nga ndai. Galu kaba ai Karai Kasang gaw du na ra ai aten hta hpa byin wa na lam madu hkawhkam hpe tsun nga ai. ngai gaw nang mu nit dai yup mang hpe tup hkrak tsun dan ni ai. De a teng man ai lachyum ngai nang hpe jaw ni ai.”

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

ZEHKARIA 14:10

Dingdung maga Geba mare kaw nna dingda maga Rimon mare du hkra dam ai ginwang ting gaw man ra ai shara tai mat na ra ai. Yerusalem chyawm gaw de a grup yin lamu ga hta grau tsaw nga na ra ai. Dai mare gaw Benyamin Chyinghka kaw nna shawng na chyinghka nga ai shara Njut Chyinghka du hkra, Hananela Langchyi kaw nna hkawhkam wa a sabyi htumbyen du hkra dam nga na ra ai.

ZEHKARIA 14:9

Dai hpang, dai Madu gaw mungkan ting a hkawhkam tai na ra ai; masha shagu mung shi hpe Karai Kasang hku nawku nna shi a amying maren sha rai nga ai hpe chye lu na mara ai.

ZEHKARIA 8:22

Amyu masha ni hte n-gun ja ai amyu baw ni gaw Yerusalem de sa nna Chyahtum Chyalai N-gun rawng ai dai Madu hpe nawku nna shi kaw na shaman chyeju hpyi la na mara ai.

ZEHKARIA 8:3

Nye a chyoi pra ai mare Yerusalem de ngai nhtang wa nna dai mare e wa nga nga na nngai. Dai mare gaw sadi dung ai mare zawn gumhkawng wa nna Chyahtum Chyalai N-gun rawng ai dai Madu a kawng gaw chyoi pra ai kawng ngu na ra ai.

MALAHKI 3:12

Dai hpang, masha amyu baw ni a masha ni yawng nanhte hpe kabu gara shaga na mara ai, hpa majaw nga yang, nanhte a lamu ga gaw shanu nga na matu kaja ai shara tai na ra ai.

BU HKAWM 24:14

Balam gaw Balak hpe, “Ya chyawm gaw nye a amyu masha ni nga ai de ngai mahtang wa na ni ai; rai ti mung ngai garai n pru wa yang, ndai Israela amyu masha ni htawm hpang de na a masha ni hpe hpa galaw na ra ai gaw ngai nang hpe sadi jaw na we ai,” ngu nna tsun wu ai.

KASA 2:17

‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

2 TIMOHTI 3:1

Hpang jahtum nhtoi ni hta yak la ai aten ni du na ra ai hpe dum nga mu.

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.

2 PETRU 3:3

Dai jahtum ai nhtoi ni hta tinang a hkum shan a kayut ai a myit ra ai hku hkan let asak hkrung ai masha ni paw pru na mara ai hpe yawng a shawng e nanhte chye na da ra myit dai. Shanhte gaw nanhte hpe jahpoi asawng let, “Dai Madu bai du sa na nga nna ga sadi jaw da ai n rai ni? Ya shi kanang rai nga a ta?

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.