ESAIA 2:13 - Jinghpaw Common Language Bible 2009

¹³ Shi gaw Lebanon a tsaw ai arit hpun ni hte Bashan lamu ga hta tu ai wamyi hpun ni yawng hpe jahten kau na ra ai.

Jinghpaw Hanson Version Bible

¹³ tsaw nna reng dum ai Lebanon arit hpun ni mahkra a ntsa e mung, Bashan wamyi hpun ni mahkra a ntsa e mung;

ESAIA 2:13 ပူးပေါင်းရင်းမြစ်များ

SHAKAWN KUNGDAWN 29:5

Dai Madu a nsen gaw arit hpun ni hpe sha n rai, Lebanon arit hpun maling ni hpe pyi daw agrawp kau nga ai.

ESAIA 14:8

Marau hpun ni hte Lebanon arit hpun ni mung hkrat sum mat sai hkawhkam wa a matu kabu ma ai, hpa majaw nga yang, shanhte hpe kran kadang na kadai n nga nga sai, ya chyawm gaw shi n nga mat sahka!

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

ESAIA 37:24

Nang gaw na a hpyen leng ni yawng hte tsaw htum ai Lebanon bum ni hpe ka-up la lu nit dai lam dai hpe shakawng dan na matu na a shangun ma ni hpe shangun dat nga ndai. Dai yang e galu htum ai arit hpun ni hte preng tsawm ai marau hpun ni hpe kran kadawng lu ai lam hpe mung, maling htinggram a htat dik ai daw ni de nang shang lu ai lam hpe mung shakawng dan nga ndai.

EZEKELA 27:6

Shanhte gaw li lashap galaw na matu Bashan mung na wamyi hpun ni lang ma ai; Kupru zunlawng na pru ai marau hpun hpe mung shanhte la nna dai hpe magwi kawng ni hte hkrep nhtawm li hpe mawn shatsawm nga ma ai.

AMO LAIKA (AMOS) 2:5

Dai rai nna, ngai gaw Yuda a ntsa e wan jahkrat dat nhtawm Yerusalem a hpyen dap ni hpe jahkru kau na we ai,” ngu nna tsun ai.