ESAIA 19:3 - Jinghpaw Common Language Bible 2009

³ Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

Jinghpaw Hanson Version Bible

³ Egutu a myit gaw, shi a kraw e run wa nna, ngai gaw shi a hpaji daw ai hpe jahten na we ai; shaloi shanhte gaw, hpara sumla ni, mandan bau ai ni, nat shung ai ni hte shaba wawt ai ni hpe tam na mara ai.

ESAIA 19:3 ပူးပေါင်းရင်းမြစ်များ

2 SAMUELA 15:31

Ahihtohpela mahtang Absalom a gumlau hpung hte matut mat sai shiga Dawi na jang, shi gaw, “Madu e, chyeju hte Ahihtohpela a hpaji daw ya ai lam hpe angawk kau ya u!,” ngu nna hpyi wu ai.

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 HKAWHKAM 1:2

Israela Hkawhkam Ahazia gaw Samari mare e nga ai shi a hkawhkam htingnu ntsa htap na nbang pinra kaw na di hkrat mat wu ai majaw grai sawng mat hkra machyi mat wu ai. Dai rai nna shi bai hkam kaja wa na, n kaja na lam chye lu hkra nga, Hpilisti karai Balazebu hpe san yu na matu shi a kasa nkau mi hpe Ekron mare de shangun dat wu ai.

1 HKAWHKAM LABAU 10:13

Shawlu gaw dai Madu hta sadi n dung nga ai majaw shi si mat sai. Shi gaw dai Madu a hkang da ai ga hpe n madat ai sha shi hpe lam woi la na matu,

SHAKAWN KUNGDAWN 107:27

Shanhte gaw chyaru nang ai ni zawn ndi nda rai hkawm nna; shanhte a kung kyang ai hpaji nlang mung kaman lila rai mat manu ai.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

SHAKAWN KUNGDAWN 76:12

shi gaw gumrawng gumtawng ai hkawhkam shadang sha ni hpe shagrit kau nna; galu kaba ai hkawhkam ni hpe jahkrit shama nga ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 14:27

Chyahtum Chyalai N-gun rawng ai dai Madu gaw ndai amu galaw na matu daw dan da nga ai. Shi gaw ari jaw na matu shi a lahpum hpe ladawn da nu ai, kadai mung shi hpe jahkring da lu ai n rai.

ESAIA 15:2

Dibon masha ni gaw nawku shara hta wa hkrap na matu kawng de lung wa ma ai. Moba masha ni gaw Nebo hte Medeba mare ni a matu sharung shayawt nga ma ai; shanhte gaw yawn hkyen ai hte shanhte a baw ni hte nhka mun ni hpe shangun kau ma ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

ESAIA 47:12

Na a mandan lakle hpaji hte lakhpoi hpaji mahkra hta machyu nga u; nang gaw dai ni hpe na a ram prat kaw nna akyu jashawn nga ndai. Dai hpaji ni gaw nang hpe lam maga mi hku karum ya lu nhten; na a gumlau hpyen ni hpe nang jahkrit lu na nhten.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

YEREMIA 46:15

Nanhte a chyalai n-gun rawng ai Api hpara gaw hpa majaw kadawng mat a ni? Dai Madu gaw dai hpara hpe agrawp daw kau nu hka!

EZEKELA 21:7

Shanhte gaw nang hpa majaw madai nga n ta?, ngu nna nang hpe san ma ai shaloi, dai gaw du sa wa ra ai shiga a majaw rai nga ai ngu nna shanhte hpe tsun dan u. Dai shiga du ai shaloi, shanhte a myit masin ni hta hkrit ai myit hpring wa nna shanhte a lata ni kya gumba mat ai hte shanhte hta rawng nga ai nden marai yawm mat wa nna shanhte a lahput ni gari ashun mat na mara ai. Dai byin na aten gaw ndai shara e du nga sai,” ngu nna dai Tsaw Htum ai Madu nan tsun wu ai.

EZEKELA 22:14

Ngai nang hte amu shangut ai shaloi, nang hta nsen marai mung, na a lata sharawt lu na n-gun atsam mung naw ngam na ra ai ngu, nang myit nawn da wu ni? Dai Madu ngai tsun ni ai hte maren, nye a mungga hpe ngai shatup na nngai.

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

Daniela 2:2

dai rai nna shi gaw shi a yup mang sa htai ya na matu, gumhpan hpan ai ni, mandan sara ni, lakle sara ni hte hpyi lamum sara ni hpe shaga dat wu ai. Shanhte gaw hkawhkam wa a man e sa tsap shajang nga ma yang,

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

1 SAMUELA 25:37

Dai hpang, shi chyaru bran wa ai shaloi, Abigala gaw shi hpe lam magup tsun dan wu ai. Shaloi shi salum kahprap wa nna tsep kawp hkum katsing si mat wu ai.