ESAIA 19:25 - Jinghpaw Common Language Bible 2009

²⁵ Chyahtum Chyalai N-gun rawng ai dai Madu gaw shanhte hpe shaman ya nna, “Egutu mung na nye a amyu masha ni, ngai hpan shalat dat hkrum ai Asuri hte ngai lata la sai Israela amyu masha ni hpe ngai shaman ya na we ai,” nga nna tsun nga ai.

Jinghpaw Hanson Version Bible

²⁵ Zaw nawng zaw wa up ai Yehowa mung, “Nye a amyu Egutu, nye lata hpan da ai Asuri amyu, nye a sali wunli Israela amyu gaw a nga u ga law,” nga nna shanhte hpe shaman ya na ra ai.

ESAIA 19:25 ပူးပေါင်းရင်းမြစ်များ

SHAKAWN KUNGDAWN 100:3

Dai Madu gaw Karai Kasang rai nga ai hpe yin la mu. Shi anhte hpe hpan da mi ai rai nna, anhte mung shi hte seng ai ni rai nga ga ai; anhte gaw shi a amyu masha ni rai nna, shi a sagu hpung ni rai nga ga ai.

SHAKAWN KUNGDAWN 115:15

Sumsing lamu hte ginding aga hpe hpan tawn da ai, Madu gaw nanhte hpe shaman ya nga u ga!

SHAKAWN KUNGDAWN 138:8

Nang ga sadi tawn da nit dai hte maren, lam shagu hpe jahpring shatsup ya na rin dai; Madu e, na a tsaw ra myit htani htana agrin nga ai. Nang hpang da sai amu ni hpe shangut u law.

ESAIA 19:24

Dai aten du ai shaloi, Israela gaw Egutu hte Asuri ni hte arawng sadang wa bung na mara ai, ndai amyu baw masum ni gaw mungkan ga yawng mayawng a matu shaman chyeju tai na mara ai.

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

ESAIA 29:23

Ngai nanhte hpe jaw ya na dai kashu kasha ni hpe nanhte mu myit dai shaloi, ngai gaw Israela a chyoi pra ai Karai Kasang rai nga nngai hpe nanhte yin la na rai myit dai. Nanhte ngai hpe shagrau sha-a na myit dai, ngai hpe hkrit kamyin na myit dai.

ESAIA 45:11

Du na ra ai aten hpe hkrang shapraw ai dai Madu Israela a chyoi pra ai Karai Kasang gaw ning nga tsun ai: “Nye a kashu kasha ni hte seng nna san na ahkaw ahkang mung, ngai galaw ang ai amu ngai hpe tsun na ahkaw ahkang mung nang hta n nga nga ai!

ESAIA 45:14

Dai Madu gaw Israela hpe, “Egutu hte Ehtiopi mung na sut gan ni gaw na a rai na ra ai, hkum shingyan galu ai Seba masha ni gaw na a mayam ni tai na mara ai; shanhte gaw nang kaw hpri sumroi gyit ai hte hkan nang na mara ai. Shanhte gaw na a man e gum dagup nna mara hpyi nem let, ‘Karai Kasang gaw nang hte rau rai nga ai, shi chyu sha Karai Kasang rai nga ai.

ESAIA 60:21

Na a amyu masha ni gaw ding man ai amu mahkra galaw na mara ai, Mungdan hpe htani htana madu la na mara ai. Nye galu kaba ai lam yawng mayawng hpe madun dan na matu, Ngai shanhte hpe hkai da nna, shanhte hpe lajang da ni ai.

ESAIA 61:9

Shanhte gaw masha amyu baw ni a lapran e gumhkawng na mara ai; Shanhte hpe mu ai masha shagu hte gaw shaman chyeju hkam la nga sai amyu masha ni rai nga masai hpe chye wa na mara ai,” ngu nna tsun ai.

ESAIA 63:17

Anhte hpe na a lam ni kaw na hpa majaw shayit kau nga n ta? Anhte nang kaw na kayin mat wa hkra, anhte hpe hpa majaw du shaja ya nga n ta? Nang hpe daw jau nga ai ni a matu, na a matu tut nawng rai nga ai amyu masha ni a matu, bai wa rit.

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

ESAIA 65:23

Shanhte galaw ai amu awng dang na mara ai, shanhte a kashu kasha ni ru yak tsin-yam tsindam hte hkrum na mara ai n rai. Ngai gaw shanhte hte shanhte a aru arat ni hpe prat mi hte prat mi shaman ya na nngai.

YEREMIA 10:16

Yaku a Karai Kasang chyawm gaw shanhte hte n bung nga ai; shi gaw yawng mayawng hpe hpan da ai wa rai nna, Israela hpe shi a amyu masha majing shatai na matu lata la nu ai. Chyahtum Chyalai N-gun Rawng ai dai Madu gaw shi a mying nsang rai nga ai.

YEREMIA 2:7

Ngai gaw shanhte hpe ga sau kaja ai mung de woi jashawn nna dai mung na nsi naisi ni hte kaga kaja ai sut rai ni hta kabu gara shangun ni ai. Rai ti mung shing rai na malai, shanhte gaw nye a mungdan hpe jahten sharun kau nna; ngai shanhte hpe jaw sai mungdan hpe shanhte awu asin di kau manu ai.

HOSEA 2:23

Ngai gaw nye a amyu masha ni hpe ndai lamu ga hta shanu nga shangun nna shanhte hpe ngamu ngamai shangun na nngai. Ngai gaw “Tsaw ra n hkrum ga ai” ngu tsun hkrum nga ai ni hpe mung, “Nye a amyu masha ni n re” nga nna tsun hkrum ai ni hpe mung tsaw ra myit madun na we ai. Ngai gaw, “Nanhte gaw nye a amyu masha ni rai nga myit dai,” ngu nna tsun na we ai, shanhte gaw, “Nang gaw anhte a Karai Kasang rai nga ndai,” nga nna htan na mara ai.

ZEHKARIA 8:13

Yuda hte Israela amyu masha ni e! Lai sai aprat e, maigan masha ni langai hte langai ning ngu tsun let dagam lai wa masai: ‘Nanhte a ntsa e hkrat bun ai tsin-yam tsindam nan Yuda hte Israela a ntsa e mung hkrat bun u ga law! Rai ti mung, ngai nanhte hpe hkye hkrang la na nngai, shaloi dai maigan masha ni langai hte langai gaw, ‘Yuda hte Israela ntsa e jaw ai shaman chyeju nan nanhte hkam la lu myit ga law!,’ nga nna tsun na mara ai. Dai re ai majaw nden marai shaja mu; hkum hkrit nga myit.”

BU HKAWM 24:1

Israela amyu masha ni hpe mahtang shaman ya na matu dai Madu shi hpe ra sharawng nga ai gaw Balam chye wu yang, shawng de lamik kumla wunli sa hpyi ai zawn shi n sa mat wu ai. Shi gaw nam mali de myi man yawng nhtawm,

BU HKAWM 6:24

Dai Madu gaw nang hpe shaman ya nna lanu lahku nga u ga;

BU HKAWM 6:27

Dai Madu gaw, “Shanhte nye a mying gang nna Israela amyu masha ni hpe shaman ga tsun ai rai yang, ngai mung shanhte hpe shaman ya na mawe ai,” ngu nna tsun wu ai.

ROMA 3:29

Karai Kasang gaw Yuda amyu masha ni a Karai Kasang sha rai ni? Tara maigan masha ni a Karai Kasang mung rai nga ai n rai ni? Rai sa, shi rai nga ai.

GALATI 6:15

Marai langai ngai gaw matu gadoi hkam ai lam rai ti mung, n hkam ai lam rai ti mung ahkyak madung n rai; ningnan hpan da hkrum ai wa tai na she ahkyak madung rai nga ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

TARA JAHPRANG 32:9

rai ti mung shi chyawm gaw Yaku amyu matu mara ni hpe shi a matu lata la nu ai.

HPILIPI 1:6

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

1 PETRU 2:10

Nanhte gaw shawng de kalang mi Karai Kasang a amyu masha ni n rai myit dai; rai ti mung ya gaw, shi a masha ni rai wa manit dai. Shawng de kalang mi nanhte gaw Karai Kasang a matsam dum lama ai hpe n hkap la lu myit dai; ya chyawm gaw hkap la lu manit dai.