ESAIA 2:12 - Jinghpaw Common Language Bible 2009

¹² Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

Jinghpaw Hanson Version Bible

¹² Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

ESAIA 2:12 ပူးပေါင်းရင်းမြစ်များ

2 SAMUELA 22:28

Nang gaw shagrit shanem ai myit rawng ai ni hpe hkye mawai la ndai; rai ti mung gumrawng gumtawng ai ni hpe chyawm gaw nang shagrit kau nga ndai.

YOBA 24:1

Karai Kasang gaw tara jeyang na matu mung, shi hpe daw jau ai ni a matu teng man rap ra ai nhtoi hpe mung hpa majaw n masat da ya a ni?

SHAKAWN KUNGDAWN 131:1

Madu e, ngai gaw nye a gumrawng gumtawng ai myit hpe kau da ni ai; nye a myit tsaw myit dap rawng ai akyang kaw nna mung kayin kau da ni ai. Ngai gaw kaba la ai amu ni hta na mung, nye a matu chye na na, nau wa yak la ai amu lamang ni hpe mung ngai myit n lawm nga nngai.

SHAKAWN KUNGDAWN 18:28

Madu e, nang ngai hpe nhtoi jaw ya ndai; nye a nsin hpe mung, nang jahkoi kau ya nga ndai.

SHAKAWN KUNGDAWN 37:13

Rai ti mung, tara n lang ai ni gaw kade n na yang, jahten kau ai hkrum mat na hpe Madu chye nga ai majaw, shi shanhte hpe mani nga ai.

SHAKAWN KUNGDAWN 94:2

Nang masha yawng mayawng hte hpe tara jeyang ai wa rai nga ndai; rawt nna, gumrawng gumtawng ai ni lu la ang ai hte maren, ari jaw ya u!

GA SHAGAWP 16:5

Myit tsaw myit dap re ai masha shagu hpe dai Madu n dawng nga ai; shanhte hpe ari jaw ai kaw nna galoi mung, shi shalawt dat na ra ai n rai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 10:33

Chyahtum Chyalai N-gun rawng ai dai Madu gaw hpun lakung lakying ni hpe krum kau ai zawn shanhte hpe gang agrawp daw kau na ra ai. Shanhte kaw na gumrawng gumtawng dik ai ni hte tsaw dik htum ai ni gaw kran kau ai hte shagrit kau ai hkrum na mara ai.

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 13:9

Dai Madu a nhtoi du wa nga sai, dai nhtoi gaw pawt sindawng ai hte masin kahtet ai shi a gumshem ai nhtoi rai na rai nga ai. Ginding aga gaw nam mali tai mat nna yubak lu ai masha shagu jahten sharun kau hkrum na mara ai.

ESAIA 14:15

Rai ti mung shing rai galaw lu na malai, nang gaw katsan ga a sung htum ai shara hta jahkrat bang kau ai hkrum nga nit dai.

ESAIA 23:9

Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

ESAIA 24:21

Dai Madu gaw matsaw ntsa na daru magam n-gun rawng ai ni hte ga ntsa na up hkang du salang ni hpe ari jaw ai shaloi, dai aten gaw du wa nga ai.

ESAIA 24:4

Ginding aga gaw hkun hkraw ai hte nyui nga ai; mungkan ga ting n-gun yawm nga ai; ginding aga hte sumsing lamu gaw tsam mat na ra ai.

ESAIA 40:23

Shi gaw daru magam rawng ai mung du ni hpe shayu kau nhtawm shanhte hpe kaman lila de shagrit kau nga ai.

ESAIA 42:15

Ngai gaw kawng ni hte bum ni hpe jahten kau na nngai tsingdu tsingman hte hpun ni hpe jahkraw kau na nngai. Ngai gaw hka nu lwi hkrat ai kadit ni hpe zaibru jang shatai kau nna, hka la-ing ni hpe jahkraw kau na we ai.

ESAIA 5:15

Masha shagu hte gaw sari jahpoi hkrum na mara ai, gumrawng gumtawng ai ni yawng hte gaw shagrit kau hkrum na mara ai.

ESAIA 61:2

Dai Madu gaw shi a amyu masha ni hpe Hkye hkrang la nna shanhte a gumlau hpyen ni hpe dang kau na aten du sai lam Tsun shana na matu, Shi ngai hpe shangun dat ni ai. Shi gaw sharung shayawt ai ni yawng hpe shalan shabran na matu

YEREMIA 12:9

Lata la hkrum sai nye a amyu masha ni gaw man maga shagu kaw nna langji ni htim achye hkrum ai ntsa malen u zawn rai ma ai. Lusha poi hta sa du shang lawm na matu matse labye dusat ni hpe shaga dat mu!

YEREMIA 13:9

“Ndai gaw Yuda mung na gumrawng gumtawng ai hte Yerusalem na grau kaba ai gumrawng gumtawng hpe mung ngai kaning rai jahten sharun kau na lam rai nga ai.

YEREMIA 30:7

Hkrit hpa nhtoi gaw du magang wa ra ai; dai hte shadawn lu ai kaga nhtoi mi n nga nga ai- nye a amyu masha ni a matu ru yak tsin-yam tsindam aten rai nga ai, rai ti mung, shanhte naw ngam nga na mara ai.”

YEREMIA 46:10

Ndai gaw Chyahtum Chyalai N-gun Rawng ai Tsaw Htum ai dai Madu a shani rai nga ai: dai ni gaw shi matai dawp na ra ai; dai ni gaw shi a gumlau hpyen ni hpe ari jaw na ra ai. Shi a nhtu gaw hkru kat wa ai aten du hkra shanhte hpe sha kau na ra ai, shanhte a asai hpe myit dik hkra lu na ra ai. Chyahtum Chyalai N-gun Rawng ai Madu gaw dai ni e, dingdung maga Uhprat hka kau e shi a tsin-yam hkrum sha ai masha ni hpe nawng ya nga ai.

YEREMIA 50:31

“Babelon e, nang gaw gumrawng gumtawng ai myit hte hpring nga ndai majaw, Chyahtum Chyalai N-gun rawng ai Tsaw Htum ai dai Madu ngai nan nang hpe hkap daw na nngai! Nye a matu nang hpe ari jaw na aten gaw du nga sai.

EZEKELA 13:5

Dai Madu a nhtoi shani, hpyen majan du wa ai shaloi, shanhte gaw daw agrawp mat sai mare bunghku ni hpe n sin ma ai. Shanhte gaw mare bunghku ni hpe bai gaw gap da ma ai n rai, dai lam ni a majaw Israela gaw makawp maga hkrum lu na ra ai n rai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

AMO LAIKA (AMOS) 5:18

Dai Madu a nhtoi hpe ala nga ai nanhte a matu kade sha hkrit hpa rai nga a hka! Dai shani e, nanhte mai kaja lam hpa baw galaw lu na rai myit ni? Dai shani gaw nanhte a matu nhtoi n rai, nsin a shani tai na ra ai.

MIHKA 2:3

Dai rai nna dai Madu gaw, “Ngai gaw nanhte a ntsa e tsin-yam tsindam shabyin dat na matu yaw lajang da nga nngai; dai kaw na nanhte hprawng lawt lu na myit dai n rai. Nanhte gaw nanhte hkum nan ru yak jamjau ai hpe tam la nga myit dai, shaloi nanhte gaw grai gumrawng ai hte loi mi mung hkawm sa lu na myit dai ai n rai.

MIHKA 5:11

Ngai gaw na a mung na mare ni hpe jahten kau nna na a hpyen dap ni yawng hpe hpya ashin kau na nngai.

ZEHPANI 1:16

bunghku kum ai mare ni hte tsaw ai hpyen dap ni hpe htim gasat let majan pahtau dum nna garu jahtau ai nhtoi rai na ra ai.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 23:12

Kadai rai ti mung, tinang hkum hpe shagrau ai wa gaw, grit nem mat wa na ra ai, tinang hkum hpe shagrit ai wa chyawm gaw, shagrau shatsaw ai hkrum na ra ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

1 KORINHTU 5:5

Dai tara daw dan ai Madu a nhtoi hta e dai wa a wenyi hkye hkrang la hkrum na matu, dai wa a hkum hkrang hpe jahten kau ra ai majaw, nanhte gaw dai wa hpe Satan a lata de ap kau na rai myit dai.

1 HTESALONI 5:2

Hpa majaw nga yang, Madu bai du sa na nhtoi gaw, shana aten e sa ai lagut zawn du sa na ra ai hpe nanhte nan atsawm sha chye nga myit dai.

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.