ESAIA 19:4 - Jinghpaw Common Language Bible 2009

⁴ Ngai gaw Egutu amyu masha ni hpe gumshem nna mazut nhtawm shanhte hpe up lu na hkawhkam wa a lata de ap kau na we ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

Jinghpaw Hanson Version Bible

⁴ Ngai gaw Egutu masha ni hpe, gumshem du ni a lata hta ap ya nna, n hkru ai hkawhkam gaw, shanhte a ntsa e up na ra ai,” nga nna Zaw nawng zaw wa up ai Madu Yehowa tsun nga ai.

ESAIA 19:4 ပူးပေါင်းရင်းမြစ်များ

SHAKAWN KUNGDAWN 31:8

Nye gumlau hpyen ni ngai hpe rim la na, nang ap ya nga ndai n rai; ngai sa mayu ai shara de ndut ndang hkawm sa lu na lam, nang lajang ya nga ndai.

ESAIA 19:2

Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

ESAIA 20:3

Ashdod mare zing la hkrum ai shaloi, dai Madu gaw, “Nye a shangun ma Esaia gaw masum ning ting singgu krin, kyepdin n din ai sha kayin hkawm nu ai. Dai gaw Egutu mung hte Ehtiopi mung hta byin wa na a kumla langai rai nga ai.

ESAIA 20:4

Asuri hkawseng wa gaw ndai mungdan lahkawng kaw na shi lu rim la ai bawng masha ni hpe singgu krin woi mat wa na ra ai. Kaji kaba n nga, shanhte gaw lagaw kaman hte singgu krin hkawm nna shanhte a dangbau ni hpaw da let, Egutu mung hpe kaya jahkrum na mara ai.

YEREMIA 46:26

shanhte hpe sat kau mayu ai ni a Babelon Hkawhkam Nebuhkadneza hte shi a hpyen dap ni a lata de ap kau na we ai. Rai ti mung kade n na yang, mung masha ni gaw lai sai aten ni hta nga lai wa sai zawn, shanhte gaw Egutu mung hta kalang mi bai shanu nga lu na mara ai. Dai Madu ngai nan tsun ni ai.

EZEKELA 29:19

Dai rai nna, ndai gaw Tsaw Htum ai dai Madu ngai nan tsun nga ai mungga rai nga ai: Ngai gaw Egutu mung hpe Babelon Hkawhkam Nebuhkadneza a lata de ap ya na nngai. Shi gaw lanep hpya la nna, Egutu mung na sut gan yawng la wa na ra ai, dai gaw shi a hpyen luksuk ni a shabrai tai na ra ai.

EZEKELA 30:12

Ngai gaw Nila hka hpe jahkyet kau nna Egutu mung hpe n hkru ai masha ni a lata de ap kau na nngai. Maigan masha ni gaw mungdan ting hpe agrawp jahten kau na mara ai. Dai Madu ngai nan tsun ni ai,” ngu nna tsun wu ai.

NAHUM 3:10

Ti mung, Thebe a masha ni ni gaw bawng dung hkrum mat wa ma ai. Shanhte a kashu kasha ni lam jut shara shagu hkan si hkra kayat sat kau hkrum nga masai. Shanhte a lam woi masha ni hpri sumri hte gyit hkang da hkrum nna shanhte a bawng madu ni hpaida da nhtawm, jawm karan la hkrum nga ma ai.

1 SAMUELA 23:7

Kila mare de Dawi sa mat wa sai lam Shawlu hpe tsun dan mu ai shaloi, shi gaw, “Bunghku kum nna htinggrang hte chyip rai nga ai mare chyinghka ni rawng ai mare kata de sa shang rawng nga let shi hkum shi mahkam hkam la nu ai gaw, Karai Kasang shi hpe nye a lata hta ap ya ai lam rai nga ai,” ngu nna tsun wu ai.