ESAIA 2:16 - Jinghpaw Common Language Bible 2009

¹⁶ Shi gaw kaba htum ai hte tsawm dik htum ai sanghpaw li ni hpe pyi lup kau na ra ai.

Jinghpaw Hanson Version Bible

¹⁶ Tarshi sanghpaw li shagu a ntsa e mung, tsawm la ai dawnghkawn shagu a ntsa e mung, Zaw nawng zaw wa up ai Yehowa a nhtoi du na ra ai rai nna, dai hte yawng shagrit kau ai hkrum na ra ai.

ESAIA 2:16 ပူးပေါင်းရင်းမြစ်များ

1 HKAWHKAM 10:22

Shi gaw nammukdara hta hkawm ai sanghpaw li hpung ni lu ai rai nna Hiram a sanghpaw li hpung ni hte rau hkawm nga ma ai. Shing rai masum ning du shagu shi a sanghpaw li hpung ni gaw ja gumhpraw, magwi kawng, woi lagang ni hte woi ni htaw let nhtang wa wa rai ma ai.

SHAKAWN KUNGDAWN 47:7

Karai Kasang gaw mungkan yawng hpe up ai hkawhkam wa rai nga ai; mahkawn mangoi ga ni hte shi hpe shakawn kungdawn mu!

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 23:1

Ndai gaw Turu hte seng ai mungga langai rai nga ai. Nammukdara ntsa na sanghpaw masha ni e, yawn hkyen ai hte sharung nga mu! Na a buga Turu sanghpaw daru hten za mat sai; De a nta ni hte sanghpaw danam ni hten run mat nga sai. Na a sanghpaw ni Kupru kaw na nhtang wa yang, dai shiga hpe nang na nga sai.

ESAIA 23:14

Nammukdara ntsa e hkawm sa nga ai sanghpaw masha ni e, yawn hkyen ai hte hkrap sharung nga mu! Nanhte kam hpa nga ai mare gaw hten run mat nga sai.

ESAIA 60:9

Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

ESAIA 66:19

shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

EZEKELA 27:25

Na a gun rai gaw kaba la ai gun rai htaw sanghpaw li wunawng hte htaw mat wa ma ai. “Nang gaw li ai gun rai hte hpring nna Panglai hta nga ai sanghpaw li langai zawn rai nga ndai.

BU HKAWM 33:52

dai mung e nga nga ai masha ni yawng hpe nanhte gawt shapraw kau lu na rai myit dai. Nlung hte tawk nna nhprang arai hte jaw ai shanhte a hpara sumla yawng hte shanhte nawku ai shara ni yawng hpe jahten sharun kau ya na rai myit dai.

SHINGRAN 18:11

Ga ntsa na hpaga la ni mung, hkrap ngu hkrap ngoi hte sharung shayawt nga ma ai; hpa majaw nga yang, shanhte a gun rai ni hpe ya kaw nna kadai mung mari sana ma ai n rai.

SHINGRAN 8:9

Panglai na hkrung ai baw ni htam masum na htam mi mung si mat wa ma ai; sanghpaw li ni mung, htam masum na htam mi grawp mat wa ma ai.