ESAIA 2:11 - Jinghpaw Common Language Bible 2009

¹¹ Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

Jinghpaw Hanson Version Bible

¹¹ Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 2:11 ပူးပေါင်းရင်းမြစ်များ

2 SAMUELA 22:28

Nang gaw shagrit shanem ai myit rawng ai ni hpe hkye mawai la ndai; rai ti mung gumrawng gumtawng ai ni hpe chyawm gaw nang shagrit kau nga ndai.

SHAKAWN KUNGDAWN 18:27

Shagrit shanem ai myit rawng ai ni hpe nang hkye hkrang la nga ndai; rai ti mung gumrawng gumtawng myit rawng ai ni hpe nang shagrit kau nga ndai.

SHAKAWN KUNGDAWN 18:28

Madu e, nang ngai hpe nhtoi jaw ya ndai; nye a nsin hpe mung, nang jahkoi kau ya nga ndai.

SHAKAWN KUNGDAWN 20:8

Shanhte ahtu ai hte kadawng mat wa ma ti mung, anhte rawt nna ngang ngang tsap nga lu na ga ai.

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 94:2

Nang masha yawng mayawng hte hpe tara jeyang ai wa rai nga ndai; rawt nna, gumrawng gumtawng ai ni lu la ang ai hte maren, ari jaw ya u!

GA SHAGAWP 16:5

Myit tsaw myit dap re ai masha shagu hpe dai Madu n dawng nga ai; shanhte hpe ari jaw ai kaw nna galoi mung, shi shalawt dat na ra ai n rai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 12:4

Amyu masha ni gaw, “Dai Madu hpe chyeju dum mu! Nang hpe karum la na matu shi hpe shaga u! Shi galaw nu ai amu masha amyu baw ni yawng hpe tsun dan mu! Shi kade wa galu kaba nga ai lam shanhte hpe tsun dan mu!

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 14:15

Rai ti mung shing rai galaw lu na malai, nang gaw katsan ga a sung htum ai shara hta jahkrat bang kau ai hkrum nga nit dai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 23:9

Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

ESAIA 24:21

Dai Madu gaw matsaw ntsa na daru magam n-gun rawng ai ni hte ga ntsa na up hkang du salang ni hpe ari jaw ai shaloi, dai aten gaw du wa nga ai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 26:1

Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 28:5

Chyahtum Chyalai N-gun rawng ai dai Madu gaw ngam nga ai shi a amyu masha ni a matu arawng sadang hte hpring ai nampan janmau zawn tai ai nhtoi langai du wa ra ai.

ESAIA 29:18

Dai nhtoi du ai shaloi, na lahpang ai ni gaw laika ja ja hti ai nsen na lu na ra ai, nsin kata nga nga ai myi n mu ai ni mung shanhte a myi ni hpaw wa nna mu lu na mara ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

ESAIA 30:23

Nanhte gaw nanhte a nsi naisi ni hpe hkai ai aten shagu, Madu gaw dai ni hpe tu shangun na matu marang jahtu ya nna nanhte hpe ja kat ai mangai jaw ya na ra ai, nanhte a yam nga hpung gaw udat shara law law madu lu na mara ai.

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

ESAIA 4:1

Dai aten du ai shaloi, numsha sanit gaw lasha langai mi hpe gang magra da nhtawm, “Anhte gaw tinang nang a matu sha na lu sha hte hpun na hpun palawng lu ga ai, rai ti mung nang gaw anhte a madu wa rai nga ndai, ngu chyeju hte anhte tsun lu mi ga, shaloi anhte gaw num n wa ai kaya kahpa hpe n hkam sha ra na ga ai,” ngu nna tsun ma ai.

ESAIA 40:23

Shi gaw daru magam rawng ai mung du ni hpe shayu kau nhtawm shanhte hpe kaman lila de shagrit kau nga ai.

ESAIA 52:6

Aten du ai shaloi, ngai gaw nanhte hpe ga shaga ai Karai Kasang rai nga nngai hpe nanhte yin la na rai myit dai,” ngu nna tsun ai.

YEREMIA 12:9

Lata la hkrum sai nye a amyu masha ni gaw man maga shagu kaw nna langji ni htim achye hkrum ai ntsa malen u zawn rai ma ai. Lusha poi hta sa du shang lawm na matu matse labye dusat ni hpe shaga dat mu!

YEREMIA 9:24

Marai langai ngai gumrawng mayu ai rai yang, shanhte ngai hpe chye nna, chye na hkawn hkrang ai ni chyu sha gumrawng na mai ang nga ai, hpa majaw nga yang, nye a tsaw ra myit gaw tut nawng agrin nga ai hte ngai galaw ai amu mung teng man ai hte ding man nga ai. Dai amu ni gaw ngai hpe awng sharawng shangun nga ai. Dai Madu ngai nan tsun ni ai,” ngu nna tsun ai.

EZEKELA 38:14

Dai rai nna, Tsaw Htum ai dai Madu gaw Goga hte seng nna tsun ai mungga shi hpe htawn tsun na matu, ngai hpe shangun dat wu ai: “Ya chyawm gaw, nye a amyu Israela ni shim lum ai hte shanu nga ma yang,

EZEKELA 38:19

Nye a sindawng kahtet ai shani e, Israela mungdan hta laja lana re ai nnang nawn kaba nawn wa na ra ai, ngu nna ngai tsun nga nngai.

EZEKELA 39:11

Dai Madu gaw, “Ndai lam yawng byin wa ai shaloi, Israela mung na Jum Nawng a sinpraw maga de nga ai Bu Hkawm Ai Ni a Kadit hta Goga hpe lup makoi na shara ngai jaw na nngai. Goga hte shi a hpyen luksuk ni yawng gaw dai shara lup makoi ai hkrum nna dai kadit hpe mung, ‘Goga Hpyen Luksuk a Kadit,’ ngu nna shamying da na mara ai.

EZEKELA 39:22

Ngai gaw shanhte a Madu Karai Kasang rai nga nngai hpe dai shani kaw na Israela masha ni chye lu na mara ai.

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

HOSEA 2:16

Shaloi shi gaw ngai hpe shi a madu wa ngu nna bai shaga na ra ai; shi gaw ngai hpe shi a Bala ngu nna galoi mung shaga na ra ai n rai.

HOSEA 2:18

Dai aten hta, ngai gaw nam na matse labye dusat ni, ntsa malen u ni hte ga shaka tawn da na nngai; dai ni gaw nye a amyu masha ni hpe zingri na mara ai n rai. Dai mungdan na majan laknak yawng hpe mung, nhtu, ndan yawng hpe mung yeng seng kau na nngai; nye a amyu masha ni hpe ngwi pyaw sim sa ai hte shim lum ai hku nga shangun na nngai.

HOSEA 2:21

Dai aten hta ngai gaw nye a amyu masha Israela a akyu hpyi ga ni hpe htan ya na nngai. Ngai gaw ginding aga ntsa e marang htu shangun ai hte, ginding aga gaw nai mam nsi naisi, sabyi si hte tsanlun si hpe shapraw ya na ra ai.

YOELA 3:18

Dai aten hta, bum ni gaw sabyi sun ni hte hpring na ra ai; yam nga ni hpe kawng shagu a ntsa hkan e mu lu na ra ai; dai yang e, Yuda hka shi hka gai yawng hkan hka lwi na ra ai. Dai Madu a Nawku Htingnu kaw na hka shi langai lwi wa na ra ai, dai gaw Akasia Kadit hpe madit ya na ra ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

OBEDIA 1:8

“Dai shani e ngai gaw Edom hpe ari jaw nna shanhte a myit let ai masha ni hpe jahten shaza kau ai hte shanhte a hpaji byeng-ya yawng hpe yeng seng kau na nngai.

MIHKA 2:3

Dai rai nna dai Madu gaw, “Ngai gaw nanhte a ntsa e tsin-yam tsindam shabyin dat na matu yaw lajang da nga nngai; dai kaw na nanhte hprawng lawt lu na myit dai n rai. Nanhte gaw nanhte hkum nan ru yak jamjau ai hpe tam la nga myit dai, shaloi nanhte gaw grai gumrawng ai hte loi mi mung hkawm sa lu na myit dai ai n rai.

MIHKA 4:6

Dai Madu gaw, “Ngai zingri zingrat yu sai amyu masha ni hte bawng dung ai shara hkan nni nkri hkrum sha yu sai ni hpe bai shinggyin la ai aten du wa nga sai,” ngu nna tsun ai.

MIHKA 5:10

Dai Madu gaw, “Dai aten hta, ngai gaw na a gumra ni hpe la kau ya nna, na a hpyen leng ni hpe jahten agrawp kau na we ai.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

ZEHPANI 3:16

Shanhte gaw Yerusalem hpe ning ngu tsun na aten aten du wa nga sai, “Ziun mare e, hkum hkrit nga et! Na a lata hkum shakya kau nga et!

ZEHKARIA 9:16

Dai nhtoi du jang, Madu gaw shi a amyu masha ni hpe, sagu rem wa gaw sagu hpung hpe hkrithpa shara kaw na hkye la ai zawn hkye la na ra ai. Shanhte gaw shi a mungdan hta lung seng janmau zawn htoi tu na mara ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

2 KORINHTU 10:17

Rai ti mung chyum laika hta, “Arawng mala mayu ai wa gaw, dai Madu galaw ai magam amu hta arawng mala gumrawng nga u ga,” nga nna tsun da nga ai.

2 KORINHTU 10:5

Anhte gaw Karai Kasang hpe chye chyang ai hpaji hpe dingbai dingna jaw ai amu yawng hpe run hpya jahten kau ga ai. Anhte gaw masha myit mang ai lam nga manga hpe rim sharen da nhtawm Hkristu a ga madat mara shangun ga ai.

2 HTESALONI 1:10

Madu gaw bai du sa ai shani e, shi a amyu masha ni yawng mayawng a man e hpung shingkang hpe mung, kam sham ai ni yawng e shagrau hkungga ai lam hpe mung, hkam la na ra ai. Anhte hkaw tsun dan ai mungga hpe nanhte kam sham nga manit dai majaw, Madu hpe shagrau sha-a ai ni hta nanhte mung lawm na marin dai.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.